Jemə̀ 1:3 - Pinyin

³ ntiinə, mbuurə̀ nɨ̀zhwiʼì ntsùmə̀ nɨ ɨ̀ za nzhwiʼì àpyiimə̀ ntɨŋmə̀ àzɨghə ɨ̀ za ngɨ̀rə̀ nɨ̀ pə nɨ àẅìimə̀ ntɨŋmə̀.

Jemə̀ 1:3 Iomraidhean Croise

Lukə̀ 21:19

Nɨ̀ tə ngẅìimə̀ ntɨŋmə̀, yi nɨ̌ zɨghə̀ a nɨ̀chwarə̀.”

Roman 15:4

Mɨ̀nwùə̀ mɨ̀tsùmə̀ nɨ pɨ lə̀ ŋwàʼnə̀nə amwuə àŋwàʼnə̀ Nẅùə̀ nkwùə̀ ntsàambyə̀ lə̀ pə la a nɨ yèmpə̀ a wəənə̀ lo pə̀ənə̀ pə nɨ àẅìimə̀ ntɨŋmə̀ pobə ntɨŋmə̀ ghu tɨ̀ŋnə̀ mbə̀ʼə nùŋə̀ àkwàŋə̀ àzəənə̀ aŋunə Nẅùə̀ tə pyabə̀.

Roman 2:7

Ambo pànə̀ nɨ pobə ẅìimə̀nə mɨ̀ntɨŋmə̀ ɨ̀mobə mmə ngɨ̀rə̀ mɨ̀nwùə̀ nɨ mɨ təəmə̀nə, kə̀ nkɨ mmə ntàʼà àghuʼtə̀ ambo Nẅùə̀ ghobə nɨ̀chyə̂mbyə̂ wa nɨ à ghoŋə̀nə nɨ nkuŋə̀ la, Nẅùə̀ à ghǎ ŋâ a ghobə nɨ ẅèrə.

Roman 8:25

La pə̀ənə̀ tə pəla nnùŋə̀ ntɨŋmə̀ mmə mbyabə̀ àzwuumə̀ nɨ ka pə̀ənə̀ mə ndzəənə̀ a wə̀ənə̀, a pòŋə̀ lo pə̀ənə̀ ẅìimə̀ ntɨŋmə̀ mmə mbyabə̀ tyìʼə̀ pyabə̀nə.

Roman 8:28

Pə̀ənə̀ zhyə̂ lo Nẅùə̀ à tsùŋə̀ àzwuumə̀ àtsùmə̀ lo â pòŋə̀ la ambo pànə̀ nɨ pɨ kòŋə̀nə e; mbə pànə̀ pa nɨ à fuŋə̀nə a ghobə njiilo pobə ghɨ̀rə̀ mɨ̀nwùə̀ nɨ à lə̀ pyə̀ mə nkwàŋə̀.

2 Korìntə̀ 4:17

Mɨlyiʼə ngəʼə̀ wə̀ nɨ pəə pə ndzəənə̀ aŋunə mətùmə nkwùə̀ lə ɨ̀ ghǎ tô nɨ àghuʼtə̀ za nɨ a lẅenə̀nə nkɨ ngoŋə̀ nɨ nkuŋə̀ amwuə nkwùə̀ za nɨ pəə pənə a mbyə̀ Nẅùə̀ la.

Kòlosè 1:11

Pəə pə nkɨ nchi mmə nchàʼtə̀ a Nẅùə̀ lo â ghɨ̀rə̀ nɨ̀ tɨ̀ŋnə̀ ndàŋə̀ a ndzùmə̀ mɨ̀tɨ̀ŋnə̀ ɨ̀me ma nɨ mɨ tsàarə̀nə mɨ̀tɨ̀ŋnə̀ mɨ̀tsùmə̀ mbə̀ʼə nɨ̀ pyiimə̀ ànwùə̀ àtsùmə̀ nɨ a tônə, mbə nɨ àwìimə̀ ntɨŋmə̀ nkɨ mbə nɨ nɨ̀ghaʼà aŋunə ànwùə̀ àtsùmə̀.

