Matthew 5:8 - Patamuna New Testament Revised

⁸ “Tùutauchinpasan mùkyamlo esukenan itewan ton. Katù yene tok uya màlà!

Matthew 5:8 Iomraidhean Croise

Yeunossak kon Wotokoyi 15:9

Tùpatalà'ne là ku'nàsak ya pùla man tok winàpai, esuken tok yewan konekappù ya màlà ailon tetok tok uya yai.

1 Corinthians 13:12

Sàlà pe yene'nokon nai'nùk katuppluk pe wanamali yau akkwalùppù yene kasa, tùse yene'nokon nen uchi màlà itenpatak. Sàlà pe tùttuyai'nùk ipùkkù pe neken ittu uya màlà tamù'nawàlà nen uchi, tamù'nawàlà uyittu nai'nùk kasa.

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

Titus 1:15

Tamù'nawolon màlà wakù esukenan, mùkyamlo esukenan kon pona; tùse yà'làlà wechi màlà esuken pùla mùkyamlo àli pe iwenasak kon pona molopai ailon tawonnan pen pona, masapùla tok usenumenkatok wenasak màlà àli pe molopai tok usenumenkatok yaimelunpa àli, tok nùkupùppù uya pàk.

Hebrews 10:22

Màlàpàk uchi mei pùla Katù piyak uyà'nàpai'nokon, ailon pe itewan molopai ailon tettok Katù pàk yau ittui'ma kulu, àli winàpai ikukasappe kùyewan kon, molopai kùyesak kon ikukasappe esukenan tuna ke.

Hebrews 12:14

Ànùttu kon ikuttàk echitonpa pe ewemapùkonpa tamù'nawolon kon kappon yamùk pokonpe, molopai wakù pe esuken wema'nàtok iche ettàk kon, masapùla ànù'là wakù pe esuken wema'nàtok yawolonnà pen uya Itepulu yene pen màlà.

Hebrews 9:14

Màlà yentai Christ mùnù wechi màlà apàikkeppe! Tàwàlàlà tùwemassen Wakù Akkwalù yai iwettùlùppù màlà wakù kulu imattakù pùn tùtùsen pe Katù yemyak, kùmakuyi kon yepeppe. Imùnù uya usenumenkantok kù'nokon ma màlà wakù pe tapulàsen pen wotoko winàpai, tàwàlàlà tùwemassen Katù ponaloppe we'wotokoman toppe.

James 3:17

Tùse pukkeppe we'nàtok màlà epùn poino, wapiyalok kulu wakù esukenan; ewan wàlàkattok, tenpe àsà pe pùla we'nàtok tùwanmùla, alomùla, molopai echitonpa pe ku'nài; usentupantok ke iwanùssak màlà, molopai wakù eselu ne'nài; tamù'nawolon kon namatok e'kkaichalà yenpoikanài molopai ennakanài pùn.

James 4:8

Àitàk kon Katù piyak mei pùla molopai iyàpù màlà mei pùla apyakù'nokon. Wakù pe eyemyatà kon ikuttàk kon, asa'lon ichenumenkatok kon kappon yamùk! Eyewan kon ikukatàk kon tùusennakasan!

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

Revelation 22:4

Tok uya màlà itenpata yene, molopai itesek menuka màlà tok peyeppà pàk.