1 JOHAN 3:2 - SHEEYU BAIBEL (BSI)

² Leshiyu Asakhemai, chuwo Eletao sü Ramai nah taore, ana thaikhai hisü Eletao sü daibü laisa touyu sü chuchu sheetou mohie. Ana Eletao nou süwe süolouzü Khrista nou veyu kisü, Eletao sü puh bülai, daiolouzü puh zhuh chekhaoyu süna hinou Eletao nou puhye sü ngaolai.

1 JOHAN 3:2 Iomraidhean Croise

JOB VEI LARÜBVÜ 19:26

Avasou hai shikhao nou toube-a buyuma E thaitamo jünou Ramai ye ngaolai hie.

LOUTAO 16:11

Nenou Eye hriyu ludu nasü ngaopeilai; nenou Eye koa bupeiyu donou ahi hai savayu phoutao-a bue, ae teisa nou Eye savayu nasü pove peie.

LOUTAO 17:15

Ana Ewo louzü neye ngaolai, daiolouzü Enou kaomo zümo vah ashi ali-a soumoe; ae Enou kaishuyu phaki, ne nghoujü nou sava-a nou neye rai-a bulai.

LOUTAO 31:19

Nevei aveih na khesü daizhou koute khupa-e, nenou sükhesü neye tsükhoua buyu maitaoye donou khaida peiwe. Ne daizhou koute veiwe touyu sü mai hrülai nou süwe, ae neye louche-a buyu maitaoye nenou vupa peiwe.

ISAIAH 56:5

Enou puletaoye sü avei Rathoki hinou ngailai moyu zhih, nahpoutu ae nah naotumai buyu maitao jünou veipua halai moyu zhih aveih nasü puletao hi peilai.”

MALAKAI 3:2

Ana puhnou veyu teithesü thaonou healou süe alia puh nghoujü thaonou lalou süe? Daiolouzü puh hai sousheeyu mei ae saoshiyu maivei sabon kuwe.

MATHIU 5:8

Le sheeyu maisü rakoveie; daiolouzü puletao nou Ramaiye ngaolai!

LUK NOU RÜYU KO AVEIBVÜ 17:30

Mai Nahpoutuye pongaoyu teitheki-a sükulai.

LUK NOU RÜYU KO AVEIBVÜ 20:36

Alia puletaosü thaipu khailai moe, daiolouzü puletaosü rakivamai kure. Alia hrishu louyu nahmaitao soulouyu donou puletaosü Ramai nahtao souloure.

JOHAN 1:12

ana puhye polouyu mai hrülai hisü, süolouzü puh zhih hinou louche louyu maitaoye, puhnou Ramainah panou souloure khouko sü peire.

JOHAN 11:52

alia tahrüh süna likhei donou bailaimoe, ana vakounou raroua buyu Ramainah taoye alikhei soua pove dzüre donoue.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

ROMMAI 8:16

Ramai Rako puh lahnou Eletao rakoye koa lou Eletao hai Ramai nahtaoe touyu sü zhopaoh souwe.

ROMMAI 8:18

Enou chowe süolouzü chu teile haina hi Eletao nou veahoyu haina hai Eletao hi ngaopei laiyu vere khouko ava sünaye hakia paokha louhoe.

ROMMAI 8:19

Soukhai touyu basha teiteinou Ramai hinou zhishopoa puhnah poutu maitaoye ngaopeire sü khoa bue.

ROMMAI 8:29

Ramai nou raia sülouyu puletaoye sü puhnah poutuye raibüyu zhu nasü-a koa panou zha ngaozhore donou puhnou raia do-a dochere. Sübüa Nahpoutu naye panou thaihou jüraimai alao hrohinou raikaina soulai.

1 KORINTHMAI 13:12

Chu Eletao nou ngaoa buyu sünawo louzü zhuzhu hinou ngaorarayu khu bübaie; ana sükisü zhu haonou ngaolai. Chu Enou süa buyu sünawo louzü kaitouli hinou baie, sükisü Ramai nou chu Eye sükhaia buyu sübüa E-a sükhailai.

