Matthew 8:12 - Patamuna New Testament Revised

¹² Tùse mùkyamlo itepulu pe we'nàtok epùn po yau tùwessan yek yenu'ma màlà ewalupàttak polopona, molo tok kalawà màlà molopai tùyà kon kàlàlài'ma tok uya,” teppù Jesus uya.

Matthew 8:12 Iomraidhean Croise

Matthew 13:38

Umà màlà wolù. Wakù tùpànsen kùyali yenappà mùkyamlo kappon yamùk itepulu pe iwettok ton. Àlitta mùkyamlo kappon yamùk Ene Makui ponalok kon.

Matthew 13:42

Molopai nen uchi tok uya tok yenu'ma màlà apok yak. Molo tok kalawù màlà tùyà kon kàlàlài'ma tok uya.

Matthew 13:50

Tok uya àli ku'nàinan yenu'ma màlà apok yak. Molo tok kalawù màlà molopai tùyà kon kàlàlài'ma tok uya,” teppù Jesus uya.

Matthew 21:43

“Màlàpàk tekamayaik àpàkù'nokon, sàlà lepantok mokka màlà ewinàpai'nokon molopai itùlù màlà kappon yamùk wakù pe tùwepetasan yemyak.

Matthew 24:51

Itepulu uya yattàpàtù màlà echikili pe molopai tùusennakasan talumattàtok pùkkù pe iwechi. Molo ikalantok molopai tùyà kàlàlàikkatok ya wechi màlà.”

Matthew 25:30

Pùsàlà tapulàsen pen apyoto, yenu'matàk kon polopona ewalupàttak. Molo ikalawù màlà molopai tùyà kàlàlài'ma ya,’ teppù,” teppù Jesus uya.

Luke 13:28

Molo nen uchi kalannà màlà molopai àkàlàlàikka, Abraham, Isaac, Jacob, molopai tamù'nawolon kon Katù Maimu yenpoikannannùssan yene auya'nokon Katù wettok itepulu pe yattai yau, polopo nen uchi àkupù kon tùse.

Yeunossak kon Wotokoyi 3:25

‘Àponalok kon màlà tùmaimu yenpoikannan yai, ikupù uya màlà teppù lùppù Katù uya atamo kon yamùk pàk. Sàlà yamùk màlà àponalok kon nàlà tok munkà pe ewechi kon pàk. Abraham pàk, ‘Apayan yamùk yai tamù'nawolon kon kappon yamùk non pon kon pùlema uya màlà,’ teppù tùuya kasa.

Romans 9:4

Katù nanùmùssan kan mùkyamlo tà tùmunkà yamùk pe molopai tapulàtok pùkkù pe tok kupùppù ya tùpokonpe. Ikupù tùuya tetok tùuya kupùppù ya màlà molopai Law, tùlùppù ya tok yemyak. Katù yapulàtok yesak ton mùkyamlo. Ikupù tùuya tetok Katù uya yanùmùppù tok uya màlà.

2 Peter 2:17

Pùsamlo mùkyamlo a'mun tuna yen walai non, katuppluk yasak meluntà assetun uya walai non; Katù uya tok patassek kussak man tàwàlàlà ewalupà yau.

2 Peter 2:4

Masapùla inchelù yamùk àli pe iwessak kon yenpàtù Katù uya pùn tok wepetoppe Ittuntok winàpai, tùse tok yenu'mappù ya, màlà motau tok wechi màlà yaulonsak pe ewalupàttau, Ittuntok Weyu màmuku pàk.

Jude 1:13

Palau pon àsà chipachipa walainon mùkyamlo, kuli'manàinan teselu kon pokonpe tùusenpoika kon ke yaklon kasa. Tùutamasan chilùkà walainon mùkyamlo, Katù uya tok pata woton kussak màlà ewalupàttau we'nàtok tàwàlàlà yau.

Revelation 22:15

Tùse polopo màlà a'a yamùk wechi, mùkyamlo piyassan yeselu ku'nàinan, molopai àli ku'nàinan tesak kon ke, wànnan, Katù pen ikonekasak yemlotopo tùwepeimasan, molopai mùkyamlo tamù'nawàlà kasei ton asakklàma tùuselupatok kon yau molopai tùwelaikatok kon yau.