Matthew 26:5 - Patamuna New Testament Revised

⁵ “Uta'lettàntok yattai ikupù'nokon pen màlà. Masapùla kappon yamùk wechi àsà pe màlà yattai pùla,” teppù tok uya.

Matthew 26:5 Iomraidhean Croise

Matthew 14:5

Herod wechippù màlà John ànwàpai, tùse iichenalippappù màlà Jew yamùk pàk, masapùla Katù Maimu yenpoikanài pe tok uya ittu pàk.

Matthew 21:26

“Tùse, ‘Kappon winàpai iyàssak màlà,’ te'nokon yau, usenalippan man yà'là là kupù kappon yamùk uya kùwinàkà'nokon pàk, masapùla tamù'nawàlà tok uya ailon tesak màlà John wechi Katù Maimu yenpoikanài pe pàk,” teppù tok uya.

Matthew 27:24

Yà'là woton pe pùla sàlà kupù pàk tùwechi yensak tùuya yau, tùse wepanta'mantok wessepolo pàk, tuna yepoloppù ya, molopai temyatù kukappù ya tukkan kon kappon yamùk yemloto po, molopai, “Pùsàlà kàyik tùlù uya weli'nàtok yak pùn. Sàlà nai'nùk ànkupù kon!” teppù ya.

Mark 14:12

Màlàyau wapiyalok wei yattai Uta'lettàntok Iwapuluwetasak pen pùlomù pusak pàk, kalinilu munkà yamùk wàsak tùuya'nokon Usentakantok yatai Uta'lettàntok yataino pe yau, Jesus nenupa ton uya yekamapoppù, “I'nai yailà ina utà iche messan Usentakantok yataino Uta'lettàntok konekaik àponalok pe?” tukaik.

Mark 14:2

“Uta'lettàntok yattai pùla yachi màlà, masapùla kappon yamùk wesalatà nen kùpanta'maik,” teppù tok uya.

Mark 14:27

Màlàyau Jesus uya tok pàk, “Tamù'nawàlà ewepe kon màlà molopai unàmà auya'nokon iwe'menukasak kasa kulu Katù Maimu yau, ‘Katù uya kalinilu yamùk yesak wànà màlà, molopai kalinilu yamùk wetta'nùppù màlà,’ tukaik,” teppù.

Luke 20:6

Tùse, ‘Kappon winàpai iyàpùppù,’ te'nokon yau, pùsamo tukkan kon kappon yamùk talà nai'nan nùk uya kùwànà kon tàk ke, masapùla John wechi Katù Maimu yenpoikanài pe pàk ailon tesak tùuya'nokon pàk,” teppù tok uya.

Luke 22:7

Wei uyàpùppù màlà yapuluwetanù'nài pùn pùlomù pusak pàk Uta'lettàntok yattai, kalinilu munkà yamùk tùkkatok yattai màlà Uta'lettàntok weyu ponaloppe.

John 18:28

Màlàyau Jew yamùk uya Jesus yalàppù Caiaphas piyapai Roman Kopùnayi pata yak. Ko'làma iwechippù màlà, Jew yamùk wewomùppù tapùi tak pen màlà, masapùla wakù pe teselu kon yawà eppai tok wechippù Usentaka'nàppà yattai Uta'lettàntok pàk tùuta'lettàtok kon pe.

Yeunossak kon Wotokoyi 19:29

Tok wessakolopasak wechippù tamù'nawàlà pata yau. Tamùkke àsà pe tùwessan wepilichak uya Gaius molopai Aristarchus tawonnan Macedonia pon kon yachippù, Paul ya'là tùutàsan molopai tok uya tok yalàppù aitun pe tamùkke wepili'nàtok patassek yak.

Yeunossak kon Wotokoyi 21:38

“Àmàlà pen ken na' mùkkàlà Egypt pon kappon 4,000 pan kon iwekonekasak kon, àsà pe tùwepanta'masan yanàippù pen wontaik yak pena kulu pùla?” tukaik.

Yeunossak kon Wotokoyi 4:28

Tok wepilipùppù, tamù'nawàlà àmàlà emeluntàlù molopai eyeselu yau ànkupùppù iwekkutoppe kusse.