2 Tèsàlonikà 1:4

Lenəla pəə pə ntsòo a ghàŋə̀ ɨ̀wəə mbə̀ʼə wɨghə amwuə pɨ̀tse ɨ̀shwatə̀ ɨ̀poonə̀ pɨ Nẅùə̀ ntii àẅìimə̀ ntɨŋmə̀ ghobə àpyiimə̀ ntɨŋmə̀ nɨ nɨ̀ pənə nɨ zèrə nkwùə̀ nɨ pɨ lə̀ mənə nnyàŋə̀ a wɨghə ngɨ̀rə̀ nɨ zəənə̀ ngəʼə̀.

2 Tèsàlonikà 3:5

Ndòʼnə̀mbyə̂ â ghɨ̀rə̀ nɨ̀ tsùŋə̀ nzhyə̂ tsaʼnə Nẅùə̀ a kòŋə̀nə pə̀ənə̀ nkɨ ghɨ̀rə̀ nɨ̀ zhyə̂ ẅìimə̀ ntɨŋmə̀ tyìʼə̀ tsaʼnə Kristù a lə̀ kɨnə ngẅìimə̀ nkwùə̀ nɨ pɨ lə̀ mənə nnyàŋə̀ e la.

Hibrù 10:36

Nɨ̀ chyə̂ a nɨ ẅìimə̀ ntɨŋmə̀ a nɨ ghɨ̀rə̀ ànwùə̀ nɨ Nẅùə̀ à tàʼnə mbə̀ʼə kẅiirə̀ àzwuumə̀ za nɨ Nẅùə̀ à lə̀ kàʼnə la.

Hibrù 12:1

Tsaʼnə pə̀ənə̀ pənə nɨ àpùŋə̀ pɨ ndzəənə̀ zəənə̀nə nɨ pobə kamnə̀nə a wəənə̀ la, pə̀ənə̀ waʼà àzwuumə̀ àtsùmə̀ nɨ a za nnàanə̀ àlàŋə àzəənə̀ pobə ànwùə̀ tɨ̀pòŋə̀ àtsùmə̀ nɨ a ẅìimə̀nə a wəənə̀ nkorə̀, lenəla ngẅìimə̀ a nɨ kɨ̀ɨrə̀ mɨ̀ndəənə̀ ma nɨ mɨ pənə a mbyə̀ pə̀ənə̀ la nɨ ntɨŋmə̀ ɨ̀wəənə̀ ɨ̀tsùmə̀.

Hibrù 6:12

Ka pəə mə ntàʼà a wəə la lo nɨ̀ pə pɨ̀lòŋə; pəə tàʼà pə lo nɨ̀ pə tsaʼa pànə̀ nɨ pobə nùŋə̀nə ntɨŋmə̀ aŋunə Nẅùə̀ nkɨ mbə nɨ àẅìimə̀ ntɨŋmə̀ mbə̀ʼə ghǎ kẅiirə̀ àzwuumə̀ nɨ Nẅùə̀ à lə̀ kàʼnə la.

1 Pità 1:7

À wa zhwiʼì la a nɨ zəənə̀ lo àpyiimə̀ ntɨŋmə̀ àzɨghə a tɨ̀ŋnə̀ lo. À tə mbə pə àtɨ̀ŋnə goldə̀ nɨ mbə̀ʼə pɨ tsə̀ŋə̀, pɨ pa nkɨ nzhwiʼì nɨ ɨ̀mǔ. A tyiʼə̀ mbə lə, pɨ tyiʼə̀ ka zhwiʼì e a àpyiimə̀ ntɨŋmə̀ àzɨghə nɨ a tsàarə̀nə a goldə̀, mbə̀ʼə a chi ntɨ̀ŋnə̀ ndèrə̀ nɨ mbyə̀? Lenəla, nɨ̀linə̀ nɨ Nẅùə̀ faŋə̀, mbə nɨ àghuʼtə̀ amwuə njyə̂ za nɨ Yěsû a ghǎ tô.

2 Pità 1:6

nkẅìʼnə̀ nɨ̀ẅìimə̀ mbɨ̀ŋmə̀ aŋunə àzhyə̂ ànwùə̀, nkẅìʼnə̀ àẅìimə̀ ntɨŋmə̀ aŋunə nɨ̀ẅìimə̀ mbɨ̀ŋmə̀, nkẅìʼnə̀ nɨ̀pô Nẅùə̀,