1 JOHAN 3:23 - SHEEYU BAIBEL (BSI)

²³ Alia haisü puhvei chikhae, süolouzü puhnou Eletao hi chikha peiwuyu sübütoua, Eletao nou puhnah Poutu Jisu Khrista zhihsü louche vuzülai ea alinou liye leshilai.

1 JOHAN 3:23 Iomraidhean Croise

LOUTAO 2:12

Alia pi sholo ae nakou Mapao ye tholo, sütoumo louzü thalasou puh lekha sü pa-a bailai, ae neletao hai thaiha tea bailai. Puh hinou ve bailouyu mai hai rako veiyu maie.

MATHIU 22:39

Alia matsü kayu chikha ahai chenasü haikue: ‘Nenou ne kinapaye lah neye leshiyu büa leshilai.’

MARK 9:7

Süthaisü teihao alinou puletaoye kou züloure, alia teihao hinou pailinou haibüa paoe, “Haihai Enou leshishoyu lah Anah Poutue; puhnou paoyu keilo!”

JOHAN 1:12

ana puhye polouyu mai hrülai hisü, süolouzü puh zhih hinou louche louyu maitaoye, puhnou Ramainah panou souloure khouko sü peire.

JOHAN 13:34

Enou neletao hi chikha ashuli peiwe; neletao alinou liye leshilo. Enou neletaoye leshi peiyu büa, neletao-a alinou liye leshi vuzülai.

JOHAN 14:1

“Neletao le chorowuso; Ramaiye lülo, Eye-a lülo.

JOHAN 15:12

Haihai Achikha nasüe, süolouzü Enou neletaoye leshiyu kua neletao-a alinou liye leshilo.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 2:23

Chuo Jerusalem hinou Tachonüh hi bubuki puhnou souyu sheetao sü ngaoloua mai taolinou puhye louche loure.

JOHAN 3:18

“Puhye loucheyu mai taliye sü chiku moe; ana louche moyu mai taliye sü chiku chere, daiolouzü puhnou Ramai vei likhuyu Nahpoutu zhih hisü louche loumoe.

JOHAN 6:29

Jisu nou puletao hi chila peie, “Ramai vah louzü puhnou seivekhai touyu sünaye neletao nou loucheyu süna süe.”

SEI-ATAMAI VAHTAO 16:31

Sühinou puhai nou chila peie, “Mapao Jisu ye louchelo, sükulouzü ne-a, ne kikha maitao-a khailu loulai.”

EPHESAMAI 5:2

Alia Khrista nou Eletaoye leshia kai nüveiyu na ea posheelayu na Ramai hi popeiyu büa lah puhye sü Eletaoye donou thoupeiyu sübüa neletao hrümai hai leshinou tukha-a hrüvuzülo.

1 THESSALONIMAI 4:9

Ana neletaoye donou maitaliye panou neletao hi thaihou jüraimaiye leshi loure vanou rüpeire matsü hae, daiolouzü neletao lah alinou liye kabüa leshi loulai touyu sü Ramai nou neletaoye doupeire.

1 TIMOTHI 1:15

Paokhai touyu chipao hainasü chechewe ea teiteinou poloua louchelou veie, süolouzü mahmaitaoye khaipeire donou Khrista Jisu sü deiphao hi ve-e. Alia mah maitao hrülai hrohinou Enou shishilai nasüe;

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

1 PITAR 4:8

Ha pfüphou jünou alinou liye lenoushoa leshilo, daiolouzü leshinou mah alaoye hongipeiwe.

1 JOHAN 2:7

Leshiyu Asakhemai, Enou neletao hi rüpei-a buyu chikha haina hai ashu moe; haisü neletao hi shurai hinou buyu chikha akuna baie. Chikha aku nasü neletao nou choulouyu chipao sünasüe.

1 JOHAN 3:11

Neletao nou shurai hinou choulouyu chipao nasü haire; Eletao alinou liye leshi vuzülai.

1 JOHAN 4:15

Maitalinou Jisu hai Ramai Nahpoutue tea dua paopa louzü, Ramai nou puh hi tobai soumoa bue, alia puhsü Ramai hi tobai soumoa bue.

1 JOHAN 4:21

Khrista nou Eletao hi peikhai touyu chikha nasü haire; Ramaiye leshiyu maitalinou puh thaihou jüraiye-a leshi vuzülai.

1 JOHAN 5:13

Neletao nou neletao hai teisa ahri bue touyu süloure donou Enou haisü Ramainah Poutu zhih hi louche-a buyu neletao hi rüwe.