1 JOHAN 3:13 - SHEEYU BAIBEL (BSI)

¹³ Südonou Athaihou jürai khemai, deiphao mainou neletaoye ngaora louzü khupawuso.

1 JOHAN 3:13 Iomraidhean Croise

TSÜCHITAO 29:27

Mai ashi maiye sü acheche mainou ngaora-e, ae acheche maiye mai ashimai nou ngaora-e.

KOPAODOUWO 5:8

Deide ali hinou touha maiye souvea-a alia acheche ae kaozü nahai soumoa buyu nenou ngaolouzü, süna vanou ne khupawuso; daiolouzü aku vahbuh buwo ye sü kupuyu alinou zhua bue, süthai-a süjü kupuyu linou puletaoye-a zhua bue.

MATHIU 10:22

Alia Azhih vanou mai hrülainou neletaoye ngaoralai. Ana akhai koute healouyu puhye sü khaipeilai.

MATHIU 24:9

“Süthaisü puletao nou neletaoye souvea souhore donou thoupeilai, alia neletaoye southealai; alia Azhih donou neletaoye tahrüh veishinou ngaoralai.

MARK 13:13

Adonou mai hrülainou neletaoye ngaoralai. Ana akhai koute shamea louyu puhye sü khaipeilai.

LUK NOU RÜYU KO AVEIBVÜ 21:17

Mai hrülainou neletaoye Azhih donou ngaoralai.

LUK NOU RÜYU KO AVEIBVÜ 6:22

“Mai Nahpoutu vanou neletaoye maikhemai nou ngaorayu, souku payu, sou ahrao peiyu ea maishie tea neletaoye zhih phawuyu kisü rakoveie!

JOHAN 16:2

Puletao nou neletaoye rathobuhtao hinou hutalai. Cheche vuzünou phasü veloure, süolouzü neletaoye southeayu maitalinou sübüa souyu hai puhnou Ramai kuvah souwe tea cholai.

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

JOHAN 17:14

Enou puletao hi ne chipao nasü peire; alia deiphao mainou puletaoye ngaorae daiolouzü E hai deiphao hinou moyu kua puletao-a deiphao hinou moe.

JOHAN 3:7

‘Nele hrülainou nashulou vuzülai’ tea Enou nehi paoyu donou khupaso.

JOHAN 7:7

Deiphao mainou neletaoye ngaoba louhoe, ana sünanou Eye ngaobawe daiolouzü Enou puh vah taohai ashi baie tea zhopaoh peiwe.

SEI-ATAMAI VAHTAO 3:12

Alia Pitar nou maikhe maiye ngaolouyu kisü puletao hi paoe, “He Israel maitao, neletao daidonou mai haina vanou khupawe? Alia Ehnou Eh khouko hinou mo-a Ehnou Ramai hilo leishoyu vanou puhye panou talouyu kua daidonou nelenou Eh hi pheteiwe?

ROMMAI 8:7

Daiolouzü kezhe züpa thaifüa choyu sünanou Ramaiye motouwe; sünasü Ramai vei razhai khakhe hi bumoe, acheche nou sünanou bua bulouhoe.

2 TIMOTHI 3:12

Acheche nou Khrista Jisu ye koa rahrümai hinou hrüyu züpayu mai taye sü souvea-souholai;

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

PONGAOPEIYU 17:7

Ana rakivamai sünanou Ahi noue, “Ne daidonou khupawe? Naotu süpaivei, alia pei anai ea kai kiruo pfüa puhye pfütayu khaosou sünavei khei kosü Enou nehi paongao peilai.