1 JOHAN 2:15 - SHEEYU BAIBEL (BSI)

¹⁵ Deiphaoye moa deiphao hi buyu nataoye leshiso. Maitalinou deiphaoye leshi louzü, Puoye leshiyu nasü puh hi hae.

1 JOHAN 2:15 Iomraidhean Croise

MATHIU 4:8

Süthaisü Rashina nou Jisu ye kushoyu deichi alivahi sapaloure ea puh hi deiphao hi vedei veishi ea sütaovei du-shoyu teitei pongaoe.

MATHIU 6:24

“Mailinoua paopu ahaivei qila soulouhoe; daiolouzü puhnou aliye ngaoralai ea kukhe aliye leshilai; moa puhnou alichi zülai ea kukhe alinaye ngaophou laimoe. Neletao nou Ramai ea pousha ahai vei kuvah soulouhoe.

LUK NOU RÜYU KO AVEIBVÜ 16:13

“Kilai talinoua paopu ahaivei kuvah soulou hoe; daiolouzü puhnou aliye ngaoraloua kukhe aliye leshilai, moa puhnou aliye tsükhouloua kukhe aliye ngaophou laimoe. Neletao nou Ramai ea deiphao kini ahaivei kuvah soulouhoe.”

JOHAN 15:19

Neletao hai deiphao veie toulouzü, deiphao mainou lah puhveiye sü leshilai. Ana neletao hai deiphao maivei moyu donou, alia Enou neletaoye deiphao hinou dolouyu donou, deiphao mainou neletaoye ngaorawe.

ROMMAI 12:2

Deiphao haina vei zhai nasü poso ana neletao vei le davou talouyu vanou Ramaiye panou neletao lekhe sü soudawuwo. Süthaisü neletao nou Ramai vei leli süolouzü aveina, polou veiyuna ea licheyu nasü sülou süe.

GALATIAMAI 1:10

Chu Enou emai vei ae-ao touyu phouho, Ramai vei ae-ao touyu phouwe? Moa Enou maikhe maiye sousa loure tewu? Chukoutea Enou maikhe maiye sousa loure te-a bulouzü, Esü Khrista vei kilai ali soua bulaimoe.

EPHESAMAI 2:2

Süpha kisü neletaosü deiphao hi ashi luduna thaifüa tae; Ramai chi zübayu maitaoye chu tukha-a buyu rako, rateihi buyu rako hilo khoukotaovei peichana chi sü neletao nou züwe.

1 TIMOTHI 6:10

Daiolouzü pousha züpayu hai ashi teitei vei maa nasüe. Mai kamainou sünasü ngaolou nüshoa phoutayu vanou puletaosü lü hinou doushoa tare ea puletao lesü veahoyu tyalinou souphe-soukhore.

JEMS 1:27

Puo Ramai nghojünou sheetouyu ea zhaikhai moyu rahrüzhai sünawo louzü, vearounaye ea meamaipfütaoye puletao vei veahoyu hi tave zhupeiyu, alia mailinou lah puhye deiphao nou soushi peiwure hinou chaalia taomoa bulouyu sünasüe.

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

1 JOHAN 3:17

Hani mai alinou puh thaihou jüraihi moshilaiyu bue touyu sü ngaoloukhaia, puh lesü puh thaihou jürai hilo khuwu louzü, puhnou kabüa puh hai Ramaiye leshiwe tea paoloulai?

1 JOHAN 4:5

Puletao sü deiphao hinou ve-e, südonou puletao nou deiphao vei vanou chi paowe, alia deiphao mainou puletao chi keiwe daiolouzü puletaosü deiphao hinou ve.

1 JOHAN 5:10

Südonou Ramai Nah Poutuye loucheyu mai talisü lah puh lekhehi zhopaoh hainasü bue; ana Ramaiye louche moyu mai talinou puhye sü dayumai soupeire, daiolouzü Ramai nou puhnah Poutuwo vanou paoyu sü puhnou louche peimoe.