1 JOHAN 2:8 - SHEEYU BAIBEL (BSI)

⁸ Sütoukhaia Enou neletao hi chikha ashuli rüwe, daiolouzü hainavei acheche nasü Khrista hinou ngaoe ea neletao hi-a ngaoe. Daiolouzü teizhi nasü talata-a bure, alia checheyu ava nasü varupoa bure.

1 JOHAN 2:8 Iomraidhean Croise

LOUTAO 27:1

Mapao hai avei ava ae Eye khailupa apeio nasüe; Enou mailia ngaopi laimoe. Mapao nou Eye kaozhou ashi teitei hinou vupa peiwe, haliro Enou ngaopire sü ha-e.

LOUTAO 36:9

Daiolouzü ne hi hriloure dzüla sü bue, ae nevei ava hisünou Etao hai vayu ngaoloua nou bue.

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

ISAIAH 9:2

Azhi hinou ta-a buyu maitao hai dushoyu ava ali ngaoloure; puletao hai zhitei touyu teidei hinou hrüa bue, ana chuo ava sünou puletao hisü vapoa bure.

MALAKAI 4:2

Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

MATHIU 4:16

Teizhi hinou hrüa buyu maikhemai taonou dushoyu ava ali ngaolai. Athaivei maiyu teidei hinou hrüa buyu maitao pei hisü ava sünanou vapeilai.”

LUK NOU RÜYU KO AVEIBVÜ 1:79

alia Eletao phisü kaonayu ludu hilo süthai-sata peire donou, khailu peiyu vei teinghi avasü raki hinou Eletao pei hisü koupeilai.”

JOHAN 1:9

Mai hrülaiye souva peiyu checheyu ava nasü deiphao hi velou loure.

JOHAN 12:35

Jisu nou puletao hi chila peie, “Phajü donou ava nasü neletaoye koa bupulai. Avana bubu kinou neletao nou takhaio, molouzü teizhi nanou neletaoye nulou shulai; teizhi hinou tayu mai sünanou puh hai daiki tahosa touyu sümoe.

JOHAN 12:46

Eye loucheyu talinou teizhihi bumore donou, Enou ava büa deiphao hi velouloue.

JOHAN 13:34

Enou neletao hi chikha ashuli peiwe; neletao alinou liye leshilo. Enou neletaoye leshi peiyu büa, neletao-a alinou liye leshi vuzülai.

JOHAN 8:12

Jisu nou puletao hi paopukhaie, “E hai deiphao ava nasüe; Athai füyu puhnou teizhi hi talai moe, ana ahri vei ava nasü ngaoloulai.”

SEI-ATAMAI VAHTAO 17:30

Ramai nou dao raiki maikhe mainou puhye sülou moyu teile hiwo ngaoa ngaomokho soupeire, ana chuo buh liki buyu mai hrülaiye panou le daloure puhnou chikha peire.

SEI-ATAMAI VAHTAO 26:18

Nenou puletao nghithou sü souhepa peilai, alia puletaoye teizhi hinou avahi ea Saitan vei khouko hinou panou Ramai hi dakhai velai, sübüa puletao nou Eye lülouyu vanou puletao mahsü khailu peiloulai ea Ramai nou dolouyu maitao hrohinou puletao buh sü ngaoloulai.

ROMMAI 13:12

Kheipha hai cheyu laire, heapha sü ngheiteire. Südonou Eletao nou teizhi vei vah taosü thaowu laikhe ea teiva vei reih natao sü noulou laikhe.

2 KORINTHMAI 8:9

Neletao nou Eletao Mapao Jisu Khrista vei zhuvea nasü süwe; süolouzü puhsü hanikhaia, neleye donou puhsü toure haloure, sübüa puhvei ha hayu süna vanou neletaoye panou hani loure süsüe.

EPHESAMAI 5:8

daiolouzü teile lihisü neletao hai teizhi hinou bue, ana chuwo neletao nou Mapao vei maitao soulouyu donou, neletaosü teiva hinou buloure; südonou teivahi nahmaitao büa talo,

2 TIMOTHI 1:10

alia chuo süsü Eletaoye khailu-apeio Khrista Jisu nou veyu vanou Eletao hi pongao peire. Puhnou athaivei khouko nasü souhare ea Ko Aveina vanou teisa ahri nasü pongao peire.

1 PITAR 1:21

Puh vanou neletao nou puhye athai hinou souhrishu peiyu ea puhye kathe soupeiyu Ramaiye louchewe; alia südonou neletao vei lü ea areih nasü Ramai hi bue.

1 JOHAN 3:23

Alia haisü puhvei chikhae, süolouzü puhnou Eletao hi chikha peiwuyu sübütoua, Eletao nou puhnah Poutu Jisu Khrista zhihsü louche vuzülai ea alinou liye leshilai.

1 JOHAN 4:11

Leshiyu sakhemaitao, Ramai nou haibüa Eletaoye leshi louzü, süthaisü Eletao-a alinou liye leshi züe.

1 JOHAN 4:21

Khrista nou Eletao hi peikhai touyu chikha nasü haire; Ramaiye leshiyu maitalinou puh thaihou jüraiye-a leshi vuzülai.