Matthew 27:2 - Patamuna New Testament Revised

² Jesus yaulomùppù tok uya màlà. Tok uya yalàppù molopai Pilate, kopùna pe tùwessen, yemyak tok uya itùlùppù màlà.

Matthew 27:2 Iomraidhean Croise

Matthew 20:19

Molopai nen uchi itùlù màlà tùulon kon kappon yamùk Jew yamùk pen yemyak, tok wàkklà màlà ipàk italumattà pe. Tok uya ippoppàtù màlà, molopai tok uya ipukapàtù màlà pulusuk pona. Molopai nen uchi icholùwano wei yattai iwuluuka màlà wema'nàtok yak,” tukaik.

Matthew 28:14

“Molopai Kopùna uya sàlà yetasak yau, ailon tetoppe ya ina uya ikupù màlà molopai autaimelunpatok pùla iwechi màlà,” teppù tok uya.

Luke 13:1

Màlà yattai tùulon kon kappon yamùk wechippù màlà molo, mùkyamlo uya Jesus pàk Galilee pon kon Pilate nùwànàssan Katù yemyak tùntùlù kon tùlù tok uya tùse, yekamappù.

Luke 20:20

Màlàpàk yachitok tùuya'nokon yattai yeneiche tok wechippù. Kappon yamùk yeunokoppù tok uya màlà ailon pe tùwechi kon pe tukaik tok usennaka toppe. Jesus yachi tùuya'nokon pe tok uchittuppù yekamappopàttok yai, kopùna apàikkek molopai meluntà yemyak itùtoppe.

Luke 23:1

Tamù'nawàlà tukkan kon kappon yamùk we'wuluukappù molopai Jesus yalàppù tok uya Pilate yemlotopona.

Luke 23:12

Màlà wei yattai là màlà Herod molopai Pilate tawonnan wenappù echi wechi yakon pe. Sàlà wapiya màlà esseyaton pe tok wechippù.

Luke 3:1

15 pe kilichimochi iwechippù màlà Tiberius Caesar wechi itepulu pe yattai, Pontius Pilate wechippù Judea po kopùna pe. Herod wechippù Galilee yepulu pe, molopai yakon Philip wechippù Itturea molopai Trachonitis yawolon kon pata yepulu pe. Molopai Lysanias wechippù Abilene yepulu pe, Annas molopai Caiaphas wechippù Eke ton paatele yamùk yepulu pe. Màlà yattai Katù Maimu uyàpùppù John, Zachariah mumu piyak, wontaik yau.

John 18:12

Màlàyau sousa yamùk molopai tok yepulu, molopai Jew yamùk yennài nan uya Jesus yachippù molopai tok uya yaulonpàtùppù.

John 18:24

Màlàyau Annas uya yeunokoppù yaulonpàssak pe lùppù, Eke kulu paatele yamùk yepulu Caiaphas piyak.

John 18:28

Màlàyau Jew yamùk uya Jesus yalàppù Caiaphas piyapai Roman Kopùnayi pata yak. Ko'làma iwechippù màlà, Jew yamùk wewomùppù tapùi tak pen màlà, masapùla wakù pe teselu kon yawà eppai tok wechippù Usentaka'nàppà yattai Uta'lettàntok pàk tùuta'lettàtok kon pe.

Yeunossak kon Wotokoyi 12:6

Màlà yewalupàyi tau Herod uya inepù patikichi tapai kappon yamùk piyak wapiya, Peter we'nùmùppù màlà asa'lon kon soicha yamùk yakkletau. Yaulonsak wechippù màlà asa'là chin ke, molopai nàlà yennàinan wechippù màlà patikichi mùlatta po yene pàk.

Yeunossak kon Wotokoyi 21:33

Eke soicha yamùk yepulu uyàpùppù molopai Paul yachippù ya, molopai asa'là chin ke yaulonpàttoppe ikupùppù ya, “Ànùk ken pùsàlà kàyik molopai yà'là kussak ya nai?” tukaik tok yekamappoppù ya.

Yeunossak kon Wotokoyi 22:25

Tùppoppàttoppe taulonpàssak tùse, Paul uya soicha yamùk yepulu satippe molo tùwessen pàk, “Ikasa ken na' iwechi màlà Roman pe tùse ippoppàtù, yà'làlà inkupùppù tùttuik pùla yau?” teppù.

Yeunossak kon Wotokoyi 22:29

Asse'ne kàyik yamùk Paul yekamappopà'nài nan woton kon utamappù iwinàpai, molopai eke soicha yamùk yepulu usenalipappù Paul wechi Roman pe ittusak tùuya yau molopai yaulonpàssak tùuya pàk.

Yeunossak kon Wotokoyi 24:27

Asa'là kilichimochi tùpo, Porcius Festus uya Felix patassek yanùmùppù. Kopùna pe iwenappù. Felix wechippù tùwakùli kon pe Jew yamùk uya tùkupù iche. Màlàpàk Paul yempakkappù ya pen patikichi tapai.

Yeunossak kon Wotokoyi 28:20

Màlàpàk eyentok kon pe uya eyekamapposak kon uya màlà molopai uselupa toppe àpokonpe'nokon. Masapùla enpen Israel yamùk wettok pàkànsau sàlà uyaulonsak chin ke,” teppù ya.

Yeunossak kon Wotokoyi 3:13

Abraham Katùyi, Isaac Katùyi, molopai Jacob Katùyi, ina tamo yamùk Katùyi uya, wakù apulàntok tùsak sàlà tapyoto Jesus yemyak. Pùsàlà tùlùppù auya'nokon itepulu yamùk yemyak, inulunpappù auya'nokon Pilate yemloto po, inonka pàk lànen iwekkussak tùse.

Yeunossak kon Wotokoyi 4:27

Ailon pe iwechippù Herod molopai Pontius Pilate tawonnan wessepoloppù sàlà pata yau, Jew yamùk pen molopai Israel yamùk pokonpe Jesus talumattàik, wakù kulu ayapyoto Christ ananùmùppù lùppù.

Yeunossak kon Wotokoyi 9:2

molopai kaleta menukasak Jew yamùk wepilittok itak Damascus pon piyak yennappù ya; ànù'là Itepulu Jesus yeselu yawàlà tùwessen yeposak tùuya molo yau, yachi toppe tùuya, asakklàma kàyik yamùk molopai nossan yamùk molopai tok yatoppe tùuya Jerusalem pona.

1 Timothy 6:13

Eyekamappo uya sàlà umaimu yawàlà ewechi pa Katù yemloto po, wema'nàtok tùnài tamù'nawolon yà'làlà yak yemloto po, molopai Christ Jesus, Pontius Pilate yemloto po wakù yekamanàippù yemloto po:

2 Timothy 2:9

Molopai sàlà itekale yekama uya pàk wettalumattà nai'nùk, uyewattàsak nàlà kappon wànài yaulonsak kasa. Tùse Katù Maimu yewattàsak pùla man,

Hebrews 13:3

Patikichi tawon kon mùttutàik tok tonpa pe patikichi tau ewechi kon kasa tiuchittuik. Molopai mùkyamlo tùtalumattàsan, tok pokonpe ewettalumattà kon kasa.