1 JOHAN 1:5 - SHEEYU BAIBEL (BSI)

⁵ Chuwo Puhnah Poutu hinou Ehnou chouloua paosüyu chipao sünawo louzü haire; Ramai hai avae alia puh hisü teizhi ali-a hae.

1 JOHAN 1:5 Iomraidhean Croise

LOUTAO 139:12

azhi na koute-a ne hio zhi moe, ae kheiki-a ne hiolouzü hea teivayu bütoua baie. Ne hiolouzü teizhiyu ae teivayu hai raibütoua bubaie.

LOUTAO 27:1

Mapao hai avei ava ae Eye khailupa apeio nasüe; Enou mailia ngaopi laimoe. Mapao nou Eye kaozhou ashi teitei hinou vupa peiwe, haliro Enou ngaopire sü ha-e.

LOUTAO 36:9

Daiolouzü ne hi hriloure dzüla sü bue, ae nevei ava hisünou Etao hai vayu ngaoloua nou bue.

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

ISAIAH 2:5

Oh Jakob vei tyaosholea maitaore, chuo Etao Mapao vei ava hinou tabai laishe!

ISAIAH 60:19

“Teinghi nou heaki neletao vei ava nasü soupulai more, moa khouhva sü panou kheiki neletao hi vapei pulai more, ana Mapao Enou teisa sü neletao vei ava soupeilai, ae avei khouko ava sünou neletao hi teisa nou vupeilai.

DANIEL 2:22

Puhnou tateiyu ae sülou hoyu khesü süngao peiwe; teizhi hinou buyu khesü puhnou süwe, ae teiva sü puhye koa bue.

JOHAN 1:19

Alia Jerusalem hinou Jihudimai taonou Johan hi napaomaitao ea Levi maitaoye seive-a panou puh hinou, “Ne thaoh-e?” tea ve nouyuki Johan nou haibüa zhopaoh peie.

JOHAN 1:4

Puh hisü ahri bue, alia ahri nasü maikhemai vei ava nasüe.

JOHAN 1:9

Mai hrülaiye souva peiyu checheyu ava nasü deiphao hi velou loure.

JOHAN 8:12

Jisu nou puletao hi paopukhaie, “E hai deiphao ava nasüe; Athai füyu puhnou teizhi hi talai moe, ana ahri vei ava nasü ngaoloulai.”

JOHAN 9:5

Enou deiphao bubusa, Enou deiphao vei ava nasüe.”

1 KORINTHMAI 11:23

Daiolouzü Enou neletao hi pei-a buyu doupeiyu haina hai Enou Mapaowo hinou ngaoloue; süolouzü Mapao Jisu nou puhye thoupeiyu khei sühinou raokhao pho ali poloue,

1 TIMOTHI 6:16

Puh likhei teisanou hribaie; puh hai maitalinoua tavelou hoyu avana hinou hrüwe. Maita linoua puhye ngaokhai mohie moa maita linoua puhye ngaolou hoe. Puh hisü tsükhouyu ea adu-sho sü teisanou buyu souloutheo! Amen.

JEMS 1:17

Veiyu ea licheyu sapeina teiteisü raki hinou ve; haisü avataovei Puo hinou ve, puh hisü datayu vanou takuyu moa khudayu ali-a hae.

1 JOHAN 3:11

Neletao nou shurai hinou choulouyu chipao nasü haire; Eletao alinou liye leshi vuzülai.

PONGAOPEIYU 21:23

Nuhdu sühi panou valoure donou teinghi-a khou-a matsü hae, daiolouzü Ramai vei khouko avanou sühisü vüpei-a bue, alia sünavei meibvüsü Zhaotu sünae.

PONGAOPEIYU 22:5

Sühisü khei touyu bupu laimoe, alia sühisü puletaoye donou meibvü moa teinghi vei avasü matsü hae, daiolouzü Ramai Mapaowo nou puletao vei ava soulai, alia puletao nou teisanou ve soua hrülai.