1 JOHAN 3:17 - SHEEYU BAIBEL (BSI)

¹⁷ Hani mai alinou puh thaihou jüraihi moshilaiyu bue touyu sü ngaoloukhaia, puh lesü puh thaihou jürai hilo khuwu louzü, puhnou kabüa puh hai Ramaiye leshiwe tea paoloulai?

1 JOHAN 3:17 Iomraidhean Croise

TSÜCHITAO 12:10

Achechemai lisü puhvei kikhaorütao ye soutaosoua kiko peiwe, ana mai shimai louzü zhaipou shisho-a baiwe.

TSÜCHITAO 14:31

Touhayu maiye souveayu mai sü puletaoye soupeiyu Ramai ye ngaophou moe, ana vea-a laiyu maiye leshi peiyu maisü puhye tsükhoue.

TSÜCHITAO 19:17

Touhayu maiye zhuvea poupaoh peiyu hai Mapao hi poupaoh peiyu raibüa baie, Mapao nou puhye sü peidakhai-a bailai.

TSÜCHITAO 21:13

Touha mainou krayu pai kei bayu mai nawo puh-a vuli kra palai, ana mai linoua puh pai sü kei peilai moe.

TSÜCHITAO 28:9

Chikha zümoyu mai linou veachi paoyu hai, Ramai nou puhvei veachi sü keira sho-a bailai.

LUK NOU RÜYU KO AVEIBVÜ 3:11

Puhnou puletao hi chila peie, “Zao ahai buyu puhnou halia hayu puh hisü zhikhaio; alia touso buyu puh-a sübü-a soukhaio.”

2 KORINTHMAI 8:9

Neletao nou Eletao Mapao Jisu Khrista vei zhuvea nasü süwe; süolouzü puhsü hanikhaia, neleye donou puhsü toure haloure, sübüa puhvei ha hayu süna vanou neletaoye panou hani loure süsüe.

EBRIAMAI 13:16

Avei vah souyu ea alinou liye soukhayu nasü ngaiwuso, daiolouzü sütaosü Ramai nou züpayu posheelayu taoe.

JEMS 2:15

Hakinou thaihou jüraimaili moa tumaili baitoua bulouzü ea touso chemoa bulouzü,

JEMS 2:16

neletao hronou kamainou puletao hi, “Kaona-a tawo, lebolo ea pou phoulo!” tea paowu-a puletao vei pfüphaonou moshilaiyu halia peimoa bulouzü, sünanou dai koyu bue?

1 JOHAN 4:20

Maitalinou, “E Ramaiye leshie,” tea paokhai-a, puh thaihou jüraiye ngaora louzü, puhsü madayu maibaie. Daiolouzü puhnou ngaoa buyu puh thaihou jüraiye leshi molouzü, puhnou ngaomoyu Ramaiye leshi louhoe.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.