Matthew 6:25 - Patamuna New Testament Revised

²⁵ “Sàlà kasaichi iwechi pàk tekamayaik àpàkù'nokon, ewemattok kon pàk kataimelunpatàu. Yà'là napù uya sa' uchi ko wapùla yà'là inchi uya, wapùla yà'là yau wechi kùkatàu. Wema'nàtok ken na' màlà kùyali yentaino pen? Molopai esak ken na' màlà pon yentaino pen?

Matthew 6:25 Iomraidhean Croise

Matthew 10:19

Tok uya enessak kon eyittutok kon pe yau, kataimelunpatàu yà'là te auya'nokon pàk wapùla yà'là kasa euselupa kon pàk. Iweyu uyàssak yau, yà'là tetok auya'nokon ke elepa kon màlà.

Matthew 13:22

Tùpànsen iwepukasak lùppù àlittak màlà mùkyamlo Katù Maimu yetannan. Tùse utaimelupantok sàlà motau wema'nàtok pàk molopai mamin kuttok wakùli wannà pe màlà Katù Maimu yeulankanài. Molopai tok wepeta pen.

Matthew 6:31

Màlàpàk uchi kataimelunpatàu, Yà'là napù uya sa' uchi ko, wapùla yà'là inchi uya, wapùla yà'là yau là wechi?’ tukaik.

Matthew 6:34

Màlàpak uchi kataimelunpatàu ewanawolok pàk. Masapùla tùyiwalà utaimelunpantok ipàk yesappe iwechi màlà. Màlàpàk wei kaichalà utaimelunpantok wechi màlà molo,” teppù nàlà Jesus uya.

Mark 13:11

Molopai ayachichak kon tùpo ayasak kon usekamappopà'nàtok yak yau, kataimelunpatàu, yà'là tetok auya'nokon ittuiche, euselupatok yatai pe iwechi yau eyelupatok ke eselupatàk kon. Màlà yattai màlà ewinàpaino pe pùla màlà euselupa, tùse Wakù Akkwalù winàpaino ke.

Mark 4:19

tùse tùwemattok pàk neken tok utaimelunpa, temamin ke eppai, pùlayattappe, tamù'nawà sàlà non pon kon yeselu iche tok wettok wepilipù tok yewan yak uya, itekale yeulanka. Màlàpàk tok wepeta pùla iwechi.

Luke 12:11

“Tok uya enessak kon eyittuse'nokon wepili'nàtok itak tak, wapùla eke pata yesak yemlotopona, wapùla epotolù yamùk yemlotopona yau, kataimelunpatàu atta là ewenai'nokon ewechi kon pàk, wapùla yà'là te là auya'nokon pàk.

Luke 8:14

Tùpànsen iwepukasak lùppù àmà’nàttak uya yekama nai'nùk, mùkyamlo Katù Maimu yetan nan. Tùse te'ma kon tawàlà tok utà yau wema'nàtok pàk utaimelunpantok, temamin ke we'nàtok, molopai sàlà motawon pàk utauchinpantok màlà yeulankanài. Tok wepeta pen.

Romans 8:32

Tùmu wenai iwechippù pen màlà, tùse itùlùppù ya tamù'nawolon kon kùponalok kon pe iwelittoppe! Tùmu ke kùlepappù kon ya kùlepa kon ya pen ken na' uchi tamù'nawolon yà'làlà ke wakù pe tùwettok yapai?

1 Corinthians 7:32

Autaimelunpa kon iche pùla wessaik. Inoppù pùn kàyik mùkkàlà tùusenumenkasen Itepulu wotokoyi pàk, yà'là kasa là Itepulu yauchinpatok tùuya pàk.

Philippians 4:6

Tùutaimelunpaik kettàu yà'làlà pàk, tùse àwàpùlematok kon yau. Katù yekamappotàk kon, iche kulu ewettok kon yennatàk ipàk, tenki tetok itewan pe tàwàlà.

2 Timothy 2:4

Soicha yamùk mùkyamlo yà'là yekkwa là tùwotokoyi kon pen ku'nài pen tùse tepulu tanùnnàippù, anauchinpapaino kon kulu neken mùkyamlo.

1 Peter 5:7

Tamù'nawàlà ayaimelunpa yatài'nùk inonkatàk kon ipona,masapùla amainanpa kon ya màlà.