Matthew 5:3 - Patamuna New Testament Revised

³ “Tùutauchinpasan mùkyamlo italumayippù pe tùwechi kon tewan kon yau ittunnan. Tok yepulu pe Katù wechi màlà!

Matthew 5:3 Iomraidhean Croise

Matthew 11:25

Màlà yattai Jesus uya wateppù, “Ukàipùnù, epùn molopai non yepulu! Tenki ukayaik àpàk. Masapùla pukkek ton molopai ichenupasak kon winàpai ànonamùppù yenpoikasak auya, mule yamùk yemyak pàk.

Matthew 11:6

Tùutauchinpasen mùkkàlà kappon kasei tetok ya upàk pùn,” teppù Jesus uya.

Matthew 13:16

“Amyamlo nen, wakù pe messatàik! Eyenu kon nenyan molopai apana kon netayan.

Matthew 19:14

Tùse Jesus uya, “Tàwà mule yamùk nùyàpùi upyak, tok kùseleutanùttàu, masapùla itepulu pe we'nàtok epùn po wechi màlà pùsamlo yekkwa ponaloppe,” teppù.

Matthew 24:46

Tùutauchinpasen mùkkàlà apyoto, tepulu uya teposak yau, màlà kupù tùuya tùse iwennapposak yau!

Matthew 25:34

Màlàyau nen uchi Kin uya kappon yamùk tùkamikù pen winon kon pàk, ‘Àittàk kon! Ukàipùnù nùpùlemassan. Àittàk kon itepulu pe ewettok kon patassek yepotanùttàk kon, ikonekasak lùppù àponalok kon pe wolù wekonekappù motapai.

Matthew 3:2

“Amakuyi kon winàpai elattàtàk kon masapùla itepulu pe we'nàtok epùn po mei pùla man!” tukaik.

Matthew 8:11

Sàlà mùttutàik! Tukkan kon uyàpù màlà wei wepakkatok winàpai molopai wei wewontok winàpai molopai Itepulu pe we'nàtok epùn po yau tok weleuta màlà ata'lettàsse Abraham, Isaac, molopai Jacob tawonnan pokonpe.

Mark 10:14

Màlà yensak Jesus uya yau tùwakùli pe pùla ittuppù ya molopai tùnenupaton pàk, “Tàwà mule yamùk nùyàpùi upyak. Tok kùseleutanùttàu! Masapùla Katù wechi màlà pùsamlo walainon ponaloppe,” teppù.

Luke 11:28

Tùse Jesus uya yeikuppù, “Wapùla làkku mà, tùutauchinpasan mùkyamlo Katù Maimu yetan nan molopai yawàlà tùwessan tà!” tukaik.

Luke 18:14

“Tekamayaik àpàkù'nokon, pùsàlà kàyik, pùlayatta pili'nài, wemeichak wechippù màlà ikasa Katù pokonpe iwekonekasak pe. Tùse tùulon wechippù màlà iwekonekappù pùla. Masapùla tamù'nawolon kon eke pe tùwekkussan ma màlà àssà'mùla, molopai tamù'nawolon kon àssà'mùla tùwessan ma màlà eke pe,” teppù Jesus uya.

Luke 22:29

Molopai Ukàipùnù uya ulepasak man itepulu pe wettok yapàikketù ke, màlà kasa làma elepa kon uya màlà itepulu pe ewettok kon ke.

Luke 22:30

Auta'lettà kon molopai àwukukon inchi auya'nokon màlà Itepulu pe wettok patassek yau, molopai aponnok yamùk po ewechi kon màlà 12 pan kon Israel kok yamùk ittu kon pa,” teppù Jesus uya.

Luke 4:18

“Wakù Akkwalù Itepulu winàpaino upo man. Ukalapaimasak ya man, Wakù Itekale yekamatoppe uya entuppa'nokon pàk. Uyeunossak ya man, wemokkantok yekamatoppe uya yachisak kon pàk molopai enpùnon yentoppe. Molopai tùtalumattàsan mokkase tok talumattàtok yapai. Itepulu Katù uya tùponalok kon kappon yamùk pùikattàtok yattai yekama toppe uya!” tukaik.

John 20:29

Jesus uya ipàk, “Thomas, uyensak neken auya pàk ailon tesak auya man. Tùutauchinpasan mùkyamlo uyenei'ma pùla ailon tawonnan,” teppù.

James 1:10

Tàwà temamin kenan kon ailon tawon kappon tùutauchinpaik nechii masapùla Katù uya tùnuttàsak pàk, àsà'mùla tùmasak ya pàk. Masapùla temamin kenan wena ippla màlà wanak yùpùlù kasa.

James 1:12

Tùutauchinpasen mùkkàlà kappon ailon pe tùwessen ittuntok kùlottawàlà. Masapùla ittuntok yentaika ya yau ilepa màlà wema'nà yalùko ke, e'mantok Katù uya itùlù tùuya tù'nùnmanài nan piyak teppù lùppù ke.

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.

Revelation 19:9

Màlàyau inchelù uya upàk, “Sàlà imenukakà, Tùutauchinpasan mùkyamlo ikà'masak kon, Kalinilu Mule wemali'matok yattai uta'lettàtok yak,” teppù. Molopai inchelù uya tùmaimu pùkkùttàppù, “Sàlà yamùk màlà ailon Katù Maimu,” tukaik.

Revelation 22:14

Tùutauchinpasan mùkyamlo tùpon kon kukannan wakù pe, wema'nàtok yek yepelu nattoppe tùuya'nokon, molopai tok wewomù màlà manatta yai pata yak.

Revelation 3:17

‘Tukkan, itemamin Iulà, molopai italumayippù pen, tamù'nawàlà iche wettok yesak,’ te là auya. Tùse entuppak sa'ne ewechi ittu auya pùla man! Yà'là pùla italumayippù pe messaik, ipon pùla molopai enpùla.