1 JOHAN 2:18 - SHEEYU BAIBEL (BSI)

¹⁸ Anah khe maitao, haisü akhai teilecho nare! Alia Khristaye ngaobanasü velai touyu sü neletao nou choulouyu sübüa, chuo Khristaye ngaobamai alaosoua veloure; südonou haisü akhai teilecho nare touyu sü Eletao nou süre.

1 JOHAN 2:18 Iomraidhean Croise

MATHIU 24:11

Alia dayu rachi paolamai alaosou palai ea maitaoliye süthai malai.

MATHIU 24:24

Daiolouzü dayu Khrista ea madayu rachi paolamaitao palai, alia puletao nou dushoyu shee ea khupa vahtao soungaolai, sübüa soulou veilouzü dopa louyu maitaoye-a süthaimalai.

MATHIU 24:5

Daiolouzü ‘E hai Khristae!’ tea paoa mai alaonou Azhih hinou velai ea mai alaoye puletao nou süthai mahwulai.

MARK 13:6

Mai alaonou, ‘E hai puh-e!’ tea paoa Azhih hinou velai; alia puletao nou mai taoliye sümah peilai.

JOHAN 21:5

Jisu nou puletao hi noue, “Khemaina taore, neletao khah lia phoulou mowu?” Puletao nou puh hi chila peie, “Halia phoulou moe.”

ROMMAI 13:11

Süpeinou haihai dai teilechosa touyu süolouzü chu teile hai neletaoye donou zhia buyu hinou kaishuyu pha vuzüre touyu sü neletao nou süwe. Daiolouzü Eletao nou lülourai jünou chunou khailu peiyu hai Eletao hi nghipure.

ROMMAI 13:12

Kheipha hai cheyu laire, heapha sü ngheiteire. Südonou Eletao nou teizhi vei vah taosü thaowu laikhe ea teiva vei reih natao sü noulou laikhe.

EBRIAMAI 1:2

ana akhai teithe haitao hisü puhnou Eletao hi puhnah Poutu vanou chi paopeire. Puh vanou Ramai nou teideiphao sü souloue ea puhye süna teitei vei kaalo nasü panou akhaiki thaoloure donou Ramai nou doloure.

1 PITAR 1:20

Deiphao soumo jühinou Ramai nou puhye sü doloure, alia neletaoye donou akhai teithe haitao hinou pongao peire.

1 PITAR 1:5

Kaa sütaosü akhai teithehi pongao peire donou souda-a buyu khailu peiyu süna donou lü vanou Ramai khoukonou pokutoupei khaitouyu neletaoye donoue.

1 PITAR 4:7

Na veishi vei akhai teilesü ngheire. Südonou neletao veachi pao-a buloure donou lahnou lahye tukha-a ea leikei-a bulo.

2 PITAR 2:1

Dao raichoki maikhemai hrohi amada rachi paolamai ve-e, alia sübüa amada dou-apeimai hai neletao hrohi velai. Puletao nou kheikhei soua hakalou vei cheche moyu doupeiyu sü poveloua puletaoye khailupa peiyu Mapaoye sü motoulai, alia südonou puletao nou lah puletao pei hi sü thashoa hakayu povelai.

2 PITAR 3:3

Raikai-a, neletao nou sülou vuzü molouzü shie, süolouzü, akhai teithetao hisü, lah puletao vei ke-zhe züpa thaifüa hrüyu mai kamai velai, puletao nou neletaoye konüa,

1 JOHAN 2:22

Sübülouzü dayu nasü thaoh-e? Puhsü Jisu hai Khristae touyu bayu nasüe. Sübüyu mainasü Puo ea Nahpoutuye bayu Khrista vei ngaobamai sünasüe.

1 JOHAN 4:1

Leshiyu Asakhemai, rako hrülaiye loucheso, ana rako sütaosü Ramai hinou vevemosa touyu sü zhuloure donou rakotaoye sü zhai zhukhaio. Daiolouzü madayu rachi paolamai alaosou deiphao hi veloure.

1 JOHAN 4:3

Ana Jisu vanou haisü dua paopa moyu rako hrülaisü Ramai hinou vemoe. Haisü Khristaye ngaobayu rakobaie, süsü velai tea süna vanou neletao nou chouloure, alia chuwo süsü deiphao hi velouloua bure.

2 JOHAN 1:7

Jisu Khrista hai kezhe daloua ve-e touyu popei bayu amada mai alaosou deiphao teiteihi tare. Sübüyu mai talisü amada maie ea amada Khrista nasüe.

JUD VEI SEIKO 1:18

Puletao nou neletao hi, “Akhai teithe kisü Ramai loumoyu puletao vei ke-zhe züpa thaifüa tayu ea neletaoye konü laiyu maikhe maitao velai” tea paore.