1 JOHAN 2:2 - SHEEYU BAIBEL (BSI)

² Alia Khrista puhnou Eletao mah khaipeiyu bo nasüe, alia Eletao mah likhei donou baimoe, ana deiphaomai hrülai vei mah donoue.

1 JOHAN 2:2 Iomraidhean Croise

LEVIMAI LARÜBVÜ 16:10

Azazel (rekou) tea popa louyu nghitu nasü hri Mapao ye peiwulai ae maikhe maivei mahmo khesü panou potare donou Azazel vei radeiki hilo seitawulai.

LUK NOU RÜYU KO AVEIBVÜ 14:22

Süthaisü thala-a kilai sünanou paoe, ‘Paopu, nenou chikha peiyu taosü souchere, ana chua sühisü buh buhie.’

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 12:32

Alia Eye deiphi hinou polashuyuki, Enou mai hrülaiye Ahi paivelai.”

JOHAN 4:42

alia puletao nou naotupai hi paoe, “Chuo nevei chipao vanou Eletao nou louche louyu moe, daiolouzü Eletao-a Eletao lah puhnou paoyusü chouloure, alia chekhaoa puh hai deiphao maiye Khailu-apeio nasüe touyu sü Ehnou süe.”

EBRIAMAI 2:17

Südonou puhnou Ramai vei kuvah souyuhi puletao vei acheche ea zhuvea peilou süyu Napao Peichana souloua maikhe maivei mah taosü khailu peiloure donou ha tali hinou puhye panou puh thaihou jürai maitao kheihao vuzülai.

1 PITAR 2:24

Eletaoye panou mah hilonou thailoua acheche hilonou hriloure donou Khrista lahnou puh pfüzhonou Eletao mahsü kros vanou pfüpeire. Puhvei zheemütaonou neletaoye souvei peiwure.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 JOHAN 1:7

Ana puhnou avahi buyu büa, Eletao nou ava hinou hrüa bulouzü, süthaisü Eletao sü alinou liye koa meime zholoure, alia puhnah Poutu, Jisu vei zhenou Eletaoye mah teitei hinou soushee peiwure.

1 JOHAN 3:5

Neletao nou süwe süolouzü Khrista nou Eletao mah pota peiloure donou ve, alia puh hisü mahlia hae.

1 JOHAN 4:10

Leshisü haire: haihai Ehnou Ramaiye leshiyu vanou moe, ana puhnou Eletaoye leshi peiyu vanoue ea Eletao mah khailu peiloure bo nasü souloure donou puh Nahpoutuye seive peire.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

1 JOHAN 5:19

Eletao hai Ramai veie touyu sü Ehnou süwe, alia deiphao teiteiwo Ashinavei khakhe hinou bue.

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.