1 JOHAN 2:29 - SHEEYU BAIBEL (BSI)

²⁹ Puh hai chechewe touyu hai neletao nou sülouzü, cheche vah soua buyu maitalisü Ramai nahbaie touyu sü neletao nou süvuzülai.

1 JOHAN 2:29 Iomraidhean Croise

JEREMIAH 13:23

Ethiopia mai alinou puh vasou teiyu sü soudalou süwu, moa shirakhao nou puh chah souda lousüwu? Süku lousüe toulouzü, neletao hashi khaikho soua buyu mainou havei sü souloulai.

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

JOHAN 1:13

Puletao nalouyu haiolouzü zhe hinoua, vasounou li-choyu hinoua, moa mainou li-choyu hinoua moe, ana Ramai hilonoue.

JOHAN 7:18

Puh lah puh madonou pao-a buyu puhsü lah puh kathe phoubaie; ana puhye seiveyu puh vei kathe phouyu puhwo chekhaoe ea puh hisü madayu alia hae.

SEI-ATAMAI VAHTAO 10:35

Ana tahrüh tyali hrohinou puhye piyu ea acheche vah soua buyu mai taliye sü puhnou popeiwe.

SEI-ATAMAI VAHTAO 22:14

Sükisü puhnou paoe, ‘Eh puopao Ramai nou neye puhvei li-choyu sü süloure donou, Achecheoye sü ngaoloure donou ea puh mü hinou puh paisü chouloure donou neye doloure.

SEI-ATAMAI VAHTAO 3:14

Alia neletao nou Masheeo ea Achecheo naye sü baloua maiye southeamai aliye sü neletaoye donou phapeire kholoure.

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

EBRIAMAI 7:2

alia Abraham nou reihbuh hinou ngaolouyu na teitei hinou zha kiruo hinou alisü puh hi peie (Melkizedek touyu vei ko araina louzü, “Acheche vei veo” toue; alia puh hai Salem teidei hi veoyu donou puh zhih ko hai “Kaonayu vei Veo” tea pao-a paowe.)

EBRIAMAI 7:26

Daiolouzü sükuyu sheeyu, chaa hayu, mahlia hayu, mahmaitao hinou dokupa khaitoua buyu ea rateitao jünou pokukhe khaiyu Eletao vei napao peichana buyu sü züdoushoe.

JEMS 1:18

Puhvei leli hinou Eletaoye panou puhvei hrikhaona teitei hronou raikaiyu shithoutao soure donou acheche vei chipaona vanou puhnou Eletaoye panou veloure.

1 PITAR 1:23

Daiolouzü hriyu ea teisa halou hoyu Ramai chipao vanou neletaosü hakalou veiyu thoutai hilonou moa hakoulou hoyu thoutai hilonou nashu loure;

1 PITAR 1:3

Eletao Mapao Jisu Khrista Puo ea Ramai puhye paosho laikhe! Daiolouzü puhvei dushoyu zhuvea vanou Jisu Khristaye panou athai hinou hrishuloua puhnou Eletao hi hrü ashusü peiwure. Hainanou Eletao lekhe hisü hriyu areih nanou pothou phoupeire,

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

2 PITAR 1:4

Haikua, puhnou apaopei khaitouyu dushoyu ea muhtei shoyu sapeina taosü Eletao hi peiwure, süolouzü sapeina haitao vanou, ke-zhe züpa vanou veyu deiphao hi buyu ashi süna hinou neletao nou tupaloua Ramai vei zhai nasü koa zha ngaozho loulai.

1 JOHAN 2:1

Anah khe maitao, neletao nou mah soulou more donou Enou haisü neletao hi rüwe; ana maitalinou mah souwu louzü, Eletao sühsoua Puo nghojü hinou chi veikhayu maili bue—puhsü Jisu Khrista Achecheo nasüe.

1 JOHAN 3:5

Neletao nou süwe süolouzü Khrista nou Eletao mah pota peiloure donou ve, alia puh hisü mahlia hae.

1 JOHAN 3:7

Anah khe maitao, maitaliye panou neletaoye lawuso! Khrista nou checheyu büa, cheche vah souyu puhsü cheche maie.

1 JOHAN 4:7

Leshiyu sakhe maitao, Eletao alinou liye leshilou laikhe, daiolouzü leshi hai Ramai hinou ve. Maiye leshiyu puhsü Ramai hinou naloure ea Ramaiye süwe.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

1 JOHAN 5:18

Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.

1 JOHAN 5:4

daiolouzü Ramai hinou nalouyu mai hrülainou deiphaoye koloue. Alia Eletao lü vanou Eletao nou deiphaoye kolouwe.

3 JOHAN 1:11

Leshiyu Asa, ashi zhaisü douso, ana avei zhainasü doulo. Avei souyu puhsü Ramai hinou ve; ashi souyu puhsü Ramaiye ngaolou mohie.