1 JOHAN 2:19 - SHEEYU BAIBEL (BSI)

¹⁹ Puletao sü Eletao hinou tapae, ana puletaowo Ehmai moe; daiolouzü puletao hai Eletao maie toulouzü, puletao sü Eletaoye thaomoa koa buvu zülai. Ana puletao hrülaisü Ehmaitao moe touyu sü sheesha-a popa ngaopeire donou puletaosü tapare.

1 JOHAN 2:19 Iomraidhean Croise

JOB VEI LARÜBVÜ 17:9

Tsükhou, khuhao züe tea choyu maitao sü puletao nou kao-a baie tea choloukhai khai-a baire.

LOUTAO 37:28

Daioluzü Mapao hai kaozü vah souyu nasü jüpa-e, puhnou puletaoye sü teisa nou vupeilai, ana mai ashi maivei tyaosholea maitaoye teidei hinou hulai bailai.

LOUTAO 41:9

Enou louche kayu avei samai, Eye koa toutou soso souyu samai koute-a chuo Eye ngaoba tare.

MATHIU 24:24

Daiolouzü dayu Khrista ea madayu rachi paolamaitao palai, alia puletao nou dushoyu shee ea khupa vahtao soungaolai, sübüa soulou veilouzü dopa louyu maitaoye-a süthaimalai.

MARK 13:22

Daiolouzü madayu Khristatao ea madayu rachi paolamaitao velai. Puletao nou sheetao ea khupa vahtao soungaoa soulou veilouzü Ramai nou dopalouyu maitaoye-a sümah peilai.

LUK NOU RÜYU KO AVEIBVÜ 8:13

Alia chuhrao pei hi dekou louyu taonou, chipao süna chouloua sasa-a polouyu maitaoe, ana maa chülou moyu donou phajütou loucheloua athao veyu kisü kaotayu puletaoe.

JOHAN 15:2

Ahinou tao-a buyu rashi shimoyu bo veishi puhnou vilaiwu baiwe; alia rashi shiyu bo veishiye panou rashi shipure donou puhnou soushee peiwe.

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

SEI-ATAMAI VAHTAO 15:24

Eletao hrohinou kamainou Eh hi noukhaimoa tave neletao lesü souchoro peia panou neletao tsü sü hobü haibüa bue touyu sü Ehnou chouloure.

SEI-ATAMAI VAHTAO 20:30

Alia lah neletao hrohinou lüloumai taoye süthaiku paloua panou puletao thai füloure donou amada chi paore mai kamaia palai.

ROMMAI 9:6

Ramai vei apaopeiyu nahai vetemore tea Enou paomoe; daiolouzü Israelmai hrülainou Ramai vei maikhaimoe.

1 KORINTHMAI 11:19

(Veikhaimoa, neletao hrohi sü cheche-a, buyu puletaoye sü panou sheesha-a ngaoloure donou me kukua buvu zülai.)

2 TIMOTHI 2:10

Südonou Ramai nou dolouyu maikhe maitao donou süolouzü puletao-a Jisu Khrista hinou veyu teisa khouko-ava poveyu khailu louyu nasü ngaoloure donou Enou ha teitei hinou shameawe.

2 TIMOTHI 2:19

Sütoukhaia Ramai nou soushupa khaitouyu kifü sünawo louzü soukho louhoe; alia süpei hisü sükua paoshee soukhaitoue: “Mapaowo nou puhmai soua buyu taoye sü süwe” ea “Mapao vei zhih ku-a buyu maitalinou ashi soua buyu hinou tarei talou vuzülai.”

2 TIMOTHI 3:9

Ana puletaosü vei-a phasho takoulou laimoe, daiolouzü mai sühaibüa puletaosü daizhozhou vosa touyu sü maikhemai hrülainou ngaolai.

EBRIAMAI 10:39

Ana Eletaowo thaikhai tayu ea hakayu mai sütao moe. Ana Eletaowo lü buyu ea khailu louyu mai sütaoe.

2 JOHAN 1:7

Jisu Khrista hai kezhe daloua ve-e touyu popei bayu amada mai alaosou deiphao teiteihi tare. Sübüyu mai talisü amada maie ea amada Khrista nasüe.

JUD VEI SEIKO 1:1

Jisu Khrista kilai ea Jems thaihou Jud hinou— Ramai nou kupa louyutao süolouzü Puo Ramai vei leshi hinou hrüa buyu ea Jisu Khrista donou pokukhai touyutao hi rüe.

JUD VEI SEIKO 1:19

Sükhe maitaosü neletaoye memesoua dadeyu, pfüphao züpa thaifüa hrüyu ea Rakoye salai moyutaoe.