Matthew 8:2 - Patamuna New Testament Revised

² Màlàyau àsà ipippà leprosy pokon uyàpùppù màlà ipyak, tese'muyok iwenappù itemlotopo, molopai, “Uyepulu, uyipittàpai ewechi yau, uyipittà auya,” teppù ya.

Matthew 8:2 Iomraidhean Croise

Matthew 10:8

“E'netton mipittàtàik, iwelichak kon mùwuluukatàik, welei pokon kon mipittàtàik, molopai àli ton akkwalù yamùk menpakkatàik. Te'mase pùla yeposak auya'nokon man, màlàpàk me'lepatàik te'maik pùla.

Matthew 13:58

Molopai tùwekkussen yek ton pen kupùppù ya pen màlà molo masapùla ailon te tok uya pùla iwechi pàk.

Matthew 14:33

Ya'lon kon kanau yawon kon uya Jesus yapulàppù. “Ailon pe Katù Mumu àmàlà!” teppù tok uya.

Matthew 15:25

Màlà yattai nossan uyàpùppù molopai iwepeimappù Jesus pùta piyau. “Kùpùikattàkà, Uyepulu!” teppù ya.

Matthew 18:26

Apyoto wenappù tese'muyok tepulu yemloto po. ‘Masa tàwà kùmàmukkà, molopai eye'ma uya màlà tamù'nawàlà,’ tukaik ipawanattàppù ya.

Matthew 2:11

Tapùi tak tok wewomùppù màlà molopai mule yeneppù tok uya tùsan Mary pokonpe. Tese'mu kon yok tok wenappù molopai tok uya yapulàppù.Màlàyau tapluli kon yen yakkokappù tok uya. Molopai tùntùlù kon tùlùppù tok uya, kolù, appoi'nan tùpottàsen, frankincence, molopai appoi'nan kalapa itesek myrrh.

Matthew 20:20

Màlàyau Zebedee munkà yan uyàpùppù màlà Jesus piyak walawotichi tùmunkà yamùk pokonpe, iwepeimappù itemlotopo molopai iche tùwettok yennappù ya ipàk.

Matthew 26:6

Bethany po, Simon, weleippan sa'ne yùwùk tau Jesus wechi yattai,

Matthew 28:17

Jesus yensak tùuya'nokon yau, tok uya yapulàppù, tùse tùulon kon uya ailon te ma'le iwechippù.

Matthew 28:9

Màlà yattai là Jesus uya tok yepoloppù asantau, molopai tok pàk, “Tàwà wàlàkà'nàtok apyau'nokon nechii,” teppù. Tok uyàpùppù ipyak molopai tok uya itta pàk yachippù, molopai tok uya yapulàppù.

Matthew 4:9

“Tamù'nawàlà sàlà tùlù uya màlà eyemyak, eyese'mu yok tùwenase uyapulàsak auya yau,” teppù Makui uya.

Matthew 8:1

Jesus uttàppù màlà wùk poi, màlàyau tukkan kon kappon yamùk utàppù ya'là.

Matthew 8:25

Ya'lon kon utàppù màlà ipyak molopai yenpakappù tok uya. “Ina ipùikattàkà, ina Yepulu! Weli'nà'nokon pe man!” teppù tok uya Jesus pàk.

Matthew 9:18

Sàlà te Jesus uya tok pàk tùse, Jew yamùk wepilittok itak yesak uyàpùppù màlà Jesus piyak, tese'mu yok iwenappù itemlotopo molopai ipàk, “Uyenchi nelippàssan, tùse àikkà eyemyatù inonkatanikà ipona molopai nulà iwena màlà,” teppù ya.

Luke 4:27

Molopai tukkan kon welei pokon kon wechippù màlà Israel po Elijah yattai tùse tok wennapù wakù pe pen màlà, tùse Naaman, Syrian pon neken,” teppù Jesus uya tok pàk.

John 9:38

Molopai Jesus pàk, “Ailon ukayaik àpàk uyepulu,” teppù ya. Molopai tese'mu yok iwenappù itemloto po.

Yeunossak kon Wotokoyi 10:14

Tùse Peter uya, “Kane, Uyepulu, wapùla! Yà'làlà àli tetok wapùla ene là yannàippù pen Iulà,” teppù.

Yeunossak kon Wotokoyi 10:25

Peter wewomù tùse, Cornelius uya yepoloppù, molopai iwettolùpattàppù itta piyau molopai iwepeimappù itemlotopo yapulài'ma.

1 Corinthians 14:25

Amappe ichenumenkatok nepù màlà ayupona, molopai tese'muyok iwena màlà Katù yemloto po, “Ailon pe Katù àkklottau'nokon man,” tei'ma.

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.