1 JOHAN 2:24 - SHEEYU BAIBEL (BSI)

²⁴ Südonou shuraikinou neletao nou choulouyu chipao nasü neletao lekhehi pokhai vuzüloukhaio. Neletao nou chipao süsü pokhaire toulouzü, süthaisü neletao nou Nah Poutu ea Puoye koa alikheisoua teisanou hriloulai.

1 JOHAN 2:24 Iomraidhean Croise

LOUTAO 119:11

Nevei nghingao hinou mahmo soumore donou Enou nevei chikha khesü avei tsüle hi thoukhai toue.

TSÜCHITAO 23:23

Acheche nasü hülo, ae sünasü zolaiso; tsüvei, paodou-apei, alia tsüsü taosü hülouo.

LUK NOU RÜYU KO AVEIBVÜ 1:2

mai taolinou Eletao hrohinou pacheyu vah sütaovei vanou ko shoshonou rüre te-a buyu donou,

LUK NOU RÜYU KO AVEIBVÜ 9:44

“Enou paopare chipao haitaosü neletao vei lekhehi soutaosoua khailoukhaiwo! Mainah Poutuye sü maikhemai bah hi thoupeiwulai.”

JOHAN 14:23

Jisu nou puh hi chila peie, “Maita linou Eye leshi louzü, puhnou Achipaosü zülai, alia Apuonou puhye leshilai, alia Apuo ea Enou puh hi taveloua puhye koa kilinou hrüzholai.

JOHAN 15:7

Neletao nou Ahi tobai soumoa bulouzü ea Achipao taosü neletao hi tobai soumoa bulouzü, neletao nou züpayu tali khokhaio, alia sünasü neletao donou soupeilai.

JOHAN 6:56

Avasou touyu ea Azhe keyu puhsü Ahinou tobai soumoa bue, alia E-a puh hi tobai soumoa bue.

JOHAN 8:25

Süthaisü puletao nou puh hi noue, “Ne thaoh-e?” Jisu nou puletao hi paoe, “Shurainou Enou neletao hi paopeiyu nasüe.

PHILIPPIMAI 4:15

Alia Philippi maitao, Ko Aveina paodou shuraihi Enou Makedonia thaowu-a tayuki kukhe lüloumaime talia Eye koa peiyuhi-a, ngaoyu hi-a zha ngaozho moe, neletao likhei baie touyu sü lah neletao nou süwe;

KOLOSSEMAI 3:16

Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio.

EBRIAMAI 2:1

Südonou Eletaoye lapasou hüpoa talou more donou Eletao nou choulouyu acheehe nasü Eletao nou khoupushoa polou vuzülai.

EBRIAMAI 3:14

Daiolouzü Eletao nou shurai hinou louche-a buyu sü akhai koute potouloua buloure toulouzü Eletao hrülai sü Khristaye koa vah souyu maitaoe.

1 JOHAN 1:3

Ehnou Puo ea Nah Poutu Jisu Khristaye koa meime ali soua buyu hi neletao-a Ehye koa meime sünahi louzho loure donou, Ehnou ngaolouyu ea choulouyu süsü neletao hi-a paosüwe.

1 JOHAN 1:7

Ana puhnou avahi buyu büa, Eletao nou ava hinou hrüa bulouzü, süthaisü Eletao sü alinou liye koa meime zholoure, alia puhnah Poutu, Jisu vei zhenou Eletaoye mah teitei hinou soushee peiwure.

1 JOHAN 2:7

Leshiyu Asakhemai, Enou neletao hi rüpei-a buyu chikha haina hai ashu moe; haisü neletao hi shurai hinou buyu chikha akuna baie. Chikha aku nasü neletao nou choulouyu chipao sünasüe.

1 JOHAN 3:24

Ramai chikha züyu mai hrülai nou Ramaiye koa ali soua hrüwe ea Ramai nou puhye koa ali soua hrüwe. Alia Ramai nou Eletao hi peikhai touyu Rako süna vanou Eletao nou süwe süolouzü Ramai nou Eletaoye koa ali soua hrüwe.

1 JOHAN 4:13

Hai vanou Eletao nou süvuzüe süolouzü Eletao sü puh hinou tobai soumoa bue ea puhsü Eletao hinou tobai soumoa bue, daiolouzü puhnou Eletao hi lah puhvei Rakosü peiwure.

1 JOHAN 4:15

Maitalinou Jisu hai Ramai Nahpoutue tea dua paopa louzü, Ramai nou puh hi tobai soumoa bue, alia puhsü Ramai hi tobai soumoa bue.

1 JOHAN 4:16

Südonou Eletao nou Ramai nou Eletaoye donou leshi buyu nasü süwe ea louchewe. Ramai hai leshina baie, alia leshi hinou tobai soumoa buyu puhsü Ramai hinou tobai soumoa bue, alia Ramai sü puh hi tobai soumoa bue.

2 JOHAN 1:2

daiolouzü acheche nasü Eletao hi bue ea sünasü Eletaoye koa teisanou bulai.

2 JOHAN 1:9

Khrista nou doupeiyu nahinou bumoa süjünou tala-a buyu mai tali hisü Ramai hae. Doupeikhai touyu sühinou tobai soumoa buyu maitali hisü Puo-a Nah Poutou-a bue.

3 JOHAN 1:3

Daiolouzü Khristamai thaihou jürai kamainou taveloua nevei acheche hrü vanou zhopaoh souyuki Esü daizhozhou lesasa, süolouzü chekhaoa ne hai teisanou acheche hinou ta-a bue.

PONGAOPEIYU 3:11

E thala-a laire. Maitalinoua nevei veo peirüsü saolou more donou, nehi buyu nasü soutao soua polo.

PONGAOPEIYU 3:3

Südonou ne hi doupeikhai touyu ea nenou choulouyu sü lichokhaio; süsü zülo ea ledalo. Nenou kaishumo louzü, Enou vaomaili büa nehi tavelai, alia Enou daipha hinou ne hi velaisa touyu sü nenou sülai moe.