1 JOHAN 2:9 - SHEEYU BAIBEL (BSI)

⁹ Maitalinou puh hai avahi bue tea paokhaia, puh thaihou jüraiye ngaora louzü, chukoutea puhsü teizhihi buhie.

1 JOHAN 2:9 Iomraidhean Croise

2 SAMUEL 13:22

Ae Absalom nou Amnon hi halia chakhai toumoe, ana puh tupaiye taitsü-a sazü peiyu donou Amnon ye ngaorasho-a bure.

LOUTAO 82:5

“Neletao hai daizhou koute tsüha-a nou vo sarou! Neletao mai hrülai nou shitakhai toure, ae teideiphao hisü kaozü ae acheche nasü hatare.

LEVIMAI LARÜBVÜ 19:17

“Neletao hai maitarali hia lekhevai nou vamoyu sü soulai moe, ana neletao nou puh hisü taho kaozü hinou phakulo, sübüa souloumo louzü puhvei mah nasü neletao nou pfüa bailai.

JOHAN 9:41

Jisu nou puletao hi paoe, “Neletao hai nghichayu kowo, neletao mah sü bupaimoe; ana chuo, ‘Eletaowo ngaowe,’ tea neletao nou paoyu donou neletao mah sü bubaie.”

SEI-ATAMAI VAHTAO 1:15

Alia teithe sütao kisü lüloumaitao hrohinou Pitar nou tashu laloua paoe (vedzüa buyu mai kaihlia kai phae),

2 PITAR 1:9

Ana tsüdo haitao hayu mai talisü nghichamai moa nghi ngaotoulou momai kue ea raichoki puhvei mah hinou puhye sü soushee peire touyu sü ngaiwure.

1 JOHAN 1:6

Eletao nou teizhi hinou ta-a bulukhu, Eletao hai puhye koa meime zhowe tea Eletao nou pao-a bulouzü, Eletao sü madawe ea achechena thaifüa hrümoe.

1 JOHAN 2:11

Ana puh thaihou jüraiye ngaorayu maitalisü teizhihi bue; alia teizhi hinou talai-a bue ea daiki tahosa touyu hai puhnou sümoe, daiolouzü teizhi nanou puh nghithousü souchawure.

1 JOHAN 2:4

Maitalinou puh hai Ramaiye süwe tea paokhai-a, puhnou puh chikhataosü zümo louzü, sübüyu maisü dayumai baie ea acheche nasü puh hi hae.

1 JOHAN 3:10

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.

1 JOHAN 4:20

Maitalinou, “E Ramaiye leshie,” tea paokhai-a, puh thaihou jüraiye ngaora louzü, puhsü madayu maibaie. Daiolouzü puhnou ngaoa buyu puh thaihou jüraiye leshi molouzü, puhnou ngaomoyu Ramaiye leshi louhoe.