1 JOHAN 3:22 - SHEEYU BAIBEL (BSI)

²² Eletao nou puh hinou khoyu teiteisü ngaolouwe, daiolouzü Eletao nou puh chikhasü züwe ea puhnou züpayu sü souwe.

1 JOHAN 3:22 Iomraidhean Croise

JOB VEI LARÜBVÜ 22:26

Süthaisü nenou Ramai ye teisa nou louche-a nevei savayu pfüphou hai Ramai hinou ngao-a bailai touyu süloulai.

LOUTAO 10:17

Oh Mapaowo, lelou hoyu maivei veachi sü nenou keinou peilai; nenou puletao vei tsüle sü soudu peilai.

LOUTAO 34:4

Enou Mapao hi veachi paoe, ae puhnou Eye chila peie; Enou ngaopi-a buyu veishi hinou puhnou Eye vupa peie.

LOUTAO 50:15

Neletao hi veahoyu veyu phaki Eye kulo; Enou neletaoye khailupa peilai, ae neletao nou Eye paosholai.”

TSÜCHITAO 15:29

Mai aveih maivei veachi sü Mapaonou kei peiwe, ana maishi maivei louzü pomoe.

TSÜCHITAO 28:9

Chikha zümoyu mai linou veachi paoyu hai, Ramai nou puhvei veachi sü keira sho-a bailai.

ISAIAH 1:15

“Neletao nou bah lapoa veachi paoyuma Enou zhu peilai moe. Neletao nou shusoua veachi alao paoyuma Enou keipeilai moe, daiolouzü neletao vei bah hisü zhe khai-a bubaie.

JEREMIAH 33:3

“Eye lakhaio, ae Enou neye chila peilai; nenou sükhai toumoyu khupayu ae veishoyu khesü Enou ne hi paongao peilai.

MATHIU 17:5

Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”

MATHIU 21:22

Alia neletao nou louche-a bulouzü, neletao nou veachi pao-a khoyu talihai ngaoloulai.”

MARK 11:24

Qo haina vanou Enou neletao hi paowe: Neletao nou veachi pao-a hatali kholouzü, süsü neletao nou ngaoloure tea louchelo, alia neletao nou khoyu talisü neletao hi peilai.

JOHAN 14:13

Nahpoutu vanou Puoye soudusho peiloure donou, neletao nou Azhih hinou khoyu talisü Enou soupeilai.

JOHAN 15:10

Enou Apuo chikhatao züloua puh leshi hinou tobai soumoa buyu kua, neletao-a Achikhatao zülouzü neletao nou Aleshi hinou tobai soumoa buloulai.

JOHAN 15:7

Neletao nou Ahi tobai soumoa bulouzü ea Achipao taosü neletao hi tobai soumoa bulouzü, neletao nou züpayu tali khokhaio, alia sünasü neletao donou soupeilai.

JOHAN 6:29

Jisu nou puletao hi chila peie, “Ramai vah louzü puhnou seivekhai touyu sünaye neletao nou loucheyu süna süe.”

JOHAN 8:29

Alia Eye seive peiyu puhsü Eye koa bue; puhnou E likhu thaopei moe, daiolouzü Enou teisanou puh züpasü souwe.”

JOHAN 9:31

Ramai nou mahmai pai keipei moe, ana maita linou Ramaiye thoa puh leli soulouzü, Ramai nou puh paisü keipeiwe touyu Ehnou süwe.

SEI-ATAMAI VAHTAO 17:30

Ramai nou dao raiki maikhe mainou puhye sülou moyu teile hiwo ngaoa ngaomokho soupeire, ana chuo buh liki buyu mai hrülaiye panou le daloure puhnou chikha peire.

SEI-ATAMAI VAHTAO 20:21

Enou Jihudimaitao hi-a ea Greekmaitao hi-a süolouzü puletao nou ledaloua Ramai hi dakhai veloure ea Eletao Mapao Jisu ye lüloure donou zhopaoh soua paodoupeie.

PHILIPPIMAI 4:18

Enou ngaochekhou loure ea kouh-lih-a ngaoloure! Chuo Enou moshilaiyu teiteisü buchekhou loure süolouzü neletao vei sapeina veishisü Epaphroditas nou Ahi povepeie. Sütaosü Ramai hi kai nüveiyu na pothoyu, puhnou polou veiyu ea züpayu posheelana nasüe,

KOLOSSEMAI 1:10

Süthaisü neletaosü Mapao vei züpa thaifüa hrülou süe ea teisanou puh züpa vah taonou soubailai. Neletao hrümai hinou vah aveivei shithou teiteisü shilai, alia neletaosü Ramai vei tsüna hinou dushu loulai.

EBRIAMAI 13:21

Kaonayu Ramai nou nelelao hisü puhnou lichoyu souloure donou neletao nou moshilaiyu na avei teitei peiyu sü souloukhaio, alia Jisu Khrista vanou puhye panou puhnou züpa vahsü Eletao hinou soulou khaio. Alia Khrista hisü teisanou adusho paoyu sü souloukhaio! Amen.

JEMS 1:5

Ana neletao hronou kamainou ratsü chemoa bulouzü, puhye panou puh hi süna peilaiyu Ramai hinou khokhaio; daiolouzü Ramai nou mai hrülai hisü alaosoua ea leshishoa peibaiwe.

JEMS 4:3

Alia neletao nou khoyu kisü, süsü neletao nou ngaolou moe, daiolouzü neletao vei leli taosü veimoe; neletao nou lah neletao valoure hi seiloure na sütao donou khobaiwe.

JEMS 5:16

Südonou neletao sounou sü veiloure donou neletao vei mahsü alinou lihi paopa ngao-a alinou li donou veachi paopeikhaio. Chechemai ali vei veachi hai vah soulouvei khouko alaosou bue.

1 JOHAN 2:3

Eletao nou Ramai vei chikhatao züa bulouzü, süvanou Eletao nou Eletao hai puhye süvuzüe touyu sü süwe.

1 JOHAN 5:14

Eletao sü Ramai nghojünou khuvei-a bue, daiolouzü Eletao nou süvuzüe süolouzü puh leli thaifüa hatali Eletao nou puh hinou kholouzü puhnou Eletaoye keipeie.