1 JOHAN 2:1 - SHEEYU BAIBEL (BSI)

¹ Anah khe maitao, neletao nou mah soulou more donou Enou haisü neletao hi rüwe; ana maitalinou mah souwu louzü, Eletao sühsoua Puo nghojü hinou chi veikhayu maili bue—puhsü Jisu Khrista Achecheo nasüe.

1 JOHAN 2:1 Iomraidhean Croise

LOUTAO 4:4

Ngaopi sholo alia mahmo souyu thaowo; ne züphao nou dazüa buyu phaki hai vanou thou-a tsücho khaio.

EZEKIEL 3:21

Mai aveih maiye nenou mah soupuso tea paopi peiyu hai keiloua puhnou mah soupu more toulouzü, puh hai hriloulai ae nevei hrirai hai-a khailupa peilai”

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

LUK NOU RÜYU KO AVEIBVÜ 10:22

“Apuonou Ahi na teitei thoupeiwure; alia Apuo baideinou maita mailinoua Nahpoutu hai thaohsa touyu sümoe, moa Nahpoutu ea Nahpoutu nou Puoye pongao nüa dolouyu mai sütao baimoa maitalinoua Puohai thaohsa touyu sümoe.”

JOHAN 13:33

Anahkhemai, phajü donou Enou neletaoye koa bubailaire. Neletao nou Eye phoulai; ana Enou Jihudimai taohi paoyu kua chuo Enou neletao hi paowe, ‘Enou tayu buh hisü neletao nou velouhoe.’

JOHAN 14:16

Alia Enou Puo hinou kholai ea neletaoye koa teisanou bure soukha-apeio kukhe ali puhnou neletao hi peilai.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 21:5

Jisu nou puletao hi noue, “Khemaina taore, neletao khah lia phoulou mowu?” Puletao nou puh hi chila peie, “Halia phoulou moe.”

JOHAN 5:14

Süthaisü Jisu nou puhye rathoki hinou ngaoloua puh hi paoe, “Zhukhaio, ne chuo veiloure! Haijünou shipuyu kukhe nepei hi vemore donou mah soupu khaiso.”

JOHAN 5:36

Ana Ahi buyu zhopaoh sünanou Johan vei jünou dukou hie, daiolouzü souchere donou Apuonou Ahi peikhai touyu vah taonou, süolouzü Enou soua buyu vah haitao vuzünou Puonou Eye seivepeie touyu Avanou zhopaoh souwe.

JOHAN 6:27

Ha-kalaiyu touso donou vah souwuso; ana Mai Nahpoutu nou neletao hi peilaiyu teisa hrümainou bulaiyu touso süna donou vah soulo; daiolouzü puh pei hi Puo, Ramai nou puh vei paoshee soukhaire.”

JOHAN 8:11

Naotupainou chila peie, “Mapao, mailinoua mah dukhai moe.” Alia Jisu nou paoe, “Sükulouzü veire, E-a nepei hi mah dukhai moe; tawo, alia mah soupu khaiso.”]

SEI-ATAMAI VAHTAO 7:52

Neletao puokhemai taonou rachi paolamaitao hronou thaohye souvea moyu bue? Alia puletao nou Achecheo verevei raia paosü peiyu maitaoye koutea southeare. Alia chuo neletao nou puhye sü shoh soupei-a southeare.

ROMMAI 5:10

Eletao sü Ramai vei ngaoba maitaoe, ana puhnah poutu athai vanou puhnou Eletaoye puh samai soupeire. Chuo Eletao sü Ramai samai soulouyu vanou, daizhozhou koua Khrista vei ahrü nanou Eletaoye khailu peilai!

ROMMAI 6:15

Sükulouzü dailai? Eletao mah soulaiwu, daiolouzü Eletaowo razhai khehi bumoa Ramai zhuvea khehi bubaiyu donou? Süsü movuzüe!

ROMMAI 8:34

Sübüyu thaisü, thaohnou puletao hi mah dukhailai? Khrista nou laiwu? Moe! Daiolouzü puhwo thailoua hrishu loure ea Ramai bah zhoulo vanou bua Eletaoye donou Eletao süh soua khoa bue!

1 KORINTHMAI 15:34

Leikeiyu tsü hi khaivelo ea neletao vei mah ludusü thaowuwo. Haisü Enou neletaoye panou ahrao loure donou paowe, daiolouzü neletao kamaisü Ramaiye sümoe.

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

GALATIAMAI 4:19

Enou leshiyu Anahkhemai, Khrista vei zhaidou nasü neletao lekhe hinou buloumo koutesü Enou neletaoye donou pfümai alinou nah nareki veashoyu kua veawe.

EPHESAMAI 2:18

Jihudimai ea tahrüh kukhemai Eletao hrülaisü Khrista vanou rako ali hinou Puo nghojü hi veloure.

EPHESAMAI 4:26

Neletao nou raroubukhaia mah souwuso, alia neletao nou rarouyu hisü panou teinghiye louwuso.

1 TIMOTHI 2:5

Daiolouzü sühisü Ramai ea emai kohi kolelou-apeio ali bue, mai sünasü Khrista Jisue.

1 TIMOTHI 3:14

E thala-a neye ve daoloure rei-a bue, ana Enou nehi seiko haina rüyuwo louzü,

EBRIAMAI 9:24

Daiolouzü acheche sünavei zhairai soua buyu emai bahnou souyu Mashi Buh sühi Khrista nou talou moe. Ana puhwo raki vuzühi talouloua; sühinou chuwo puhnou Eletao sühsoua Ramai nghojünou la-a bure.

JEMS 1:27

Puo Ramai nghojünou sheetouyu ea zhaikhai moyu rahrüzhai sünawo louzü, vearounaye ea meamaipfütaoye puletao vei veahoyu hi tave zhupeiyu, alia mailinou lah puhye deiphao nou soushi peiwure hinou chaalia taomoa bulouyu sünasüe.

JEMS 3:9

Eletao nou hainaye posei-a Eletao Mapao ea Puoye kalo paowe, alia hainasü posei-a Ramai zhurai hinou soukhai touyu maikhe maiye chawe.

1 PITAR 2:22

Puhwo mah lia soukhai moe, alia puh tai-lü hinou madayu chi hakia choukhai mohie.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 JOHAN 3:18

Anah khe maitao, Eletao leshihai chipao moa chi phakuyu likhei hinou bailai mokhe anou vah ea acheche hinou leshilou laikhe.

1 JOHAN 3:5

Neletao nou süwe süolouzü Khrista nou Eletao mah pota peiloure donou ve, alia puh hisü mahlia hae.

1 JOHAN 3:7

Anah khe maitao, maitaliye panou neletaoye lawuso! Khrista nou checheyu büa, cheche vah souyu puhsü cheche maie.

1 JOHAN 4:4

Ana Anah khe maitao, neletaowo Ramai hinou ve-e, alia puletaoye koloure, daiolouzü neletao lekhehi buyu Rako sünanou deiphao hi buyu rako süna jünou dukouhie.

1 JOHAN 5:17

Soumahyu teitei hai mah-e, ana thailou veiyu mah moyu-a bue.

1 JOHAN 5:21

Leshiyu Anah khe maitao, neletao lahnou bashara hinou tarei talo!

3 JOHAN 1:4

Anah maitao nou acheche hinou hrüa bue tea choulouyu süna jünou dukouyu Avei asah kukhe hare.