1 JOHAN 3:15 - SHEEYU BAIBEL (BSI)

¹⁵ Puh thaihou jüraiye ngaorayu maitalisü maiye southeayu maibaie, alia neletao nou süwe süolouzü maiye southeamai puh hisü teisavei ahri nasü hae.

1 JOHAN 3:15 Iomraidhean Croise

SHURAI 27:41

Puh puo nou Jakob ye shiha peiyu vanou Esau nou puhye ngaora loure. Puhnou haibüa tsücho loure: “Apuo thai-a dopfü laiyu teile sü nghikoure, süteile hinou Enou Jakob ye southalai.”

MATHIU 5:28

Ana chuo Enou neletao hi paowe süolouzü maitalinou naotumai aliye vasou züpa hilonou zhutei louzü puhnou puh lekhe hinou naotu süpaiye koa khulou soure.

MARK 6:19

Südonou Herodia nou Johan pei hi sü raroushoa ea southea nüa bue, ana Herod donou souloushia bue.

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

SEI-ATAMAI VAHTAO 23:12

Thainaisho shona hisü Jihudimai kamainou khei-kheisou tave dzüloua puletao nou Paulye southealou mosasü tou-a toulaimo sho-a sholaimoe tea lah puletao nou chaachou soukhaitoua bue.

SEI-ATAMAI VAHTAO 23:14

Alia puletao nou napao adumaitao ea tsümai taohi taveloua paoe, “Ehnou Paulye southealoumo koutesü halia toukhai laimoe tea chihshoyu chou souloua lah Ehye phukhaitoua bue.

PAODAKHAIYU CHIKHA 19:11

“Ana mai ali nou puhvei kinapa maiye ngaora-a alia southalai tea daloua southa louzü, ae süthaisü puhnou nuhdu haitao ali hi tuve buloure toulouzü,

JEMS 1:15

Süthaisü züpa nanou pou pfülouyu kisü mah napeiwe; alia mah nanou liche louyu kisü athai napeiwe.

1 PITAR 1:23

Daiolouzü hriyu ea teisa halou hoyu Ramai chipao vanou neletaosü hakalou veiyu thoutai hilonou moa hakoulou hoyu thoutai hilonou nashu loure;

1 JOHAN 2:11

Ana puh thaihou jüraiye ngaorayu maitalisü teizhihi bue; alia teizhi hinou talai-a bue ea daiki tahosa touyu hai puhnou sümoe, daiolouzü teizhi nanou puh nghithousü souchawure.

1 JOHAN 2:9

Maitalinou puh hai avahi bue tea paokhaia, puh thaihou jüraiye ngaora louzü, chukoutea puhsü teizhihi buhie.

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”