Matthew 3:6 - Patamuna New Testament Revised

⁶ Tok uya tùmakuyi kon yekamappù molopai tok yenpataukappù ya Jordan kau.

Matthew 3:6 Iomraidhean Croise

Matthew 3:11

Eyenpataukanài'nokon Iulà tuna ke, amakuyi kon winàpai ewelattàsak kon pàk. Tùse mùkkàlà uye'mappù pàk tùuyàssen uya màlà eyenpatauka kon Wakù Akkwalù ke molopai apok ke. Eke mùkkàlà uyentaino, ichapattuyi yalà uya yentaino.

Mark 1:5

Tamù'nawolon kon Judea molopai Jerusalem pon kon utàppù John yetase. Àli pe tùwettok kon yekamappù tok uya, molopai tok yenpataukappù ya Jordan itesek tuna kak.

Luke 1:16

Tukkan kon kappon yamùk Israel payan mùnappo ya màlà Itepulu tok Katùyi piyak.

Luke 3:16

Màlàpàk John uya tamù'nawàlà tok pàk, “Eyenpataukanài'nokon Iulà tuna ke, tùse mùkkàlà uyentai nai'nùk nùyàssan. Wakù pe ma'le wessaik italumayippù pe, ichapatuyi yewa yeukanài yek pe pùla. Mùkkàlà uya eyenpatauka kon màlà Wakù Akkwalù ke molopai apok ke.

Yeunossak kon Wotokoyi 1:5

“John uya enpatauka'nàppà màlà tuna ke, tùse eyenpatauka kon màlà Wakù Akkwalù ke, tukke kulu wei tùpo pùla,” teppù Jesus uya tok pàk.

Yeunossak kon Wotokoyi 11:16

Màlàyau tùttutai Itepulu Jesus uya, ‘John mùkkàlà enpataukanài tuna ke, tùse eyenpatauka kon màlà Wakù Akkwalù ke!’ teppù lùppù.

Yeunossak kon Wotokoyi 19:18

Tukke ailon tawonnan Jesus pàk uyàpùppù màlà tùnkupùppù kon lùppù molopai tùusewankono'matok kon yekamase ayupo.

Yeunossak kon Wotokoyi 22:16

Màlàpàk, yà'là pe iwechi pàk tachin pe ewechi màlà? E'wuluukakà, molopai esenpataukakà, molopai amakuyi wekolùka toppe Itepulu yesek yesakkà,’ ” teppù ya upàk.

1 Corinthians 10:2

Tamù'nawàlà tok usenpataukappù màlà katuppluk yau molopai palau kau Moses ya'lon kon pe.

Colossians 2:12

Masapùla eusenpatauka kon yau, àwu'nattàppù kon màlà Christ pokonpe. Molopai usenpataukantok yau àwuluukappù kon nàlà màlà Christ pokonpe ailon tetok auya'nokon yai Katù yapàikketù yau. Iwuluukanàippù weli'nàtok yapai wema'nàtok yak yapàikettù yau.

Hebrews 6:2

Molopai enupantok usenpataukantok pàk wapùla mùyak nonkatok kappon pona wapùla iwelichak we'wuluukatok, molopai Katù uya àli ton talumattàtok tàwàlàlà pàk neken pùla.

Hebrews 9:10

Sàlà yamùk màlà tùkussan kùyali molopai tinchisen ke molopai tùpatalo'nan wekolùkantok ke. Kappon yamùk uya sàlà wema'nàtok yawà kupùppù màlà, emennak molopai wakù kulu ke imyakanma weyu uyapù ponalà.

James 5:16

Màlàpàk amakuyi kon yekamatàk kon àtonpa kon pàk, molopai àpùlematàk kon àtonpa kon pona, euchipittà kon pa. Masapùla wakù iwalai kappon wàpùlematok màlà meluntà pe apàikkeppe tùwe'wotokomasen.

1 Peter 3:21

Sàlàichi màlà tuna ke usenpataukantok walai, àpùikattàyatài'nùk, esak kuka winà pùla, tùse “Katù piyak welattà sàlà”tei'ma wakù pe tùwanmùla usenumenkantok pokonpe Jesus Christ we'wuluukatok yai.

1 John 1:9

Tùse Katù pàk kùmakuyi kon yekama yau, ailon mùkkàlà molopai iwalai ku'nài. Màlàpàk kùmakuyi kon pàk ichentupa màlà kùpàkù'nokon molopai wakù pe kùma kon ya màlà tamù'nawolon àli winàpai.