1 KORINTHMAI 15:49

Eletao nou chu nainou soukhai touyu mai sünavei kheihaoyu zhu pfüyu büa, Eletao sü raki hilovei mai sünavei kheihaoyu zhu-a pfülai.

1 KORINTHMAI 2:9

Ana haisü haibüa rüthouyu kue, “Nghithou nou ngaokhai moyu, moa nounou choukhai moyu moa emai lekhe hinou chokhai moyu sünasü Ramai nou puhye leshiyu maitao donou souda khaitouyu na süsüe.”

2 KORINTHMAI 3:18

Südonou Eletao hrülaisü pah homoa Mapao vei khouko ava nasü ngao-a bue; alia Rako baiyu Mapaowo hinou veyu khouko ava sünanou Eletaoye sü dukoulailaiyu khouko ava nahi puh zhu kheihao-a soudathou peire.

2 KORINTHMAI 4:17

Daiolouzü teile phajüvei daotu veahoyu hainanou Eletaoye donou veahoyu haina jünou dukou shoyu paosha louhoyu veiveilai teisavei khouko ava nasü souda peiwe.

GALATIAMAI 3:26

Lü vanou neletao hrülaisü Khrista Jisu ye koa ali soulouyu hinou Ramai nah soukhai loure.

GALATIAMAI 4:6

Alia neletao hai puh nahmaitao touyu sü pongaore donou Ramai nou puhnah Poutu vei Rakosü Eletao lehi seive thoupeie, alia rako sünanou, “Abba! Apuo!” tea raopawe.

PHILIPPIMAI 3:21

Puhnou Eletao vei lülou hoyu thailouvei pfüphao nasü soudawulai ea puhnou ha teiteiye panou puh khehi hrülou süyu khouko sünasü seia pfüphao sütaosü lah puhvei vaveishoyu pfüphao sübüa souwulai.

KOLOSSEMAI 3:4

Eletao vei ahri Khrista puh veyu kisü, neletao-a puhye koa veloua puh khouko avasü zha ngaozholai!

EBRIAMAI 9:28

Sükheihao-a Khrista-a maikhemai alaovei mahtao pfüta loure donou vuhli sheela-a pothouwure, alia mah donou moa puhye donou zhishoa khoa bumaitaoye khaipeire donou puhsü vuh ahai chena soua velai.

2 PITAR 1:4

Haikua, puhnou apaopei khaitouyu dushoyu ea muhtei shoyu sapeina taosü Eletao hi peiwure, süolouzü sapeina haitao vanou, ke-zhe züpa vanou veyu deiphao hi buyu ashi süna hinou neletao nou tupaloua Ramai vei zhai nasü koa zha ngaozho loulai.

1 JOHAN 2:28

Ovai, Anah khemaitao, puhnou veyuki Eletao sü khu veishoa buloure donou ea puhnou veyu Teitheki puh hinou ahrao-a tutsü talou more donou puhye koa ali soua bulo.

1 JOHAN 2:7

Leshiyu Asakhemai, Enou neletao hi rüpei-a buyu chikha haina hai ashu moe; haisü neletao hi shurai hinou buyu chikha akuna baie. Chikha aku nasü neletao nou choulouyu chipao sünasüe.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

1 JOHAN 3:10

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.

1 JOHAN 3:21

Alia südonou, leshiyu Asamaitao, Eletao vei lekhetsü nanou Eletaoye mah dukhai molouzü, Eletao sü Ramai nghojünou leduyu bue.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

PONGAOPEIYU 2:28

alia Enou puh hisü shona teivuh-a peilai.

PONGAOPEIYU 22:4

Puletao nou puh zhusü ngaolai, alia puh zhihsü puletao puvahi rükhailai.