1 JOHAN 3:19 - SHEEYU BAIBEL (BSI)

¹⁹ Südonou haina vanou Eletao nou Eletao hai acheche hinou vebaie touyu sü süloulai; alia haina vanou Eletao lesü Ramai nghojünou latoua bulousüe.

1 JOHAN 3:19 Iomraidhean Croise

LOUTAO 119:56

Nevei chikhatao züa buyu donou E savayu sü ngaowe.

ISAIAH 32:17

Daiolouzü mai hrülai nou kaozü nasü souwulai, alia sühisü kaonayu ae kaozhou veia teisa nou bulai.

JOHAN 13:35

Neletao hi alinou ali donou leshiyu nasü bulouzü, süvanou neletao hai Arozümai-e touyusü mai hrülainou süloulai.”

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

ROMMAI 4:21

Ramai nou apaopei khaitouyu sü puhnou veimoa soupei lousüe touyu sü Abraham nou sütoua bue.

ROMMAI 8:38

Daiolouzü Enou süvuzüe süolouzü hatalinoua Eletaoye puh leshi hinou soukupa peilou hoe: athainou-a, ahrinou-a, rakivamainou-a, meizai pei hi khouko teiteinou-a, chuchuvei nataonou-a, vere nataonou-a,

2 TIMOTHI 1:12

alia sübüyu donou Enou veayu haitaosü dao-a bue. Ana Ewo ahraomoe, daiolouzü Enou loucheyu puhye sü Enou süwe, alia puhnou Ahi lüthou peikhai touyu nasü teithe süki koute puhnou khopei lousüe tea Enou louchewe.

EBRIAMAI 10:22

Eletao nou vuzüyu lünou phoua buyu cheche le sünanou lekhetsü ashina hinou soushee peiyu Eletao le ea sheeyu dzünou khüsheeyu Eletao vei pfüphaoye koa Ramai hi takou ngheilou laikhe.

EBRIAMAI 11:13

Mai haitao hrülaisü lü louche-a thaita khaire. Puletao sü Ramai nou apaopei khaitouyu nataosü ngaoloumoe, ana puletao nou kaah doushoyu hinou zhingaoloua sütaoye sü sasa-a khoa bue, alia puletao hai deiphao hinou vakoumai ea shevai shesümai baie touyu sü dua aetouwe.

1 JOHAN 1:8

Eletao nou Eletao hai mah hae tea paolouzü, Eletao nou lah Eletaoye labaiwe, alia acheche nasü Eletao hi hae.

1 JOHAN 2:21

Südonou Enou neletao hi rüwe, süsü neletao nou achechena sümoyu donou moe, ana neletao nou sünaye süyu donoue, alia achechena hinou madayu ali-a vemoe touyu süna-a neletao nou süwe.

1 JOHAN 3:14

Eletao nou süwe süolouzü Eletao hai athaina hinou tacho paloua ahri nahi velou loure, daiolouzü Eletao nou Eh thaihou jüraimaiye leshiwe. Leshi moyu maitalisü athaina hinou tobai soumoa bue.

1 JOHAN 3:20

Eletao vei lekhetsü nanou Eletaoye mah dukhai louzü, Eletao nou süwe süolouzü Ramaiwo Eletao vei lekhe tsüna jünou duhie ea puhnou ha teiteisü sükhaiwe.

1 JOHAN 3:21

Alia südonou, leshiyu Asamaitao, Eletao vei lekhetsü nanou Eletaoye mah dukhai molouzü, Eletao sü Ramai nghojünou leduyu bue.