1 JOHAN 2:3 - SHEEYU BAIBEL (BSI)

³ Eletao nou Ramai vei chikhatao züa bulouzü, süvanou Eletao nou Eletao hai puhye süvuzüe touyu sü süwe.

1 JOHAN 2:3 Iomraidhean Croise

LOUTAO 119:32

Enou nevei kharochi khesü soutaosoua nou züloulai, daiolouzü sütao nou Eye tsü veipuyu nasü peilai.

LOUTAO 119:6

Enou nevei chikha khesü soutaosoua reitou tea nou züa bulouyu thaio, Eye panou hraongu daokhailai moe.

ISAIAH 53:11

Puhnou veayu thainou, savayu ae rukhayu sü ngaolai; puhnou veahoyu sü hamako hinou vea moe touyu sü süloulai. Checheyu avei kilaiwo nou maitaoli vei mah sü pfüa talai, süvanou maitao liye khailu peilai.

LUK NOU RÜYU KO AVEIBVÜ 6:46

“Neletao daidonou Enou neletao hi paopeiyu nasü soumoabu lukhu Eye nou ‘Mapao, Mapao’ tea kuwe?

JOHAN 14:15

“Neletao nou Eye leshi louzü, Achikha taosü neletao nou zülai.

JOHAN 15:10

Enou Apuo chikhatao züloua puh leshi hinou tobai soumoa buyu kua, neletao-a Achikhatao zülouzü neletao nou Aleshi hinou tobai soumoa buloulai.

JOHAN 15:14

Enou neletao hi chikha peiyu hai neletao nou soulouzü, neletao hai Asamaie.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

EBRIAMAI 5:9

Alia puhye souliche peiyu kisü puhsü puhnou paoyu züyu maikhemai hrülai donou teisa khailu louyu peiloure dzünghou soutare,

1 JOHAN 2:13

Puo khe maitao, Enou neletao hi rüwe, daiolouzü shurai hinou hria buyu puhye sü neletao nou süwe. Nahle maitao Enou neletao hi rüwe, daiolouzü neletao nou ashinaye sü koloure.

1 JOHAN 3:14

Eletao nou süwe süolouzü Eletao hai athaina hinou tacho paloua ahri nahi velou loure, daiolouzü Eletao nou Eh thaihou jüraimaiye leshiwe. Leshi moyu maitalisü athaina hinou tobai soumoa bue.

1 JOHAN 3:19

Südonou haina vanou Eletao nou Eletao hai acheche hinou vebaie touyu sü süloulai; alia haina vanou Eletao lesü Ramai nghojünou latoua bulousüe.

1 JOHAN 3:6

Südonou Khristaye koa ali soulouyu mai hrülainou mah soua bumoe; ana mahsoua buyu maitalisü puhye ngaokhai mohie moa puhye sükhai mohie.

1 JOHAN 4:13

Hai vanou Eletao nou süvuzüe süolouzü Eletao sü puh hinou tobai soumoa bue ea puhsü Eletao hinou tobai soumoa bue, daiolouzü puhnou Eletao hi lah puhvei Rakosü peiwure.

1 JOHAN 4:7

Leshiyu sakhe maitao, Eletao alinou liye leshilou laikhe, daiolouzü leshi hai Ramai hinou ve. Maiye leshiyu puhsü Ramai hinou naloure ea Ramaiye süwe.

1 JOHAN 5:19

Eletao hai Ramai veie touyu sü Ehnou süwe, alia deiphao teiteiwo Ashinavei khakhe hinou bue.

1 JOHAN 5:2

Eletao nou Ramaiye leshiyu ea puh chikhatao züa buyu vanou Eletao nou Eletao hai Ramai nahtaoye leshiwe touyu sü süwe.

1 JOHAN 5:3

Daiolouzü Eletao nou Ramaiye leshiyu süvei kowo louzü puh chikhatao züyu süsüe. Alia puh chikhataohai Eletaoye donou tatei leyu süna moe,

PONGAOPEIYU 12:17

Sühinou zai nghoudu nanou naotupai süna pei hisü rarouloua, puh tao-nahmaitao, Ramai chikha züyumai hrülai ea Jisu nou pongao peiyu achechena hinou cheche-a buyu maitao pei hi reih züre donou tare.

PONGAOPEIYU 14:12

Haihisü Ramai chikha züa buyu ea Jisu hinou cheche-a buyu sheeyu maitaoye donou shamea loure ku-a bue.

PONGAOPEIYU 22:14

Puletao nou ahri süübe süna hinou rashi touloure ea romü sütao hinou nuhdu sühi talou loure donou puletao vei zaoduna soushee louyu maitaosü rakoveie.