Matthew 5:7 - Patamuna New Testament Revised

⁷ “Tùutauchinpasan mùkyamlo tùusentuppasan tùulon kon pàk. Katù usentuppa màlà tok pàk!

Matthew 5:7 Iomraidhean Croise

Mark 11:25

Àwàpùlema yau ànù'là uya àli kussak ewinàkàik ittu auya yau ipàk esentuppakà. Katù, Àkàipùnù epùn pon usentuppatoppe nàlà amakuyi pàk.

Luke 6:35

Tùse làkku eyeyaton kon i'nùnmatàk kon, wakù ikuttàk kon tok winàkàik. Itesak pe ewettok kon itùtàk kon yapulà toppe molopai innappo pàk enpen kettàu. Eke pe iche ewettok kon yepolo auya'nokon màlà, molopai Eke Meluntà tùnamasen Katù ponalok kon pe ewechi kon màlà. Masapùla wakù mùkkàlà tenki tawonnan pen pàk molopai àli ton pàk.

Romans 11:30

Amyamlo Jew yamùk pen, pena Katù Maimu yawàlà pùla ewechippù kon. Tùse sàlà pe Katù usentuppatok yanùnsak auya'nokon man, masapùla Jew yamùk wessak Katù Maimu yawàlà pùla pàk.

1 Corinthians 7:25

Walawok ittunnannùssan pen yelupatok uya woton Itepulu winàpaino pùla lànen man. Tùse usenumenkatok yekama uya sàlà Itepulu Katù usentupatok yai, ewaik ken ko tetok ipàppe.

2 Corinthians 4:1

Katù uya, tùusentuppatok yau ina lepasak man sàlà wotoko ke. Màlàpàk ina we'nonka pen.

Ephesians 4:32

Tùse làkku tùusentuppaik ettàk kon molopai sa'man pe pùla itewan echiwinàkàik, molopai esentuppatàk kon àpàkù'nokon Katù usentupasak àpàkù'nokon Christ yau kasa.

Colossians 3:12

Katù uya à'nùnma kon màlà molopai tùponalok kon pe kulu ayanùnsak kon ya. Màlàpàk esuken emattàk, tùusentuppaik, wakù pe, àssà'mùla, tenpe, molopai pàlikanài nan pe.

1 Timothy 1:13

àli pe là nen uselupasak tùpàk tùse, tùtalumattà uya molopai tùmottùnpa uya tùse. Katù usentupappù màlà upàk, masapùla unkupù ittui'ma pùla welaika ikasa kasa pàk molopai ailon te uya pùla lùppù lànen tùse.

1 Timothy 1:16

Tùse ànù'là yentai àli pe kulu wechi pàk Katù usentuppappù màlà upàk tùwenukassen pen Christ Jesus wettok pàlikanài pe yentok ipàkàlà pe. Sàlà kupùppù ya màlà tùulon kon uya ailon tetoppe Christ pàk molopai tàwàlàlà wema'nàtok yepotoppe tok uya.

Hebrews 4:16

Màlàpàk tùwe'namaik pùla uyà'nàpai'nokon Katù yapon yemloto pona, wakù kuttok ya kùponaloppe patassek yak. Molo usentupantok yanùmù màlà molopai wakù yepolo, kùpùikattànài iche we'nàtok yattai.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

James 2:13

Masapùla Katù uya usentuppantok yenpoika pen màlà kappon ichentuppasak lùppù pen pàk “Àli pe messaik wapùla wakù pe messaik” te tùuya yau; tùse usentupantok màlà “àli pe messaik wapùla wakù pe messaik,” tawon yentaikanài.

James 3:17

Tùse pukkeppe we'nàtok màlà epùn poino, wapiyalok kulu wakù esukenan; ewan wàlàkattok, tenpe àsà pe pùla we'nàtok tùwanmùla, alomùla, molopai echitonpa pe ku'nài; usentupantok ke iwanùssak màlà, molopai wakù eselu ne'nài; tamù'nawolon kon namatok e'kkaichalà yenpoikanài molopai ennakanài pùn.

1 Peter 2:10

Pena Katù ponalok kon pe pùla ewechippù kon, tùse sàlà pe nen uchi iponalok kon pe messatàik; pena Katù usentuppatok ittu auya'nokon pùla iwechippù, tùse sàlà pe ichentuppatok yanùnsak auya'nokon man.