Matthew 23:4 - Patamuna New Testament Revised

⁴ Eme'neppe yaplu konekannan mùkyamlo molopai kappon yamùk mùpona yaulonnàinan, tùse tewinnà elekkwà temyatù kon ke yanùmù pàk alikyeppe tok wechi pen màlà màlà yamùk yaplu yalà pàk.

Matthew 23:4 Iomraidhean Croise

Matthew 23:23

“Àsà pe kulu iwechi màlà àpona'nokon Law pàk enupannan, molopai Pharisee yamùk! Tùusennakasan amyamlo! Katù lepanàinan amyamlo tewin 10 pan itesappe ewettok kon yapai, kùyali kà'nùnpanàinan là mint, dill molopai cummin ke, tùse tùkussen kulu law yawon uya enupantok nulunpannan amyamlo, ikasa we'nàtok, usentuppantok molopai ailon pe we'nàtok. Sàlà yamùk kupù auya'nokon sàlà eppaino wapiyalok tùnulunpase pùla.

Matthew 23:3

“Màlàpàk uchi tamù'nawolon tok nekama maimu yawàlà mettàik molopai mùkuttàik. Tùse tok yeselu kùkkuttàu, masapùla tùnekama kon ku'nàinan pen mùkyamlo.

Luke 11:46

Jesus uya yeikuppù, “Àsà pe nàlà mà iwechi màlà àpona'nokon tà Law pàk Enupan nan! Eme'nek pe kappon yamùk lotùmannan amyamlo yalà tok uya yentai, tùse eyemyatù kon yenkan nan nùkkwà là pen amyamlo tok pùikattàse.

Yeunossak kon Wotokoyi 15:10

Yà'là pe ken uchi iwechi pàk màlà Katù tùlùiche ewechi kon ittutok yak eme'nek tùnonkase ailon tawonnan mùpona kùtamo kon yamùk là wapùla kùmyamlo là uya yalà yentaino?

Yeunossak kon Wotokoyi 15:28

Masapùla Wakù Akkwalù pokonpe ina usenumenkasak man wakù pe iwechi màlà yà'làlà yalà yentaino tùlù ina uya àpona'nokon tukaik, tùse sàlà yamùk yawàlà we'nàtok kon pokonpe.

Galatians 6:13

Mùkyamlo nàlà Jew yamùk yattàtok yeselu ku'nài nan lànen mùkyamlo Law yawàlà tùwessan pen. Wa là tùse tok wechi màlà ayattà kon iche, eyesak kon yattàsak pàk tùutapulàtok kon pe.

1 John 5:3

Masapùla sàlà màlà Katù pùnùnmatok yekamanài suwa ekkà tetok ya yawàlà we'nà'nokon, molopai enupantok ya yamùk wechi sa'man pe kulu kùpona'nokon pen màlà.

Revelation 2:24

“Tùse amyamlo nàlà tok tonpa yamùk Thyatira pon kon uya àli enupantok ya kupùppù pùla man, ‘Settan nùkupù tonantawon tukaik tùulon kon nesatù pàk eusenupasak kon pùla man. Tùulon tùpàlikasen tùlù uya tu'ma àpona'nokon pen màlà.