1 JOHAN 1:9 - SHEEYU BAIBEL (BSI)

⁹ Ana Eletao nou Eletao vei mah hai Ramai hi dua paopa ngaowu louzü, puhwo louche louveie ea chechewe, alia Eletao mahsü khaipeilai ea Eletaoye Eletao vei kao-zümoyu teitei hinou soushee peilai.

1 JOHAN 1:9 Iomraidhean Croise

1 VEMAITO 8:30

Avei veachi alia avei maitao nou buh haina hi reiloua veachi paoyu khesü keinou peio. Nenou buyu rakiva nou Etao nou khoyu khesü keipeio ae Etaoye khaipeio.

1 VEMAITO 8:47

nevei maitao nou veachi paoyu sü keipeio. Puletao nou teidei sühinou ledalou-a ne hi veachi paolouzü, puletao nou daizhou koute mah soure ae vah ashi soure tea mah lalouzü, puletao vei veachi sü keinou peio, Oh Mapao.

NEHEMIAH 1:6

Enou nevei kilai, Israel maitaoye donou hea-khei veachi pao-a buyu avei veachi sü kei peio ae Eye zhupeio. Etao Israel mainou mah soukhai touyu khesü Enou ne hi mahlawe. Avei puopaoh maitao ae Enou mah sü souwure.

LOUTAO 19:12

Mai ali-a lah vei mah nasü ngaolou moe; Oh Mapaowo, Eye ngaomoyu mahmotao hinou khailupa peio.

LOUTAO 32:5

Süthaisü avei mahmo khesü Enou ne hi paopa-e; Enou soumah pfümah khaitouyu khesü ali koute-a poku moa ne hi mahlapa peie. Enou ne hisü avei mahtao paopa bailaire tea ale laloue, ae nenou avei mah veishi sü khaipeie.

TAPALOUYU 34:7

Enou apaokhai touyu nasü maiphao thethe koute-a ngaimoa leshi peiwe ae puletao vei vah ashi alia mah khesü khaipeiwe. Ana puopaoh mai mah donou avei tudee nasü puletao nahmai ae tyaomai khaphao asü adai koute hia velai.”

TSÜCHITAO 28:13

Lah vei mahtao pokuyu puh sü duso palai moe, ana mah lawu-a vah ashi khesü thaokhaiyu mai sü zhuvea ngaoloulai.

ISAIAH 45:21

Neletao vei chi sü popa kukhaio, ae puletaoye sü panou koa kabülai touyu sü phaku zholou khaio! Thaonou vepare khesü rai-a paosü peie? Haisü Mapao Enou movu? E likhei baimoa nou checheyu Ramai ae khailupa peiyu Mapao kukhe alia-a ha-e.

JEREMIAH 3:13

Ne hai mahwure, ae nevei Ramai Mapao khakhe hi buba-a thaikhai tare, süübe madai phi khonou nevei lesha nasü vakou mai rahtao hi peiwure, ae nenou avei chipao taosü zü peimore tea nenou mahla louzü chebaie. Haisü Mapao Enou paowe.

JEREMIAH 33:8

Puletao nou apei hi soumah khaitouyu teitei sü Enou soushee peilai, ae Enou puletao vei mahmo khesü khaipeilai.

DOPFÜYU 3:23

Süsü veishoyu shona bütoue, ae teinghi pavuzü laiyu bütou tea bue.

EZEKIEL 36:25

Enou neletaoye sü sheeyu dzü nou poa kasho peilai ae neletaoye basharatao nou alia na kukhe nou souzhai khaitouyu khesü soushee peilai.

EZEKIEL 37:23

Puletao hai ngaorayu basharatao hinou lah puletaoye souzhaipu laimoe, moa mahmo hinou puletao hai lahye soushipulai moe. Puletao nou vah ashi soua Eye malaiyu veishi hinou pa lahdo souloulai. Enou puletaoye soushee peilai ae puletao hai avei mai soulai alia Enou puletao vei Ramai sü soulai.

