Matthew 24:13 - Patamuna New Testament Revised

¹³ Tùse mùkkàlà meluntà pe nai'nùk tùwemapù yawàlàiwenukatok tepose wepùikattà màlà.

Matthew 24:13 Iomraidhean Croise

Matthew 10:22

Tamù'nawolon kon uya eyeya'noma kon màlà upàkànsau. Tùse mùkkàlà ailon pe tùwessen iwenukapù tepose wepùikattà màlà,” teppù Jesus uya.

Matthew 24:12

Màlà kasa àli wekatù màlà, màlàyau tukkankon kappon yamùk uya u'nùnmatok pùla iwena màlà.

Matthew 24:6

Wepanta'mantok yeta auya'nokon màlà mei molopai mei pùla. Tùse, kataimelunpatàu. Màlà yekkwa ton wekkupù màlà, tùse iwenukatok yekama màlà yamùk uya pen màlà.

Mark 13:13

Kappon yamùk uya màlà tùtalumayi kon pe àkupù kon upàkànsau. Tùse mùkkàlà tùwemattok yawàlà tùwettalumatàtok pàlikanàippù tùwematok wenukappù tepose pùikattà Katù uya màlà,” tukaik.

Luke 21:19

Meluntà pe ettàk kon, masapùla sàlà kasa ewepùikattà kon màlà, ” teppù Jesus uya.

Luke 8:15

Tùpànsen iwepukasak lùppù wakù non yak màlà uya yekama nai'nùk, mùkyamlo itekale yetan nan, iku'nài nan wakù pe, yawolon kon nà tewan kon yau, ailon pe tùwessan tùwepeta kon ponalà,” teppù Jesus uya.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

1 Corinthians 1:8

Meluntà pe àkupù kon ya màlà iwenukapù ponalà, iwalai pen nà pùla ewechi kon pa Kùyepulu kon Jesus Christ weyu yattai.

Hebrews 10:39

Mùkkyamlo iwennapposak kon molopai iimattasak kon walainon pen kùmyamlo. Tùse làkku ailon tawonnan kùmyamlo molopai iwepùikattàsak kon.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Revelation 2:10

“Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.