1 JOHAN 2:14 - SHEEYU BAIBEL (BSI)

¹⁴ Anah khe maitao Enou neletao hi rüwe, daiolouzü neletao nou Puoye süwe. Puo khe maitao, Enou neletao hi rüwe, daiolouzü shurai hinou hria buyu puhye sü neletao nou süwe. Nahlemaitao, Enou neletao hi rüwe, daiolouzü neletaosü khouwe; alia Ramai vei chipaosü neletao hinou tobai soumoa bue, alia neletao nou ashinaye sü koloure.

1 JOHAN 2:14 Iomraidhean Croise

LOUTAO 119:11

Nevei nghingao hinou mahmo soumore donou Enou nevei chikha khesü avei tsüle hi thoukhai toue.

JOHAN 15:7

Neletao nou Ahi tobai soumoa bulouzü ea Achipao taosü neletao hi tobai soumoa bulouzü, neletao nou züpayu tali khokhaio, alia sünasü neletao donou soupeilai.

JOHAN 5:38

alia neletao lekhehi puh vei chipao hai tobai soumoa bumoe, daiolouzü puhnou seive peikhai touyu sünaye neletao nou louche moe.

JOHAN 8:31

Süthaisü Jisu nou puhye louche louyu Jihudimai taohi paoe, “Neletao nou Achipao hinou tobai soumoa bulouzü, neletao hai chekhaoa Arozümai taoe,

JOHAN 8:37

Enou neletao hai Abraham tyaonahmai taoe touyu süe; ana neletao nou Eye southeare donou phouwe, daiolouzü Achipao hai neletao lekhehi buh hae.

EPHESAMAI 6:10

Akhai hinou, Athaihou jürai maitao, Mapaowo hinou ea puhvei achana khouko hinou khoua bulo.

PHILIPPIMAI 4:13

Eye soukhou peiyu Khrista puh vanou Enou ha teitei soulousüe.

KOLOSSEMAI 1:11

Neletao nou shameayu noupu ha teiteisü teisanou shameapoa buloure donou, neletaoye sü puhvei avavei khouko hinou veyu achaa sütao teiteinou soukhou peiyu souloukhaio.

KOLOSSEMAI 3:16

Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio.

2 TIMOTHI 2:1

Südonou, Anahpoutu, newo Khrista Jisu ye koa ali soulouyu hinou Eletao vei soua buyu zhuveana hinou khou-a bulo.

EBRIAMAI 8:10

Chuwo, velaiyu teithetao hinou Enou Israel maitaoye koa soulaiyu vo nasü hainare, tea Mapao nou paoe: Enou Avei razhai nasü puletao tsü lekhe hi pothoukhai peilai ea sütaosü puletao lethou pei hi rüthoukhai peilai. Esü puletao Ramai soulai, alia puletao sü Amai soulai.

1 JOHAN 1:1

Shurai hinou buyu ahri Chipao süna vanou Ehnou neletao hi rüwe. Sünasü Ehnou chouloure, alia süsü Eh nghithou nou ngaoloure; ovai, Ehnou süsü ngaoloua Eh bahnou süsü deiloure.

1 JOHAN 1:10

Eletao nou Eletao hai mah soumoe tea paolouzü, Eletao nou Ramaiye madayu mai ali soupeire, alia puh chipaosü Eletao hi hae.

1 JOHAN 2:13

Puo khe maitao, Enou neletao hi rüwe, daiolouzü shurai hinou hria buyu puhye sü neletao nou süwe. Nahle maitao Enou neletao hi rüwe, daiolouzü neletao nou ashinaye sü koloure.

2 JOHAN 1:2

daiolouzü acheche nasü Eletao hi bue ea sünasü Eletaoye koa teisanou bulai.

3 JOHAN 1:3

Daiolouzü Khristamai thaihou jürai kamainou taveloua nevei acheche hrü vanou zhopaoh souyuki Esü daizhozhou lesasa, süolouzü chekhaoa ne hai teisanou acheche hinou ta-a bue.

PONGAOPEIYU 2:3

Nenou shamealoue ea Azhih donou veahoyu sü daoloue, alia ne sü chathai takhaimoe.

PONGAOPEIYU 2:7

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih ko louyu puh hisü Ramai vei Shofü hinou paopayu ahri süübe vei rashithouna touloure zü nasü Enou peilai.