Matthew 24:51 - Patamuna New Testament Revised

⁵¹ Itepulu uya yattàpàtù màlà echikili pe molopai tùusennakasan talumattàtok pùkkù pe iwechi. Molo ikalantok molopai tùyà kàlàlàikkatok ya wechi màlà.”

Matthew 24:51 Iomraidhean Croise

Matthew 22:13

Màlàyau kin uya tapyoto ton pàk, ‘Itemyatù molopai itta yaulontàk kon molopai yenu'matàk kon ewalupàttak. Molo ikalawù màlà molopai tùyà kàlàlài'ma ya,’ teppù ya.

Matthew 24:50

Màlàyau nen uchi mùkkàlà yepulu wennappo màlà tewinnà wei yattai, iyàpù yeneiche iwechi molopai ittuiche iwechi pen tùse.

Matthew 25:30

Pùsàlà tapulàsen pen apyoto, yenu'matàk kon polopona ewalupàttak. Molo ikalawù màlà molopai tùyà kàlàlài'ma ya,’ teppù,” teppù Jesus uya.

Matthew 8:12

Tùse mùkyamlo itepulu pe we'nàtok epùn po yau tùwessan yek yenu'ma màlà ewalupàttak polopona, molo tok kalawà màlà molopai tùyà kon kàlàlài'ma tok uya,” teppù Jesus uya.

Luke 12:46

Mùkkàlà apyoto yepotolù wennappo màlà yà'là yekkwa yattai là, enpen iwettok yattai pùla, ittu ya pùla. Itepulu uya yattàpàtù màlà echikili pe, molopai ipatassek yak inonka ya ailon tawonnan pen pokonpe.

Luke 13:28

Molo nen uchi kalannà màlà molopai àkàlàlàikka, Abraham, Isaac, Jacob, molopai tamù'nawolon kon Katù Maimu yenpoikannannùssan yene auya'nokon Katù wettok itepulu pe yattai yau, polopo nen uchi àkupù kon tùse.