Matthew 26:13 - Patamuna New Testament Revised

¹³ Ailon kulu sàlà, i'nailàlà sàlà Itekale usekama tamù'nawàlà wolù yawàlà yau, màlà nossan nùkupùppù yekama màlà, mùkkàlà ittutok ipàkàlà pe,” teppù Jesus uya.

Matthew 26:13 Iomraidhean Croise

Matthew 24:14

Molopai sàlà Wakù Itekale itepulu pe we'nàtok yekale yekama màlà tamù'nawàlà wolù yawàlà pata yamùk yawolon kon pàk, molopai nen uchi iwenukatok uyàpù màlà,” teppù Jesus uya.

Matthew 28:19

Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

Mark 13:10

Wenuka'nàtok wapiya Wakù Itekale usekamatok wechi màlà tamù'nawàlà pata yawon kon kappon yamùk pàk.

Mark 14:9

Ailon kulu sàlà, mailàlà Wakù Itekale usekama sàlà wolù yawàlà yau, inkupùppù nàlà usekama màlà. Màlà pàkàlà kappon yamùk usenumenka màlà nossan pàk,” teppù.

Mark 16:15

Màlàyau, “Itàtàk kon tamù'nawolon pata yawàlà. Wakù Itekale yekamatantàk kon tamù'nawàlà kappon yamùk pàk,” teppù ya tok pàk.

Luke 24:47

Molopai itesek yau àli kuttok winàpai welattàntok Katù winàkàik, molopai àli kuttok pàk usentuppantok yekale yekama màlà tamù'nawàlà pata yamùk yawàlà, Jerusalem poi tùpyattàse.

Yeunossak kon Wotokoyi 10:4

Inchelù yenupàkà iwechippù tùusenalippai'ma molopai, “Yà'là pe nai, Uyepulu?” teppù ya. Inchelù uya imaimu yeikuppù, “Katù uya àwàpùlematok molopai entuppa'nokon lepa pàk ewe'wotokoma tok yanùnsak man, molopai eyittusak ya man.

Romans 10:18

Tùse tekamappoyaik, ailon ken na' màlà tok uya itekale yetappù pùla iwechi? Ewaik, tok uya yetappù. Katù Maimu uya “Tok maimu utàppù màlà tamù'nawàlà wolù yawàlà, tok maimu utàppù tamù'nawàlà non pon kon piyak,”te kasa {Psa 19.4}

Romans 15:19

Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.

2 Corinthians 10:18

Masapùla kappon yanùnnsak kulu màlà Itepulu uselupa wakù pe ipàk yau, tùpàk wakù pe ichelupa yau pùla.

Colossians 1:23

Tùse ailon tetok auya'nokon wechi meluntà pe molopai i'nak kulu ikala iche we'nà man. Enpen ewettok kon ananùmùppù kon wakù itekale enetappù kon kan uchi kù'nonkatàu tà. Sàlà Wakù Itekale yekamappù màlà sàlà non pon kon tamù'nawolon kon kappon yamùk pàk. Molopai Iulà, Paul, wenappù màlà sàlà Wakù Itekale yapyoto pe.

1 Timothy 2:6

Iwettùsak lùppù tamù'nawolon kon kappon yamùk pùikattàtoppe tùuya. Sàlà ichi màlà Katù nenpoikappù wolù yawon kon nùttu pe iwekkuttok yattai tok wepùikattàtoppe.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

Revelation 14:6

Màlàyau tùulon inchelù wainùnsak kau kak yau yeneppù uya. Tàwàlàlà tùwemassen Wakù Itekale yesappe. Inekama non pon kon kappon yamùk pàk, tamù'nawolon kappon yamùk pata yamùk yawolon kon, pata kok molopai tùpatalo'nan mayin yamùk molopai kappon yamùk pàk.