1 JOHAN 3:1 - SHEEYU BAIBEL (BSI)

¹ Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

1 JOHAN 3:1 Iomraidhean Croise

2 SAMUEL 7:19

Ana Ramai Mapaowo, hainou akhai soumo khai-a naki hrüvere avei tyaosholea pei hi-a nenou havei soupeilai tea apaopeikhai touyu haitao hai chunou Eye panou süloue.

LOUTAO 31:19

Nevei aveih na khesü daizhou koute khupa-e, nenou sükhesü neye tsükhoua buyu maitaoye donou khaida peiwe. Ne daizhou koute veiwe touyu sü mai hrülai nou süwe, ae neye louche-a buyu maitaoye nenou vupa peiwe.

JEREMIAH 3:19

Mapao nou paoe, “Oh Israel, Enou neye anahpoutu soua polounüe, ae neye veishoyu teidei ali peinüe, deiphao teitei hinou veikayu teidei. Neletaoye panou Eye neletao vei Puo tea kunüe, ae ahinou pa tala tapu khaimoa bunüe.

HOSEA 1:10

Ana Israel maitao hai teithe li zai hi vünai bülai, süzhou mai linoua puletao ye duloulai moe, mokhaia puletao hrüh chosha louho soulai; “Neletao hai Amai moe” tea paoyu thaosü, “Hriyu Ramai nah khemai” tea Enou puletao ye paolai.

LUK NOU RÜYU KO AVEIBVÜ 20:36

Alia puletaosü thaipu khailai moe, daiolouzü puletaosü rakivamai kure. Alia hrishu louyu nahmaitao soulouyu donou puletaosü Ramai nahtao souloure.

JOHAN 1:12

ana puhye polouyu mai hrülai hisü, süolouzü puh zhih hinou louche louyu maitaoye, puhnou Ramainah panou souloure khouko sü peire.

JOHAN 11:52

alia tahrüh süna likhei donou bailaimoe, ana vakounou raroua buyu Ramainah taoye alikhei soua pove dzüre donoue.

JOHAN 15:21

Ana Azhih donou sütao veishi hai puletao nou neletao pei hi soulai, daiolouzü puletao nou Eye seive peiyu puhye sümoe.

JOHAN 16:3

Alia puletao nou Puo moa Eye sümoyu donou vah haitaosü neletao hi soulai.

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 3:16

Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

ROMMAI 5:8

Ana Ramai nou Eletaoye daizhozhou leshisa touyu sü ngaopeire, süolouzü Eletao nou mahmai soua bubukinou Khrista nou Eletaoye donou thaipeiwure!

ROMMAI 8:19

Soukhai touyu basha teiteinou Ramai hinou zhishopoa puhnah poutu maitaoye ngaopeire sü khoa bue.

ROMMAI 8:21

Süolouzü lah basha puhye-a teitheli hisü raitayu vei qila soutayu hinou do soupei vuzülai ea Ramai nahtao vei do soulouyu dusho sünasü koa zha ngaozho vuzülai.

ROMMAI 8:32

Lah puhnah poutuye-a phapei moa Eletao hrülai donou puhye thoupeiyu puhnou puhnah poutuye koa Eletao hi ha teitei sa-a peilai mowu?

2 KORINTHMAI 6:18

Esü neletao Puo soulai, alia neletaosü Anahpoutu mai ea Anah naotumaitao soulai tea khoukhoulai Mapaowo nou paoe.”

GALATIAMAI 3:26

Lü vanou neletao hrülaisü Khrista Jisu ye koa ali soulouyu hinou Ramai nah soukhai loure.

GALATIAMAI 3:29

Alia neletao hai Khrista vei soua bulouzü, neletaosü Abraham vei tyaonahmaitao souloure ea Ramai nou apaopeikhai touyu nasü ngaolai.

PAODAKHAIYU CHIKHA 14:1

“Neletao hai Ramai Mapao vei nahmaitaoe. Südonou athaimai donou ne peishu biso moa haoso.

KOLOSSEMAI 3:3

Daiolouzü neletaowo thaire, alia neletao hrümaisü Khristaye koa Ramai hinou pokure.

1 JOHAN 3:10

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.

1 JOHAN 3:2

Leshiyu Asakhemai, chuwo Eletao sü Ramai nah taore, ana thaikhai hisü Eletao sü daibü laisa touyu sü chuchu sheetou mohie. Ana Eletao nou süwe süolouzü Khrista nou veyu kisü, Eletao sü puh bülai, daiolouzü puh zhuh chekhaoyu süna hinou Eletao nou puhye sü ngaolai.

1 JOHAN 4:17

Eletao nou chikuyu Teitheki khuvei loure donou, leshi nasü Eletao hi southou liche peiwure; alia Eletao nou süsü ngaoloulai daiolouzü deiphao hainahi Eletao hrümai hai Khrista vei hrümai bübaie.

PONGAOPEIYU 21:7

Reih kolouyu puhnou Ahinou hainasü ngaolai: Esü puh Ramai soulai, alia puhnou Anah Poutuwo soulai.