Matthew 9:6 - Patamuna New Testament Revised

⁶ “ Kàyik Mumu wechi iwemakuimansak pàk usentuppantok yapàikketù yesappe non po ittu kon pa ‘E'wuluukakà, eyekkwek yanùnkà molopai emeikkà!’ te uya sàlà ittokkassak pàk” teppù Jesus uya.

Matthew 9:6 Iomraidhean Croise

Matthew 4:24

Itekale usetappù màlà tamù'wàlà Syria pon pata yawàlà. Màlàpàk kappon yamùk uya tamù'nawàlà e'netton yalàppù ipyak yà'là yekkwa ton nà palan pàk tùwessan molopai ti'ninchan kulu. Molopai nàlà àli akkwalù yen yamùk, tùusa'mantapàssan, itokkassak kon nà nepùppù tok uya. Jesus uya tok ipittàppù màlà tamù'nawàlà.

Matthew 8:20

Jesus uya yeikuppù, “Maikan yamùk mùkyamlo teuta kenan kon, molopai tolon yamùk mùkyamlo tùpon kenan kon, tùse Kàyik Mumu mùkkàlà iwàlàkkattok patassek pùn,” tukaik.

Matthew 9:2

Molo kàyik yamùk uya iitokkassak kàyik nepùppù màlà, aittoupe itekkwek po. Jesus uya eke pe ailon tetok tok uya wechi yeneppù màlà, molopai iitokkassak kàyik pàk, “Emeluntàtakà, Umu! Amakuyi pàk usentupansak man,” teppù.

Matthew 9:5

“Sa'man pe ma'le ken na', ‘Amakuyi pàk usentupansak man,’ te nai, wapùla ka', ‘E'wuluukakà molopai asakà,’ te làkku lù?

Matthew 9:7

Kàyik we'wuluukappù màlà molopai iwemeikuppù.

Mark 2:10

“Ittu kon pa ikupù uya màlà mùkkàlà Kàyik Mumu wechi tapàikketù ke sàlà non po makui pàk tùusentuppa toppe,” teppù Jesus uya tok pàk. Màlàyau Jesus uya iitokkassak kàyik pàk,

Mark 2:7

“Yà'là peichi iwechi pàk pùsàlà kàyik uselupa màlà Katù winàkàik tùwe'namaik pùla là? Ànù'là usentupa makui pàk pen màlà, tùse Katù neken,” teppù tok uya.

Luke 5:21

Law pàk enupannan molopai Pharisee yamùk tawonnan wepyattàppù tùuselupa kon pàk tùyiwalà'nokon. “Ànùk ken pùsàlà kàyik Katù winàkàik nùselupayai'nùk sàlà kasa? Ànù'là tùusentupasen pùn àli kuttok pàk, tùse Katù neken!” tukaik.

John 10:28

Tok lepa uya màlà tàwàlàlà wema'nàtok ke, tok umatta pen. Molopai ànù'là uya tok mokka uyemyapai pen màlà.

John 17:2

Tamù'nawolon kon kappon yamùk yepoi apàikkek ke ilepasak auya man, mùkyamlo temyak àntùlùssan lepa toppe ya tàwàlàlà wema'nàtok ke.

John 5:27

Molopai ilepasak ya màlà kappon yamùk ittutok ya yapàikketù ke, masapùla Kàyik Mumu pe iwechi pàk.

John 5:8

Màlàyau Jesus uya ipàk, “E'wuluukakà, ayapon yanùnkà molopai itàkà,” teppù.

Yeunossak kon Wotokoyi 5:31

Molopai Katù uya iwuluukappù tùlaitanù yak, Itepulu pe molopai Pùikattànài pe. Kappon yamùk Israel pon kon welattàtoppe tùmakuyi kon winàpai. Tùmakuyi kon pàk usentuppantok yepotoppe tok uya.

Yeunossak kon Wotokoyi 9:34

“Aeneas, Jesus Christ uya eyipittà màlà. E'wuluukakà molopai eyekwek ikonekakà,” teppù Peter uya ipàk. Asse'ne Aeneas we'wuluukappù.

2 Corinthians 2:10

Kappon pàk eusentuppa kon àli inkupùppù pàkànsau yau, ipàk nàlà usentuppa màlà. Usentuppasak ipàk lùppù wechi yau, usentuppasak màlà àpàkànsau'nokon Christ yemloto po.

2 Corinthians 5:20

Màlàpàk uchi Christ ponaloppe tùuselupa kon pàk ina man, Katù uya apawanattà kon ina yai kasa. Christ pàkànsau apawanatà kon ina uya sàlà, tàwà Katù amyakanmatàu tùwechiyakonnon pe!

Ephesians 4:32

Tùse làkku tùusentuppaik ettàk kon molopai sa'man pe pùla itewan echiwinàkàik, molopai esentuppatàk kon àpàkù'nokon Katù usentupasak àpàkù'nokon Christ yau kasa.

Colossians 3:13

Eyeselu kon tùpàlikaik ettàk, molopai ànù'là kappon pàk esentupatàk, ànù'là àkklottawon kon usàulàmasak tùulon kon winàkàik yau. Ànù'là pàk mesentupatàik Itepulu Jesus usentupasak àpàkù'nokon nai'nùk kasa làma.