1 JOHAN 3:12 - SHEEYU BAIBEL (BSI)

¹² Eletaowo Kain büwu laimoe; puhsü Ashina hinou ve ea lah puh thaihou Abelye southeare. Daidonou Kain nou puhye southea-e? Daiolouzü lah puhvei vahtaosü ashina baie, ana puh thaihou nou souyu taosü chechewe.

1 JOHAN 3:12 Iomraidhean Croise

SHURAI 4:25

Adam nou puh chapfüye koa buloua nahpoutu ali napuloue. Puh zhih hai Seth tea saloue, daiolouzü Kain nou Abel ye dathayu thao Ramai nou nah poutu ali ahi peie tea maipfü nou paoe.

2 SAMUEL 13:22

Ae Absalom nou Amnon hi halia chakhai toumoe, ana puh tupaiye taitsü-a sazü peiyu donou Amnon ye ngaorasho-a bure.

LOUTAO 37:12

Mai shiyu maitao nou acheche maitaoye soushi peilai tea rowe, ae puletaoye ngaora shoa nou huh tukeke poa zhuwe.

LOUTAO 38:20

Aveih soupeiyu thaosü ashi nou paoh khapeiyu maitao nou Eye duloure, daiolouzü Enou kaozü nasü soulai tea teyu donou.

TSÜCHITAO 27:4

Rarou lekha payu hai zhaipou shisho-e; ana thaonou ngaoraiyu nghoujü hinou lalou süge?

TSÜCHITAO 29:10

Mai zhe teinüyu mainou tsüle sheeyu maiye ngaorawe, ana checheyu mainou puhvei hrirai vupa peiwe.

TSÜCHITAO 29:27

Mai ashi maiye sü acheche mainou ngaora-e, ae acheche maiye mai ashimai nou ngaora-e.

MATHIU 13:19

Vedei vei chipao chouloua süsü sülou moyu puletao sü luduhi dekouyu thoutaitao büe. Puletao lethouhi vuthoukhai touyu taosü Ashinanou taveloua shaopoa tare.

MATHIU 13:38

dou nasü deiphaoe; avei thoutai nasü Vedei vei maikhe maitaoe; khataosü Ashina vei mai khemaitaoe;

MATHIU 23:35

Sükuyu vanou mah hayu Abelye southeayu hinou shua neletao nou Rathoki ea posheelabuh kole hinou southeawuyu Berakia nahpoutu Zakaria vei zhe koute mah hazheia deiphao hi zhe kükouyu mai hrülaivei tudee hai neletao pei hi velai.

MATHIU 27:23

Ana Pilat nou noue, “Daidonoue, puh nou daishi soure?” Sükisü puletao nou pai kupusho loua paoe, “Puh ye kros vanou veatheawo!”

MATHIU 5:37

Ana nenou paoyu taosü laboua ‘Ae’ moa ‘Moe’ tea paobaiwo; süpeinou paopuyu taosü Ashina hinou vebaie.

LUK NOU RÜYU KO AVEIBVÜ 11:51

süolouzü Abel vei zhe hinou shua sheelabuh ea Mashi buh kole hinou southeawuyu Zekharia vei zhe koute donou maikha haina hinou khüh phoulai. Ovai, Enou neletao hi paoe, sütao teitei donou maikha haina hinou khüh phoulai!

JOHAN 10:32

Jisu nou puletao hi paoe, “Apuo hinou vah avei alao Enou neletao nghojühi soungaore; sütao hrohinou kana vanou neletao nou Eye chuhnou deilai touwe?”

JOHAN 8:40

ana Ramai hinou achechena chouloua neletao hi doupeiyu mai Eye chuo neletao nou southealai tea phouwe. Abraham nou sübüa soukhai moe!

JOHAN 8:41

Neletao puonou souyu vah nasü neletao nou souwe.” Puletao nou puh hi paoe, “Eletao louzü khanah moe; Eletao vei puo ali bue, süolouzü Ramaie.”

SEI-ATAMAI VAHTAO 7:52

Neletao puokhemai taonou rachi paolamaitao hronou thaohye souvea moyu bue? Alia puletao nou Achecheo verevei raia paosü peiyu maitaoye koutea southeare. Alia chuo neletao nou puhye sü shoh soupei-a southeare.

1 THESSALONIMAI 2:14

Eh thaihou jürai khemai, Judea hi buyu Ramai vei lüloumaimetao, süolouzü, sühi buyu Jisu Khrista vei maikhe maitaohi payu sübütoua neletao hi-a paloure. Puletaoye lah pule Jihudi mai tao nou souvea peiyu büa neletaoye-a lah nele teidei maitao nou souvea peiwe.

EBRIAMAI 11:4

Lü vanou Abel nou Kain vei jünou veikouyu posheelayu nanou Ramai hi popeie. Puh lü vanou puh hai chechemai alie touyu vei zhopaoh hai puhnou Ramai hinou ngaoloue, daiolouzü Ramai nou puhvei sapeina taosü ae-ao tea popeie. Puhsü thaitakhaia, puh lü vanou chu koutea puhnou chi pao-a bue.

EBRIAMAI 12:24

Neletao sü vo ashuna vei kolelou-apeio Jisu hi ea Abel zhe jünou zhuvea koushoa chipaoa buyu vurao khaitouyu zhe hi tave louloure.

1 PITAR 4:4

Alia haikuyu ashi ea chaochao souyu hrü haina hinou neletao nou chuwo puletaoye koa lou zhopeimo khaie puletao sü khupa loua neletaoye paoshiwe.

1 JOHAN 3:8

Mah soua buyu maitalisü Rashina hinou ve, daiolouzü shurai hinou Rashi nanou mah soure. Ramai Nah poutuwo nou veyu vei qowo louzü Rashi navei vahtaoye souhare donoue.

JUD VEI SEIKO 1:11

Puletao donou daizhozhou ngaopisa! Daiolouzü puletao nou Kain nou tayu luduna thaifü loure. Pousha vanou lah puletaosü Balaam nou soumahyu mah nahi duloure alia Korah nou souyu büa puletao nou reih soubvüyu donou puletaoye sü puh kua souhare.

PONGAOPEIYU 17:6

Alia sheeyu maitao vei zhe ea Jisu hinou cheche-a buyu vanou southeayu maitao vei zhenou shozhia buyu naotupai sünaye sü Enou ngaoe. Enou puhye ngaolouyu kisü, Esü khupasho loure.