Matthew 7:21 - Patamuna New Testament Revised

²¹ “Tamù'nawolon kon kulu kappon yamùk uyesa'nàinan, ‘Uyepulu, Uyepulu,’ tukaik, wewomù pen màlà Itepulu pe we'nàtok epùn po yak, tùse mùkyamlo neken Ukàipùnù epùn pon wettok ikupù iche ku'nàinan.

Matthew 7:21 Iomraidhean Croise

Matthew 12:50

Masapùla Ukàipùnù wettok ikupù tùuya iche ku'nài mùkkàlà uyakon, uwàlichi, molopai usan,” teppù Jesus uya.

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Matthew 18:10

“Tùttuik mettàik pùsamlo echikili ton kupù auya'nokon eyewanmakonpe tukaik. Tekamayaik àpàkù'nokon, tùyinchelùyi kenan kon mùkyamlo epùn po, tok inchelùyi yamùk mùkyamlo tàwàlà Ukàipùnù yenpata yennàinan epùn po.

Matthew 18:19

“Molopai tùulon yekama uya sàlà àpàkù'nokon. Yà'là yattai là amyamlo asa'lon kon uya eusenumenkatok kon konekasak àwàpùlematok kon ipona pe yau, iwekkupù màlà àponalok kon pe Ukàipùnù epùn pon winà.

Matthew 18:3

Molopai, “Ailon kulu sàlà, ewemyakanmasak kon molopai mule yamùk kasa ewenasak kon pùla iwechi yau, ewewomù itepulu pe we'nàtok epùn po yak pen màlà.

Matthew 18:35

Molopai Jesus uya, “Màlà kasaichi Ukàipùnù epùn pon uya tamù'nawàlà àkupù kon màlà, eyewan kon yapai àtonpa kon pàk eusentuppa kon pùla iwechi yau.”

Matthew 19:24

Tekamatukkayaik àpàkù'nokon, sa'man pe pùla lùiwa camel wepakka akkussa yenu yeuta yai wechi màlà. Mamin yesak wewomù itepulu pe we'nàtok epùn po yak yentai,” teppù nàlà màlà.

Matthew 25:10

Màlàpàk pakko ton utàppù tùweyu kon palu yepose. Molopai tok utàppù tùse umoine tùwemali'ma woton welepamùppù màlà. 5 pan kon iwekonekasak kon ema'nomichi wewomùppù màlà ya'là wemali'mantok yattai uta'lettàntok yak. Molopai manatta yakkoloppù màlà.

Matthew 25:21

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

Matthew 26:39

Iitàppù màlà mei lùiwa, molopai non pona itenpata iwekkawai'mappù molopai iwàpùlemappù, “Ukàipùnù, ikupù auya pe iwechi yau, sàlà wettalumattàntok pùsawù yamakà uwinàpai! Tùse iche wettok pen, tùse iche làkku ewettok,” tukaik.

Matthew 26:42

Yakon itekkwa pe tu'ma Jesus utàppù, molopai iwàpùlemappù, “Ukàipùnù, sàlà wettalumattàntok pùsawù yama uwinàpai pùla iwechi yau, tùse inchichak uya yau neken, eyeselu wekkupù màlà,” tukaik.

Mark 3:35

“Ànù'là Katù yeselu ku'nài wechi màlà uyakon non pe, uwàlichi ton pe, usan pe là,” teppù Jesus uya.

Mark 9:47

Molopai eyenu uya uwinàpai ewelatà toppe àkupù yau, imokkakà! Wakù pe lùiwa iwechi màlà tewin itenu Katù wettok itepulu pe yau ewechi talà yau, asa'là itenu apok tùusa'nùssen pen yak àutà yentai.

Luke 11:28

Tùse Jesus uya yeikuppù, “Wapùla làkku mà, tùutauchinpasan mùkyamlo Katù Maimu yetan nan molopai yawàlà tùwessan tà!” tukaik.

Luke 13:25

“Tapùi yesak we'wuluuka màlà manatta yakkose. Màlà yattai polopo satippe ewechi kon màlàyau manatta wànà auya'nokon. ‘Manatta yakkokakà ina wewon toppe, ina yepulu,’ te auya'nokon. Màlàyau eyeiku kon ya màlà, ‘ I'nailàpai là àuyàssak kon ittu uya pùla man!’ tukaik.

Luke 18:25

Sa'man peiwa mamin yesak kappon wewomù Katù wettok Itepulu pe yak wechi màlà paka walai camel wepakka akkussa yenu yeuta yai yentai,” teppù ya.

Luke 6:46

“Yà'là pe ken uchi iwechi pàk uyesatù auya'nokon màlà, ‘Uyepulu, Uyepulu,’ tukaik unekamappù àpàkù'nokon kupùi'ma pùla?

John 14:7

Uyittu auya'nokon yau, Ukàipùnù nàlà ittuppù auya'nokon sàlà eppaino. Sàlà motapai mùkkàlà mùttuyatàik molopai nàlà yensak auya'nokon man,” teppù.

