1 JOHAN 2:4 - SHEEYU BAIBEL (BSI)

⁴ Maitalinou puh hai Ramaiye süwe tea paokhai-a, puhnou puh chikhataosü zümo louzü, sübüyu maisü dayumai baie ea acheche nasü puh hi hae.

1 JOHAN 2:4 Iomraidhean Croise

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

TITA 1:10

Daiolouzü mai khakhehi hrübayu, chaochaosou chi paoa laiyu ea madayu maitaoli bue koulihsoua hee rodeyu mehinou bue.

TITA 1:16

Puletao nou Ramaiye süe tea paowe, ana puletao vei vahtaonou puhye bawe. Puletao hai ngaorayu ea paoyu zübayu taoe, puletaosü havei talia souzüdou moe.

1 JOHAN 1:10

Eletao nou Eletao hai mah soumoe tea paolouzü, Eletao nou Ramaiye madayu mai ali soupeire, alia puh chipaosü Eletao hi hae.

1 JOHAN 1:6

Eletao nou teizhi hinou ta-a bulukhu, Eletao hai puhye koa meime zhowe tea Eletao nou pao-a bulouzü, Eletao sü madawe ea achechena thaifüa hrümoe.

1 JOHAN 1:8

Eletao nou Eletao hai mah hae tea paolouzü, Eletao nou lah Eletaoye labaiwe, alia acheche nasü Eletao hi hae.

1 JOHAN 2:3

Eletao nou Ramai vei chikhatao züa bulouzü, süvanou Eletao nou Eletao hai puhye süvuzüe touyu sü süwe.

1 JOHAN 2:9

Maitalinou puh hai avahi bue tea paokhaia, puh thaihou jüraiye ngaora louzü, chukoutea puhsü teizhihi buhie.

1 JOHAN 3:6

Südonou Khristaye koa ali soulouyu mai hrülainou mah soua bumoe; ana mahsoua buyu maitalisü puhye ngaokhai mohie moa puhye sükhai mohie.

1 JOHAN 4:20

Maitalinou, “E Ramaiye leshie,” tea paokhai-a, puh thaihou jüraiye ngaora louzü, puhsü madayu maibaie. Daiolouzü puhnou ngaoa buyu puh thaihou jüraiye leshi molouzü, puhnou ngaomoyu Ramaiye leshi louhoe.

1 JOHAN 4:7

Leshiyu sakhe maitao, Eletao alinou liye leshilou laikhe, daiolouzü leshi hai Ramai hinou ve. Maiye leshiyu puhsü Ramai hinou naloure ea Ramaiye süwe.