1 JOHAN 2:13 - SHEEYU BAIBEL (BSI)

¹³ Puo khe maitao, Enou neletao hi rüwe, daiolouzü shurai hinou hria buyu puhye sü neletao nou süwe. Nahle maitao Enou neletao hi rüwe, daiolouzü neletao nou ashinaye sü koloure.

1 JOHAN 2:13 Iomraidhean Croise

LOUTAO 148:12

kheloumai, nahle maitao, tsümaitao ae nahmaitou hrülai nou puhye paosholo.

LOUTAO 90:2

Deichitao soupei mojü nou moa teideiphao soushumo jünou ne hai akhai hayu Ramai-e, ae haithai-a teisa nou bure Ramai sü ne baie.

LOUTAO 91:14

Ramai nou paoe, “Eye leshiyu maiye sü Enou khailupa peilai, ae Eye Mapao-e tea süa buyu maiye Enou vupa peilai.

TSÜCHITAO 20:29

Nahle maivei savayu ae veiyu hai puhmai vei pfüchi-e, ana tsümai livei hüveiyu haiwo puhmai vei peipao-e.

JOEL 2:28

“Süsho phajü thaisü, Enou mai hrülai hi arako lakouh peilai; ne nahpoutu ae ne nahnaotu taonou rachi paolai, tsümai taonou me mulai, alia nahle mainou zho ngaolai.

ZEKHARIAH 9:17

Süzhou teidei sünasü daizhou koute veilaisa! Sühi buyu nahle maitao nou sühinou payu touso touloua khouko ngaopu loulai.

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 13:19

Vedei vei chipao chouloua süsü sülou moyu puletao sü luduhi dekouyu thoutaitao büe. Puletao lethouhi vuthoukhai touyu taosü Ashinanou taveloua shaopoa tare.

MATHIU 13:38

dou nasü deiphaoe; avei thoutai nasü Vedei vei maikhe maitaoe; khataosü Ashina vei mai khemaitaoe;

MATHIU 5:37

Ana nenou paoyu taosü laboua ‘Ae’ moa ‘Moe’ tea paobaiwo; süpeinou paopuyu taosü Ashina hinou vebaie.

LUK NOU RÜYU KO AVEIBVÜ 10:22

“Apuonou Ahi na teitei thoupeiwure; alia Apuo baideinou maita mailinoua Nahpoutu hai thaohsa touyu sümoe, moa Nahpoutu ea Nahpoutu nou Puoye pongao nüa dolouyu mai sütao baimoa maitalinoua Puohai thaohsa touyu sümoe.”

JOHAN 14:7

Neletao nou Eye süa bulouzü, Apuoye-a neletao nou süwulai; alia chushonou neletao nou puhye süloue ea puhye ngaoloure.”

JOHAN 14:9

Jisu nou puh hi paoe, “Pha haisoso Enou neletaoye koa bukhaia, ne Eye sümo hiwu Philip? Eye ngaolouyu puhnou Puoye ngaoloure; sütou louzü, nenou kakua, ‘Puoye sü Eh hi ngaokhaio’ tea paowe?

JOHAN 16:3

Alia puletao nou Puo moa Eye sümoyu donou vah haitaosü neletao hi soulai.

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

JOHAN 17:21

süolouzü puletao hrülaiye panou ali souloure donou Enou veachi paowe. Apuo, nenou Ahi buyu ea Enou nehi buyu kua, süolouzü nenou Eye seive peie touyusü deiphao mainou louche loure donou puletaoye-a panou Eh hi buloukhaio.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 8:19

Südonou puletao nou puh hi paoe, “Nepuo daiki bue?” Jisu nou chila peie, “Neletao nou Eye-a Apuoye-a sümoe; neletao nou Eye sülouzü Apuoye-a süvuzülai.”

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

1 TIMOTHI 5:1

Tsümai taliye lekhanou züwuso, ana puhye sü nelah nepuo büa choloua kao-zü hilonou doupeikhaio. Nahle maitaoye lah ne thaihou maitao kua popeio,

TITA 2:6

Süzhaibüa, nahlemaitaohi-a lahye tukha-a hrüloure süpeio.

1 JOHAN 1:1

Shurai hinou buyu ahri Chipao süna vanou Ehnou neletao hi rüwe. Sünasü Ehnou chouloure, alia süsü Eh nghithou nou ngaoloure; ovai, Ehnou süsü ngaoloua Eh bahnou süsü deiloure.

1 JOHAN 2:1

Anah khe maitao, neletao nou mah soulou more donou Enou haisü neletao hi rüwe; ana maitalinou mah souwu louzü, Eletao sühsoua Puo nghojü hinou chi veikhayu maili bue—puhsü Jisu Khrista Achecheo nasüe.

1 JOHAN 2:12

Anah khe maitao, Enou neletao hi rüwe, daiolouzü Khristaye donou neletao mahsü khaipeiwure.

1 JOHAN 2:14

Anah khe maitao Enou neletao hi rüwe, daiolouzü neletao nou Puoye süwe. Puo khe maitao, Enou neletao hi rüwe, daiolouzü shurai hinou hria buyu puhye sü neletao nou süwe. Nahlemaitao, Enou neletao hi rüwe, daiolouzü neletaosü khouwe; alia Ramai vei chipaosü neletao hinou tobai soumoa bue, alia neletao nou ashinaye sü koloure.

1 JOHAN 3:12

Eletaowo Kain büwu laimoe; puhsü Ashina hinou ve ea lah puh thaihou Abelye southeare. Daidonou Kain nou puhye southea-e? Daiolouzü lah puhvei vahtaosü ashina baie, ana puh thaihou nou souyu taosü chechewe.

1 JOHAN 4:4

Ana Anah khe maitao, neletaowo Ramai hinou ve-e, alia puletaoye koloure, daiolouzü neletao lekhehi buyu Rako sünanou deiphao hi buyu rako süna jünou dukouhie.

1 JOHAN 5:18

Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

PONGAOPEIYU 2:7

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih ko louyu puh hisü Ramai vei Shofü hinou paopayu ahri süübe vei rashithouna touloure zü nasü Enou peilai.