1 JOHAN 2:27 - SHEEYU BAIBEL (BSI)

²⁷ Ana neletaoye donou louzü, Khrista nou puhvei rako hai neletao pei hi lakhai peiwure. Puh Rakonou neletao hi busasü, neletaoye donou maitaliye panou neletao hi doupeiyu matsü hae. Daiolouzü puhvei Rakonou neletaoye sü hateitei vanou doupeiwe, alia puhnou doupeiyu sü chechewe, madamoe. Südonou Rakonou doupeiyu sü zülo, alia Khristaye koa ali soua bulo.

1 JOHAN 2:27 Iomraidhean Croise

TSÜCHITAO 28:5

Maishi mainou kaozü nasü sülou moe, ana Mapao ye thoyu mainou sünasü sütou toulouwe.

LEVIMAI LARÜBVÜ 7:35

Haina hai Israel mainou Mapao hi thoudzü vei posheela peiyu soua Aaron ae puhvei nahpoutu maitao nou napao soure donou kupaloua theadzü napeiyu teithe hinou puletao vei zha soulai.

MATHIU 13:11

Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe.

JOHAN 14:16

Alia Enou Puo hinou kholai ea neletaoye koa teisanou bure soukha-apeio kukhe ali puhnou neletao hi peilai.

JOHAN 14:17

Puh hai Ramai vanou achechena süngao peiyu Rako nasüe. Deiphao mainou puhye popei louhoe, daiolouzü sünanou puhye ngaomoe moa sümoe. Ana neletao louzü puhye süwe, daiolouzü puhnou neletaoye koa bue ea neletao lehi bue.

JOHAN 14:26

Ana Apuonou Azhih hinou seive peilaiyu soukha-apeio Rako Mashi sünanou ha teitei neletao hi doupeilai, alia Enou neletao hi paokhai touyu pfüphou neletaoye panou li-chopa loulai.

JOHAN 16:13

Ana cheche Rako sünanou veyu kisü, puhnou neletaoye acheche teiteihi süthaive peilai; daiolouzü puhnou lah puh mado hinou chi paolai moe, ana puhnou chouyu talisü puhnou paolai, alia puhnou neletao hi thaikhai veretao vanou paopa peilai.

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 6:45

Rachi paolamaitao larübvü hinou, ‘Alia puletao hrülaiye Ramai nou doupei loulai,’ tea rüwure. Puo hinou choulouyu ea doulouyu mai talinou Ahi vewe.

1 KORINTHMAI 2:12

Eletao nou deiphao hainavei rako ngaolou moe; ana Ramai nou Eletao hi sa-a peikhai touyu teitei sü süloure donou Ramai hinou seive khaitouyu Rako nasü Eletao nou ngaoloue.

1 KORINTHMAI 2:13

Südonou emai tsüdokainou doupei khaitouyu chipaonou Ehnou paomoe, ana Ehnou Rako buyu puletao hi rako hilovei achechena paodou peiyu kisü Rakonou doupeiyu chipaonou paowe.

2 KORINTHMAI 1:21

Ana neleye koa Ehye Khrista hinou soutsü peiyu ea Ehye seitapeiyu haisü Ramai nou baie.

EPHESAMAI 4:21

Veimosoua neletao nou puh vanou chouloure, alia puh thaifümaitao soua Jisu hi acheche buyu nasü neletao hi doupeire.

KOLOSSEMAI 2:6

Südonou neletao nou Khrista Jisu ye nou Mapaowo süe tea polouyu donou, puhye koa ali soua hrülai.

1 THESSALONIMAI 2:13

Alia Ehnou daidonou teisanou Ramai hi kalo pao-a busa touyuvei qo kukhe ali bue, süolouzü Ehnou nelehi Ramai chipao nasü poveyu kisü nelenou süsü chouloua mai hinou veyu chipao moe ana süsü Ramai hinou vebaie tea poloure ea süsü chekhaoe. Daiolouzü louche-a buyu neletao hisü Ramai nou koa vah soua bue.

1 THESSALONIMAI 4:9

Ana neletaoye donou maitaliye panou neletao hi thaihou jüraimaiye leshi loure vanou rüpeire matsü hae, daiolouzü neletao lah alinou liye kabüa leshi loulai touyu sü Ramai nou neletaoye doupeire.

1 TIMOTHI 2:7

Alia sübüyu donou lü ea acheche vei chipao süna paosüngao peire donou tahrüh kukhemaivei sei-atamai ea dou-apeimai alibüa Eye seitawe. Enou da-a paomoe, acheche nasü paobaie!

1 PITAR 1:23

Daiolouzü hriyu ea teisa halou hoyu Ramai chipao vanou neletaosü hakalou veiyu thoutai hilonou moa hakoulou hoyu thoutai hilonou nashu loure;

1 JOHAN 2:28

Ovai, Anah khemaitao, puhnou veyuki Eletao sü khu veishoa buloure donou ea puhnou veyu Teitheki puh hinou ahrao-a tutsü talou more donou puhye koa ali soua bulo.

1 JOHAN 3:24

Ramai chikha züyu mai hrülai nou Ramaiye koa ali soua hrüwe ea Ramai nou puhye koa ali soua hrüwe. Alia Ramai nou Eletao hi peikhai touyu Rako süna vanou Eletao nou süwe süolouzü Ramai nou Eletaoye koa ali soua hrüwe.

2 JOHAN 1:2

daiolouzü acheche nasü Eletao hi bue ea sünasü Eletaoye koa teisanou bulai.