Matthew 23:8 - Patamuna New Testament Revised

⁸ Eyesatù kon uchi kùsettak ‘Ticha’ tukaik masapùla tamù'nawàlà echitonpa ton amyamlo molopai tewinan neken Eyenupanài' nokon yesak.

Matthew 23:8 Iomraidhean Croise

Matthew 10:25

Eichilà mà iwechi màlà tà tenupasen wechi tenupanài kasa molopai apyoto wechi tepotolù kasa yau. Tapùi yesak wechi Beelzebul pe yau màlà yentai nen uchi itùwùk tawon kon wechi màlà!” teppù ya.

Matthew 17:5

Ichelupa lùppù tùse akkwa katuppluk uyàpùppù màlà tok yepoi molopai mayin uya katuppluk yapai, “Pùsàlà mùkkàlà u'nùn kulu Umu, uyauchinpanài. Yetatàk kon!” teppù.

Matthew 23:10

Wapùla ‘Anài'’ pe eyesatù kon kùsettak, masapùla tewinan neken mùkkàlà ayanài'nokon Christ.

Matthew 23:7

Makiti tau ‘Wakù pe na' messan?’ te namantok pokonpe iwakùli ton mùkyamlo, molopai ‘Ticha’ tukaik kappon yamùk uya tesatù kon iwakùli ton.

Matthew 26:25

Judas, yeimipponài uya, “Ticha, Iulà ken na' mùkkàlà?” teppù. Jesus uya yeikuppù, “Wa mùkayaik làkku,” tukaik.

Matthew 26:49

Tùwelepansak yau, Judas Iscariot utàppù màlà Jesus piyak tossalà, molopai ipàk, “Tàwà wàlàkka'nàtok apyau nechii, Ticha,” teppù ya, molopai ikismappù ya.

Mark 10:51

Màlàyau Jesus uya yekamappoppù, “Yà'là kupù uya iche messan àponalok pe?” tukaik. Màlàpàk enpùn uya Jesus pàk, “Enupanài, pata yentukka toppe uya tàwà kùpùikattàkà,” teppù.

Mark 11:21

Màlàyau Peter uya ituppù molopai Jesus pàk, “Ticha, masa yenkà! Fig yek anpa'nùpùppù welichak man,” teppù.

Mark 14:45

Molopai tùuyàssak yau, Judas utàppù Jesus piyak asse'ne. Màlàyau, “Ticha,” teppù ya, molopai kismappù ya.

Mark 9:5

Peter uya Jesus pàk, “Ticha, wakù pe sa' talà we'nà'nokon man. Tapùi yamùk lùkwà koneka ina uya màlà àsolùwau, àwùk pe molopai Moses yùwùk pe molopai Elijah yùwùk pe tukaik,” teppù.

Luke 22:32

Tùse wàpùlemasak man àpona Simon, ailon tetok auya wechi attu'mùla tukaik. Ewennapposak upyak yau, àtonpa yamùk mùmeluntàlùnpaik,” teppù Jesus uya.

John 1:38

Tùwelattàsak yau Jesus uya tok uya tùwenaima yeneppù. Màlàyau tok yekamappoppù ya, “Yà'là iche messatàu?” tukaik. Tok uya imaimu yeikuppù, “Ticha, (Enupanài te ya pe iwechi) i'nai motau ken messan?” tukaik.

John 1:49

Nathanael uya yeikuppù, “Ticha, Katù Mumu àmàlà! Israel yamùk Kinù!” tukaik.

John 11:8

Inenupa ton uya ipàk, “Ticha, ko'manyakù'ne, kuichi, Jew yamùk ku tàk ke àwànàiche nettai, tùse ken na' uchi màlà motak àutà tukka màlà?” teppù.

John 20:16

Jesus uya “Mary” teppù, màlàyau iwelattàppù iwinàkàik molopai, “Rabboni,” teppù ya Hebrew maimu pe. Ticha, te ya pe iwechi.

John 3:2

Pùsàlà uyàpùppù Jesus piyak ewalupàttau, “Ticha, ina nùttuyan enupanài pe ewechi Katù neunokopù pe. Ànù'là kappon ànkupù yekkwa kupù pen, tùse Katù wechi neken ipokonpe yau,” teppù ya Jesus pàk.

John 3:26

John nenupa ton uyàpùppù ipyak, “Ticha, mùkkàlà kàyik ipokonpe mettainùk Jordan latoi po, wakù pe ipàk meselupatainùk, talà kappon yamùk yenpatauka yan. Tamù'nawolon kon nepilichan ipyak!” teppù tok uya.

John 4:31

Màlà notau inenupa ton uya, “Ticha, ata'lettàkà,” teppù Jesus pàk.

John 6:25

Jesus yeposak tùuya'nokon palau latoi po yau, tok uya ipàk, “Ticha, yà'là yattai ken sàlà motak màittai?” teppù.

John 9:2

Inenupa ton uya yekamappoppù, “Ticha, ànùk wemakuimasak pàk ken màlà enpùla pùsàlà kàyik wentuppù, pùsàlà ka'lù wapùla ikàipùnù, ichan tawonnan?” tukaik.

2 Corinthians 1:24

Ailon tetok auya'nokon ipàk woton yekamaiche eyepulu kon pe ina wechi pen sàlà. Autauchinpatok kon ponaloppe làkku ina we'wotokoma sàlà àpokonpe'nokon, meluntà pe ewechi kon ailon tetok yau pàk.

2 Corinthians 4:5

Masapùla tekale kon yekamannan pen ina, tùse Jesus Christ yekamannan ina Itepulu pe, molopai ina nen uchi ayapyoto kon pe Jesus pàkànsau.

Ephesians 3:15

Tamù'nawolon epùn pon kon molopai non pon kon konekanàippù mùkkàlà molopai tesek kon yepotok tok uya iwinàpai.

Philemon 1:16

Sàlà pe te'masen pe pùla tùwe'wotokomasen pe neken pùla man, tùse apyoto yentai: kùtonpa pe kulu man Christ yau. Màlà yentai man upona! Màlà yentai nen uchi àpona'nokon iwechi màlà Itepulu yau!

James 3:1

Utonpa yamùk! Elanneppe ettàk kon tukke kulu là enupannan pe eppai kettàu, masapùla mùttuyatàik ina enupannan ittutok wechi màlà àsà pe lùiwa tùulon kon yentai.

1 Peter 5:3

Mùkyamlo anmainanpa kon pe itùsak kon yepulu pe tukaik kettàu, tùse tok uya yentok ipàkàlà pe ettàk kon.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.

Revelation 22:9

Tùse upàk, “Kùkkupùi! Apyoto Iulà àtonpa molopai àtonpa yamùk Katù Maimu yenpoikannan tonpa, molopai tamù'nawàlà mùkyamlo sàlà kaleta yawon mayin yawàlà tùwessan tonpa. Katù làkku yapulàkà!” teppù ya.