Matthew 7:7 - Patamuna New Testament Revised

⁷ “Yennakà molopai yepolo auya màlà. Iwakà, molopai yepolo auya màlà. Manatta iwàkà, molopai ittakkoka màlà eyemyak.

Matthew 7:7 Iomraidhean Croise

Matthew 18:19

“Molopai tùulon yekama uya sàlà àpàkù'nokon. Yà'là yattai là amyamlo asa'lon kon uya eusenumenkatok kon konekasak àwàpùlematok kon ipona pe yau, iwekkupù màlà àponalok kon pe Ukàipùnù epùn pon winà.

Matthew 21:22

Ailon te auya'nokon yau, yà'làlà enennappù kon àwàpùlema kon pe, yepolo auya'nokon màlà,” teppù Jesus uya.

Matthew 6:33

“Tùse làkku, wapiya itepulu pe iwettok yemyak ettùtàk kon, molopai tamù'nawàlà iche iwettok kasa molopai tamù'nawolon sàlà yamùk tùlù ya màlà eyemyak kù'nokon.

Matthew 7:11

Àli pe là echii'ma'nokon wakù ton tùlù auya'nokon àmunkà kon yemyak ittunnan amyamlo. Màlà yentai nen uchi Àkàipùnù kon epùn pon uya màlà mùkyamlo, yennannan pe nai'nannùk lepa wakù ton ke!

Matthew 7:8

Masapùla ànù'là yennanài pe nai'nùk uya yepolo màlà, molopai iwanài uya yepolo, molopai manatta yakkoka màlà iwànài yemyak.

Mark 11:24

Màlàpàk yekama uya sàlà àpàkù'nokon. Yà'làlà yekamappo auya'nokon àwàpùlema kon pe yau. Ailon mùkatàik yepolo auya'nokon pàk. Molopai yepolo auya'nokon màlà.

Luke 13:25

“Tapùi yesak we'wuluuka màlà manatta yakkose. Màlà yattai polopo satippe ewechi kon màlàyau manatta wànà auya'nokon. ‘Manatta yakkokakà ina wewon toppe, ina yepulu,’ te auya'nokon. Màlàyau eyeiku kon ya màlà, ‘ I'nailàpai là àuyàssak kon ittu uya pùla man!’ tukaik.

Luke 18:1

Jesus uya tok pàk sàlà panton yekamappù màlà, tok yenupatoppe tùuya tàwàlà là tok wàpùlematoppe, molopai ailon tetok tùuya'nokon nonka tok uya tukaik.

John 15:16

Amyamlo uya uyanùnsak pen màlà, tùse Iulà uya ayanùnsak kon. Àutà kon pa epetaik, tachinpe molo tùwessen epelu ke. Màlà yattai yà'làlà yekamapposak auya'nokon Ukàipùnù pàk uyesek yai yau, elepa kon ya màlà.

John 15:7

Uyau ewemapù kon yau, molopai umaimu wechi ayau'nokon yau, iche ewettok yekamappokà molopai elepa màlà.

John 4:10

Jesus uya ipàk, “Katù uya lepantok ittu auya yau, molopai ànùk uya tùwuku woton yenna iitu auya yau, ‘Kùwoppakà,’ làkkunne, te auya eppaino. Molopai elepatoppe ya wema'nà tunakkwa ke,” teppù.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Romans 3:11

Tewinannà ittunài pùla iwechi, wapùla Katù iwanài pùla iwechi.

Hebrews 11:6

Ànù'là uya Katù yauchinpa ailon tetok pùla echii'ma pùla iwechi màlà. Masapùla ànù'là Katù piyak tùuyàssen wechi màlà ailon tawon pe molo iwechi pàk, molopai mùkyamlo tùwannnan ye'manài pe iwechi pàk.

James 5:15

Sàlà wàpùlemantok ailon tetok yau ikussak uya, e'nek kappon pùikattà màlà: Itepulu uya iwuluuka màlà molopai e'neppe pùla iwechi, molopai iwemakuimasak yau, usentupantok yepolo ya màlà.

1 John 3:22

Yà'làlà yennasak lùppù yeponài nan kùmyamlo iwinàpai, masapùla suwa ekkà tetok ya yawàlà we'nà'nokon pàk molopai iche iwettok kupù'nokon pàk.