1 JOHAN 2:28 - SHEEYU BAIBEL (BSI)

²⁸ Ovai, Anah khemaitao, puhnou veyuki Eletao sü khu veishoa buloure donou ea puhnou veyu Teitheki puh hinou ahrao-a tutsü talou more donou puhye koa ali soua bulo.

1 JOHAN 2:28 Iomraidhean Croise

ISAIAH 25:9

Teithe haizhou sü mai hrülai nou haibüa paolai, “Puh hai Etao Ramaie, Eletao nou puhye louchewe, alia puhnou Etaoye khailupeie. Puh sü Mapao, Etao nou puhye lüloucheyu vanou chuo Etao hai sava-a nou bure, daiolouzü puhnou Etaoye khailupa peie.”

ISAIAH 45:17

Ana Israel mai louzü Mapao nou khailu peilai, ae teisa veilouyu sü ngaolai, alia puletao hai hraongu sü daokhai toulai moe.”

MALAKAI 3:2

Ana puhnou veyu teithesü thaonou healou süe alia puh nghoujü thaonou lalou süe? Daiolouzü puh hai sousheeyu mei ae saoshiyu maivei sabon kuwe.

MALAKAI 4:5

Zhukhaio, pishoyu Mapao vei teithe vemo jünou Enou rachipaolawo Elijah ye sü rai-a seive peilai.

MATHIU 16:27

Daiolouzü Mai Nahpoutu hai puh Puo vei khouko ava hinou puh vei rakivamai taoye koa velai, alia sükisü mai hrülaiye lah lahnou soukhai touyu vahtao thaifüa puh nou buu peilai.

MATHIU 16:28

Chechenou Enou neletao hi paowe, Mai Nahpoutu nou Veo soua veyu puletao nou ngaoloumo koute thailaimoyu mai kamai buh haihinou la-a bue.”

MARK 8:38

Südonou maita linou chu khulou souyu ea mah souyu maikha haina hinou Avanou ea Achipao vanou ahrao louzü, Mai Nahpoutu-a sheeyu rakivamaitaoye koa Puo vei khouko ava hinou veyu kisü süna vanou ahraolai.”

LUK NOU RÜYU KO AVEIBVÜ 17:30

Mai Nahpoutuye pongaoyu teitheki-a sükulai.

ROMMAI 9:33

Haisü haibüa rüthouyu kue, “Zhukhaio, maikhe maiye panou phisü loure chuh, puletaoye soukaore chuhdu ali Enou Zion hi pokhai khaitoue. Ana puhye loucheyu mai taliye sü panou ahrao ngaolaimoe.”

1 KORINTHMAI 1:7

süolouzü neletao nou Eletao Mapao Jisu Khristaye ngaopeire sü khoa buyu hinou neletao nou ngaolou chemoyu ha ali koutea hare.

1 KORINTHMAI 15:23

Ana mai ali lisü lah shoshonou hrishulai: Khrista nou mai hrülai jünou raikaie; süthaisü puhmaitao soua buyu puletao nou puh veyuki hrishulai.

EPHESAMAI 3:12

Khristaye koa ali soulouyu hinou puh hi Eletao vei lü buyuna vanou loucheshoa Eletao nou Ramai nghojühi takou loure khuveiyu nasü bue.

KOLOSSEMAI 3:4

Eletao vei ahri Khrista puh veyu kisü, neletao-a puhye koa veloua puh khouko avasü zha ngaozholai!

1 THESSALONIMAI 2:19

Daiolouzü chechenou Ehnou rei-a buyu moa sayu moa Eletao Mapao Jisu veyuki puh nghojünou kathesoua rüpfü loure veopeirüsü neletao moanou kukhe thaoh bue?

1 THESSALONIMAI 3:13

Haibüa puhnou neletaoye soutsü peilai, alia Eletao Mapao Jisu nou puhvei sheeyu maitao hrülaiye koa veyu kisü Eletao Puo Ramai nghojünou neletaosü liche loulai ea sheeloulai.

1 THESSALONIMAI 5:23

Eletaoye kaonayu peiyu Ramai puhnou neletaoye ha teitei hinou soushee peikhaio, alia puhye panou Eletao Mapao Jisu Khrista veyu kisü neletao rako, hrirai ea pfüphao teiteisü veishoa ea chaa ha-a khaipeiyu souloukhaio.

1 TIMOTHI 6:14

chikha sünasü Eletao Mapao Jisu Khrista khaivemo koutesü chaalia taomoa ea sheetoua reiloure donou Enou nehi chikha peiwe.

2 TIMOTHI 4:8

Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.

TITA 2:13

sübüa Eletao nou dushoyu Eletao Ramai ea khailu-apeio Jisu Khrista nou khouko-ava hinou velaiyu süolouzü Eletao nou rei-a buyu rako avei Teithe süna sü kho-a bulai.

EBRIAMAI 9:28

Sükheihao-a Khrista-a maikhemai alaovei mahtao pfüta loure donou vuhli sheela-a pothouwure, alia mah donou moa puhye donou zhishoa khoa bumaitaoye khaipeire donou puhsü vuh ahai chena soua velai.

1 PITAR 1:7

Veahoyu sütaosü neletao vei lühai cheche-e touyu popa ngaopeire donou baie. Souhalou veiyu sana koute-a mei hinou pothou dei-a zhai zhue; alia sübüa sana jünou koushoa muhteiyu neletao vei lü-a teisa panou buloure donou zhai zhuvu zülai. Süthaisü Jisu Khristaye ngaopeiyu teithe kisü neletaosü paoshoyu, kathe ea tsükhouyu sü ngaoloulai.

1 PITAR 5:4

Alia zhaokhowo peichananou veyu kisü neletao nou vütakhai laimoyu khouko avavei Veo peirüsü ngaolai.

1 JOHAN 2:1

Anah khe maitao, neletao nou mah soulou more donou Enou haisü neletao hi rüwe; ana maitalinou mah souwu louzü, Eletao sühsoua Puo nghojü hinou chi veikhayu maili bue—puhsü Jisu Khrista Achecheo nasüe.

1 JOHAN 3:2

Leshiyu Asakhemai, chuwo Eletao sü Ramai nah taore, ana thaikhai hisü Eletao sü daibü laisa touyu sü chuchu sheetou mohie. Ana Eletao nou süwe süolouzü Khrista nou veyu kisü, Eletao sü puh bülai, daiolouzü puh zhuh chekhaoyu süna hinou Eletao nou puhye sü ngaolai.

1 JOHAN 3:21

Alia südonou, leshiyu Asamaitao, Eletao vei lekhetsü nanou Eletaoye mah dukhai molouzü, Eletao sü Ramai nghojünou leduyu bue.

1 JOHAN 4:17

Eletao nou chikuyu Teitheki khuvei loure donou, leshi nasü Eletao hi southou liche peiwure; alia Eletao nou süsü ngaoloulai daiolouzü deiphao hainahi Eletao hrümai hai Khrista vei hrümai bübaie.

1 JOHAN 5:14

Eletao sü Ramai nghojünou khuvei-a bue, daiolouzü Eletao nou süvuzüe süolouzü puh leli thaifüa hatali Eletao nou puh hinou kholouzü puhnou Eletaoye keipeie.

PONGAOPEIYU 1:7

Zhukhaio, puhsü teihao peinou laire! Mai hrülainou ea puhye heung nou khüyu maitao koute nou puhye sü ngaolai. Puh vanou deiphao hi maikhemai hrülainou do-a kralai. Südonou süsü sübüa pavu zülai! Amen.