1 JOHAN 2:17 - SHEEYU BAIBEL (BSI)

¹⁷ Deiphao ea sühi buyu emainou züpayu ha teiteisü tabaiwe; ana Ramai vei leli souyu puhsü teisanou hriwe.

1 JOHAN 2:17 Iomraidhean Croise

LOUTAO 102:26

Sütao veishi nou hata-a bailai, ana newo louzü teisa nou bulai; sütao teitei hai sabanü büa shita-a bailai, ae sütao hai hata-a bailai.

LOUTAO 143:10

Ne hai avei Ramai-e; nevei jüpa leli nasü Eye doupeio. Ahi maiveih shopeio, ae Eye ludu aveih hinou süthaisa-a tapeio.

LOUTAO 39:6

khungu ali büa hata-a baie. Puhnou soupfükhai touyu veishi sü hamako baie; puhnou kini pojü khaitue, ana thaonou poloulai touyu sü puhnou sümoe.

LOUTAO 90:9

Etao vei hrümamai hai nevei lekha sünou soujü khai peiwure, Etao vei po teile hai kheikhei soua pai raoyu büa hatare.

TSÜCHITAO 10:25

Teikhai teirü ashi veyu phaki, mai shiyu maitaoye sü hüpoa ta bailai, ana acheche maiwo louzü teisa nou kaozhou vei-a bailai.

MATHIU 21:31

Puhai hi kananou puh puo vei leli soue?” Puletao nou chila peie, “Tsüna noue.” Südonou Jisu nou puletao hi paoe, “Chechenou Enou neletao hi paowe, neletaojü rai-a kikha khamai ea khakhamai taonou Ramai Vedeihi vetare,

MATHIU 24:35

Raki ea deiphao hatalai, ana Achipaotao louzü halaimoe.

MATHIU 7:21

“Mapao, Mapao, tea Eye kuyu mai hrülainou raki Vedei hi velou laimoe, ana rakibu Apuo leli souyu mainou velou bailai.

MARK 3:35

Ramai leli souyu maitali sü Athaihou, Atu ea Apfüe.”

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 6:58

Raki hinou kouyu raokhao nasü hainae, alia haisü neletao puo-pao maitao nou touloua thaitayu raokhao süna bümoe; raokhao haina toulouyu puhsü teisanou hrilai.”

JOHAN 7:17

Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

ROMMAI 12:2

Deiphao haina vei zhai nasü poso ana neletao vei le davou talouyu vanou Ramaiye panou neletao lekhe sü soudawuwo. Süthaisü neletao nou Ramai vei leli süolouzü aveina, polou veiyuna ea licheyu nasü sülou süe.

1 KORINTHMAI 7:31

alia deiphao hi natao vanou tsü loushoa bah deiyu maitao nou halia chokhai moyu büa bulo. Daiolouzü chu deiphao haina zhaisü thashoa talaire.

KOLOSSEMAI 1:9

Qo haina vanou, Ehnou nele vanou choulourai hinou shua neleye donou teisanou veachi paowe. Ramai vei Rakonou pei-a buyu ratsü teitei ea hatali sülousüyu tsü sütaoye koa neletao hisü puhvei leli tsü sünanou phoupei-a buloure donou Ehnou Ramai hinou khowe.

KOLOSSEMAI 4:12

Neletao me hinou ali soua buyu ea Khrista Jisu kilai ali soua buyu Epaphras hinou khurüyu chidoh seivewe. Puhnou neleye panou Ramai leli teitei hinou liche-a ea chekhoua laloure donou lenoushoa veachi pao-a teisanou neletaoye lichowe.

1 THESSALONIMAI 4:3

Daiolouzü Ramai nou neleyenou sheeloua ea khulou souyu vah soukhaimoa buyu sü züpae.

1 THESSALONIMAI 5:18

teile veishi hinou kalo paokhaio; daiolouzü haisü Jisu Khrista hinou neletaoye donou Ramai leli nasüe.

EBRIAMAI 10:36

Daiolouzü Ramai vei lichoyu souloure ea puhnou apaopei khaitouyu hai ngaoloure donou neletao nou shamea loure matsü bue.

JEMS 4:14

Neletao hrümai hi doso dai palaisa touyu koute-a neletao nou sümoe! Neletao hai katou buloua hata baiyu haongu bübaie.

1 PITAR 1:5

Kaa sütaosü akhai teithehi pongao peire donou souda-a buyu khailu peiyu süna donou lü vanou Ramai khoukonou pokutoupei khaitouyu neletaoye donoue.

1 PITAR 4:2

Südonou, chuwo neletao vei deiphao hrümai hai vasou züpa soumoa Ramai leli soua hrü vuzülai.