John 15:23

Mùkkàlà tewanma pe uku'nài uya nàlà màlà nai'nùk Ukàipùnù kupù tewanma pe.

John 3:5

Jesus uya imaimu yeikuppù, “Ailon kulu sàlà, ànù'là tuna yai, molopai Wakù Akkwalù yai iwentusak pen wewomù Katù wettok itepulu pe yak pen màlà teuya sàlà.

John 5:17

Tùse Jesus uya tok pàk, “Ukàipùnù mùkkàlà tùwe'wotokomasen tàwàlàlà, màlàpàk Iulà nàlà we'wotokoma màlà,” tukaik.

John 6:40

Masapùla Ukàipùnù wechi màlà, tamù'nawolon kon Tùmu yennài molopai ailon tawonnan ipàk uya tàwàlàlà wema'nàtok yepolo iche. Molopai tok wuluuka uya màlà wema'nàtok yak tewinanùppù wei yattai,” teppù.

John 7:17

“Ànù'là Katù yeselu ànkuppai tùwessen wechi yau, ittu ya màlà, enupantok uya wechi Katù winàpaino pe wapùla uwinàpaino pe,” teppù Jesus uya.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Romans 12:2

Sàlà wolù yawon kon yeselu pàk làma kettàu, tùse tàwà Katù amyakanmatàu ayawà'nokon tamù'nawàlà eusenumenkatok kon wemyakanmatok winà. Màlà yattai nen uchi Katù yeselu ittu auya'nokon màlà, màlà wakù pe nai'nùk, molopai yauchinpanài pe nai'nùk, molopai màlà ikasa imaimu yailà neken nai'nùk.

Romans 2:13

Masapùla Law yeta tok uya winà neken nà ikasa kappon yamùk yanùnsak Katù pokonpe pen màlà, tùse làkku ikupù tok uya winà.

Ephesians 6:6

Sàlàichi ikùttàk kon eyene kon tok uya yattai neken nà pùla, tok yauchinpapa neken nà. Tùse tamù'nawàlà eyewan kon ke Katù wettok iche ikuttàk kon, Christ yappyoto ton pe.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

1 Thessalonians 4:3

Sàlàichi màlà Katù wettok iche, yawàlà ewechi kon pa. Wakù pe esuken molopai àli imakuyippù kuttok màlàwannà ke pokonpe pùla ewemattok kon yau ewechi kon pa.

1 Thessalonians 5:18

Tenki tukaik mettàik tamù'nawolon yau. Sàlà màlà Katù wettok ikupù auya'nokon iche, ewematok kon Christ Jesus ponaloppe ewemattok kon yau.

Titus 1:16

Tok uya, “Katù ittunài Iulà,” te màlà; tùse tok welaikatok uya yenpoika pùla iwechi màlà. Akùlù ton mùkyamlo, molopai mayin yawolon kon pen, wakù ku'nàinan pe tok wechi pùla iwechi.

Hebrews 13:21

Tàwàichi Katù elepai'nokon tamù'nawolon wakù iche ewettok kon ke teselu kupù kon pa. Tàwà tauchinpanài kupùi kùyau'nokon Jesus Christ yai. Christ yapulàpai'nokon tàwàlàlà molopai tàwàlàlà. Emen.

Hebrews 4:6

Walùppù iwechi màlà, màlà wàlàkka'nàtok yak tùulon kon utàtoppe, masapùla mùkyamlo wapiya Wakù Itekale yetannan nùssan wechippù màlà imaimu yawàlà pùla, màlàpàk tok utàppù wàlàkkanàtok yak pen.

James 1:22

“ Tetatai là te, ” tukaik kesennakatàu Katù Maimu yetasak auya'nokon yau. Tùse ikuttàk kon làkku.

1 Peter 2:15

Masapùla sàlà màlà Katù yeselu: pakko ton kappon yamùk uselupatok ittunài uselupatok kasa pùla yeppaka'nùpù auya'nokon iche iwechi màlà, wakù ton kupù auya'nokon winà.

1 Peter 4:2

Sàlà motapai uchi ewemattok kon talà non po yemakkwatàk kon Katù yeselu yawàlà, iche kappon wettok yawàlà pùla.

Revelation 2:27

Màlà apàikkek yepoloppù uya màlà Ukàipùnù winàpai unepoloppù lùppù. “Meluntà tekessen ke tok yepulu pe tok wechi màlà molopai tok yamokklopù tok uya màlà echikili pe àinà yamokklossak kasa.”

Revelation 22:14

Tùutauchinpasan mùkyamlo tùpon kon kukannan wakù pe, wema'nàtok yek yepelu nattoppe tùuya'nokon, molopai tok wewomù màlà manatta yai pata yak.

Revelation 3:5

Mùkyamlo entaikannan nùssan wepontà màlà tok kasa aimu'nan yak, molopai tok yesek yama uya pen màlà wema'nàtok kaletayi yapai. Ukàipùnù molopai itinchelùyi yamùk yemloto po uponalok kon mùkyamlo te uya màlà.”