Matthew 5:41 - Patamuna New Testament Revised

⁴¹ Molopai ànù'là uya eyeka'nonka kon tapluli yalà kon pa mei yau, yatàk kon mei lùiwa kulu.

Matthew 5:41 Iomraidhean Croise

Matthew 27:32

Tùutà kon yau, Cyrene pon kàyik Simon itesek yepoloppù tok uya, molopai soicha yamùk uya yeka'nonkappù màlà Jesus nalà pulusuk yatoppe ya.

Matthew 5:40

Molopai ànù'là wechi àkottùmapai yau àpon kon yepoino mokkatoppe tùuya yau, tàwà nàlà iwapu yalài tùponaloppe.

Matthew 5:42

Ànù'là uya yà'làlà yennasak àpàkù'nokon yau, mùtùtàik itemyak. Molopai ànù'là wechi yà'làlà anapai yapulàtoppe tùuya yau, tàwà nalài,” teppù ya nàlà.

Mark 15:21

Màlàyau Simon itesek kàyik uyàpù yepoloppù tok uya asantau, iyàpù màlà pata yak. Màlàyau soicha yamùk uya yapyontàppù teka'nonkaik pulusuk ya toppe ya. (Saimon wechippù màlà Cyrene poino pe, Alexander molopai Rufus tawonnan kàipùnù.)

Luke 23:26

Soicha yamùk uya miya Jesus yalàppù màlà, tùutà kon yau kàyik yepoloppù tok uya Simon itesek, Cyrene pon, mailàpai eke pata yak tùuyàssen. Màlàyau tok uya yachippù, molopai pulusuk tùlùppù tok uya ipona, Jesus ye'mappù pàk yatoppe ya tok uya ikupùppù.

2 Corinthians 5:14

Masapùla yà'là yekwa là ina nùkupù wechi màlà Christ uya pùnùnmantok pe, tewinan kappon welikùppù tamù'nawolon kon kappon yamùk ponaloppe ittu'nokon pàk, tamù'nawolon kon wechi iwelittok pùkkù pe màlà te ya pe iwechi màlà.