1 JOHAN 1:6 - SHEEYU BAIBEL (BSI)

⁶ Eletao nou teizhi hinou ta-a bulukhu, Eletao hai puhye koa meime zhowe tea Eletao nou pao-a bulouzü, Eletao sü madawe ea achechena thaifüa hrümoe.

1 JOHAN 1:6 Iomraidhean Croise

LOUTAO 82:5

“Neletao hai daizhou koute tsüha-a nou vo sarou! Neletao mai hrülai nou shitakhai toure, ae teideiphao hisü kaozü ae acheche nasü hatare.

LOUTAO 94:20

Shee moyu chiku apei maitao, kaozü moyu khesü veiwe tea chikha soupeiyu maitao, mai aveih maiye soushi peire donou do ashi phouyu maitao ae mah hayu maiye southare donou chidei peiyu maitaoye koa neletao nou vah souzholou veiyu sü halia hae.

TSÜCHITAO 2:13

checheyu bo thaowua azhi hinou ta-a bumai hinou;

MATHIU 7:22

Chikuyu Teithe kisü mai alaonou Ahi paolai, ‘Mapao, Mapao! Nezhih hinou Ehnou rachi paolapa mowu, alia nezhih hinou rashitaoye hulai pamowu, alia nezhih hinou khupa vah lao soumowu?’

JOHAN 11:10

Ana maita linou khei hinou talouzü, puhnou phi süwe, daiolouzü puh hisü ava nasü hae.”

JOHAN 12:35

Jisu nou puletao hi chila peie, “Phajü donou ava nasü neletaoye koa bupulai. Avana bubu kinou neletao nou takhaio, molouzü teizhi nanou neletaoye nulou shulai; teizhi hinou tayu mai sünanou puh hai daiki tahosa touyu sümoe.

JOHAN 12:46

Eye loucheyu talinou teizhihi bumore donou, Enou ava büa deiphao hi velouloue.

JOHAN 8:12

Jisu nou puletao hi paopukhaie, “E hai deiphao ava nasüe; Athai füyu puhnou teizhi hi talai moe, ana ahri vei ava nasü ngaoloulai.”

JOHAN 8:55

Neletao nou puhye sükhaimoe; ana Ewo puhye süwe. Enou puhye sümoe tea paolouzü, E-a neletao büa amadamai souwulai. Ana Enou puhye süwe ea Enou puh chi züwe.

1 TIMOTHI 4:2

Haibüa doupeiyu hai sourouyu hunou pochatheayu büa lekhetsü thaitayu avei khokho souyu madayu maitao nou paodouwe.

JEMS 2:14

Athaihou jürai khemai, maitalinou puhvei lü bue tea paokhaia vah halouzü süsü dai koyu bue? Puh lü nanou puhye khailu peilou süwu?

JEMS 2:16

neletao hronou kamainou puletao hi, “Kaona-a tawo, lebolo ea pou phoulo!” tea paowu-a puletao vei pfüphaonou moshilaiyu halia peimoa bulouzü, sünanou dai koyu bue?

JEMS 2:18

Ana kamainou, “Nevei lü bue ea Avei vah bue,” tea paolai. Avei chilawo louzü, “Nevei lü nasü vah loumoa Ahi ngaopeio, alia E-a Avahnou Avei lü nasü pongaolai.”

1 JOHAN 1:10

Eletao nou Eletao hai mah soumoe tea paolouzü, Eletao nou Ramaiye madayu mai ali soupeire, alia puh chipaosü Eletao hi hae.

1 JOHAN 1:3

Ehnou Puo ea Nah Poutu Jisu Khristaye koa meime ali soua buyu hi neletao-a Ehye koa meime sünahi louzho loure donou, Ehnou ngaolouyu ea choulouyu süsü neletao hi-a paosüwe.

1 JOHAN 1:8

Eletao nou Eletao hai mah hae tea paolouzü, Eletao nou lah Eletaoye labaiwe, alia acheche nasü Eletao hi hae.

1 JOHAN 2:4

Maitalinou puh hai Ramaiye süwe tea paokhai-a, puhnou puh chikhataosü zümo louzü, sübüyu maisü dayumai baie ea acheche nasü puh hi hae.

1 JOHAN 4:20

Maitalinou, “E Ramaiye leshie,” tea paokhai-a, puh thaihou jüraiye ngaora louzü, puhsü madayu maibaie. Daiolouzü puhnou ngaoa buyu puh thaihou jüraiye leshi molouzü, puhnou ngaomoyu Ramaiye leshi louhoe.