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

MATHIU 3:6

Puletao nou puletao mah paopa-a Jordan hinou puhnou puletaoye dzükhao dapeie.

MARK 1:5

Alia Judea teidei hinou ea Jerusalem nuhdu hinou mai alaosou Johan hinou ko keire donou tave. Alia puletao nou mah paopa-a puhnou puletaoye Jordan Rei hinou dzükhao dapeie.

LUK NOU RÜYU KO AVEIBVÜ 22:57

Ana Pitar nou süsü baloua paoe, “Naotupai, Ewo puhye-a sümoe.”

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

SEI-ATAMAI VAHTAO 19:18

Alia chunou lülouyu mai alaosou taveloua puletao vei ashi vahtao sü dua paopa ngaoe.

ROMMAI 3:26

ana chu teile hiwo puhvei acheche nasü pongaore donou puhnou maikhemai mah vanou chi kuwe. Haibüyu zhai hinou Ramai nou puh hai chechewe ea Jisu ye lüloumai taliye hai puhnou souzü peiwe touyu sü ngaopeiwe.

1 KORINTHMAI 1:9

Puhnah Poutu, Eletao Mapao Jisu Khristaye koa meime ali souloure donou neletaoye kulouyu Ramai puhye hai louche louveie.

1 KORINTHMAI 6:11

Neletao kamai sü sübüyu maibaie. Ana neletaowo mah hinou soushee loure; neletaowo Ramai hi shee-a popeire, neletaowo Mapao Jisu Khrista zhih hinou ea Eletao Ramai vei Rako hinou Ramaiye koa souzü loure.

EPHESAMAI 5:26

Haisü puhnou lüloumai meye puhvei chipao vanou dzü hinou khüshee peiwu-a soushee peiyu thainou sünaye Ramai hi posheela peire donou soue;

PAODAKHAIYU CHIKHA 7:9

Südonou neletao Ramai Mapao hai Ramai-e, ae louche louveiyu Ramai-e. Puh hai puhye leshiyu mai ae puhvei chikha khesü züa buyu mai hisü puhnou vo soukhai touyu nasü khaipeiwe alia maiphao theli koute-a leshi peiwe.

1 TIMOTHI 1:15

Paokhai touyu chipao hainasü chechewe ea teiteinou poloua louchelou veie, süolouzü mahmaitaoye khaipeire donou Khrista Jisu sü deiphao hi ve-e. Alia mah maitao hrülai hrohinou Enou shishilai nasüe;

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

EBRIAMAI 10:23

Eletao nou füa laiyu areih sünasü Eletao nou letsüyu soukhaimoa soutao soua polou laikhe, daiolouzü apaopeiyu puhye sü louchelou veie;

EBRIAMAI 11:11

Lü vanou Sarah nou puh hai nah hrüre teile latakhaia, nah hrüloure khoukosü ngaoloue, daiolouzü Ramai nou puhvei apaopei khaitouyu nasü souvete peilai touyu sü puhnou louche-e.

EBRIAMAI 6:10

Ramaiwo cheche moyu moe. Neletao nou soukhai touyu vah moa neletao nou chukoute puhye donou neletao thaihou jürai Khrista maitao hi soukha pei-a leshiyu pongaokhai touyu sü puhnou ngaipei laimoe.

1 JOHAN 1:7

Ana puhnou avahi buyu büa, Eletao nou ava hinou hrüa bulouzü, süthaisü Eletao sü alinou liye koa meime zholoure, alia puhnah Poutu, Jisu vei zhenou Eletaoye mah teitei hinou soushee peiwure.

PONGAOPEIYU 15:3

alia puletao sü Ramai kilai Moses vei lou ea Zhaotu süna vei lousü soua bue: “Khoukhoulai Ramai Mapao, nevei vahtaosü daizhozhou dusa ea khupasa! Oh tahrüh khemaitaopei Veo, nevei ludutaosü daizhohou kaozüsa ea chechesa!