1 JOHAN 1:2 - SHEEYU BAIBEL (BSI)

² Ahri sünaye pongao peiwuyu kisü, Ehnou süsü ngaoe ea süna vanou Ehnou zhopaoh soue, alia Puoye koa buwu-a Eletao hi pongao peiwuyu teisa ahri süna vanou neletao hi paongaowe.

1 JOHAN 1:2 Iomraidhean Croise

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 1:4

Puh hisü ahri bue, alia ahri nasü maikhemai vei ava nasüe.

JOHAN 10:28

Enou puletao hi teisa halou hoyu ahri peiwe, alia puletaosü hakilia hakhai laimoe. Alia maita linoua puletaoye Abah hinou shaolou hoe.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 15:27

alia neletao-a Avanou zhopaoh soulai, daiolouzü neletao-a shurai hinou Eye koa bue.

JOHAN 16:28

Enou Apuo hinou tashuloua deiphao hi veloure; alia chuo Enou deiphaosü thaowu-a Apuohi vetalai.”

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 19:35

Süna ngaolouyu puhnou zhopaoh peire, alia puhvei zhopaoh sü cheche-e. Alia neletaoye panou louche loure donou puhnou acheche nasü paobaie touyu sü puhnou süwe.

JOHAN 21:14

Chuo haina hai Jisu nou athai hinou hrishu louyuthai rozümai taohi ngaopeiyu lüh asü chenae.

JOHAN 3:13

Alia Raki hinou kouyu Mai Nahpoutu puh baimoanou mailia raki hi khekhai mohie.

JOHAN 7:29

Ana Ewo puhye süwe, daiolouzü Esü puh hinou ve, alia puhnou Eye seive-e.”

JOHAN 8:38

Enou Apuoye koa ngaoyu nasü Enou paowe, alia neletao nou neletao puo hinou choulouyu nasü souwe.”

SEI-ATAMAI VAHTAO 1:22

Mapao Jisu nou Eletao hrohinou takou takhe-a buyu teile teitei hi Eletaoye koa laivuzüyu maitao hrohinou aliye panou Eletaoye koa puh hrishuyu zhopaoh soure donou dothou vuzülai.”

SEI-ATAMAI VAHTAO 10:41

Sütoukhaia maikhemai hrülaihi ngaopeimoe, ana Ramai nou raia dopacheyu zhopaoh maitao likhei hi ngaopeibaie, süolouzü puhnou athai hinou hrishu louyuthai puhye koa toushoyu Eletao nou ngaobaie.

SEI-ATAMAI VAHTAO 2:32

Jisu hainaye sü Ramai nou souhrishu peire, alia Eletao hrülaisü hainavei zhopaoh maitaoe.

SEI-ATAMAI VAHTAO 3:15

Neletao nou Ahripao naye sü southeare, ana Ramai nou puhye sü athai hinou souhrishu loure. Eletao sü sünavei zhopaoh maitaoe.

SEI-ATAMAI VAHTAO 5:32

Alia Eletaowo haitaovei zhopaoh maitaoe, ea sübüa Ramai nou puh chi züyu maitaohi peikhai touyu Rako Mashi-a zhopaoh souwe.”

ROMMAI 8:3

Emai kezhenou lelou hoyu vanou razhainou soulou hoyu nasü Ramai nou souloure. Puhnou lah puhnah poutuye seikou peiwu-a mahye souhare donou mahmai zhaido hinou panou veloua mahye sü kezhe hinou mah dukhaire.

GALATIAMAI 4:4

Ana apaokhai touyu teile süsü velouyu kisü, naotumai ali vanou panou razhai khehinou naloua Ramai nou lah puhnah Poutuye seive peie,

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

2 TIMOTHI 1:10

alia chuo süsü Eletaoye khailu-apeio Khrista Jisu nou veyu vanou Eletao hi pongao peire. Puhnou athaivei khouko nasü souhare ea Ko Aveina vanou teisa ahri nasü pongao peire.

TITA 1:2

rahrüzhai süsü teisa ahrinaye rei-a buyu süna vanou soushupa khaitoue. Mada moyu Ramai nou shurai jühinou haina hai Eletao hi peilai tea apaopei khaitoue,

1 PITAR 5:1

Südonou lah E-a tsümaili soua, Enou neletao hrohi buyu lüloumaime tsümaitao hi khoe. Ehai Khrista veahoyu veihi zhopaohmai alie, alia pongaopei laiyu khouko ava hisü E-a zha ngaozholai.

1 JOHAN 1:1

Shurai hinou buyu ahri Chipao süna vanou Ehnou neletao hi rüwe. Sünasü Ehnou chouloure, alia süsü Eh nghithou nou ngaoloure; ovai, Ehnou süsü ngaoloua Eh bahnou süsü deiloure.

1 JOHAN 2:25

Alia Khrista puhnou Eletao hi peilai tea apaopei khaitouyu sünasü teisavei ahri hainae.

1 JOHAN 3:5

Neletao nou süwe süolouzü Khrista nou Eletao mah pota peiloure donou ve, alia puh hisü mahlia hae.

1 JOHAN 3:8

Mah soua buyu maitalisü Rashina hinou ve, daiolouzü shurai hinou Rashi nanou mah soure. Ramai Nah poutuwo nou veyu vei qowo louzü Rashi navei vahtaoye souhare donoue.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

1 JOHAN 4:2

Haibüyu vanou neletao nou Ramai vei Rakoho Rakomoe touyu sü süloulai süolouzü: Jisu Khrista hai vasou hilonou ve-e tea dua paopayu rako hrülaisü Ramai hinou ve-e.

1 JOHAN 5:11

Alia zhopaoh nasü haire: Ramai nou Eletao hi teisa ahri peire, alia ahri hainasü puhnah Poutuwo hinou ve-e.

1 JOHAN 5:13

Neletao nou neletao hai teisa ahri bue touyu süloure donou Enou haisü Ramainah Poutu zhih hi louche-a buyu neletao hi rüwe.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.