Matthew 21:23 - Patamuna New Testament Revised

²³ Jesus wennappoppù màlà Katù yùwùk tak. Molopai kappon yamùk yenupa ya tùse, eke ton paatele yamùk yepulu molopai Jew yamùk yesak ton uyàpùppù Jesus piyak molopai tok uya yekamappoppù, “Yà'là yekkwa ken apàikkek yesak àmàlà sàlà yamùk kupù pa? Ànùk ken elepatai sàlà apàikkek ke?” tukaik.

Matthew 21:23 Iomraidhean Croise

Matthew 20:4

Màlàpàk tok pàk, ‘Amyamlo nàlà itàtàk kon e'wotokomase u'mà yak, molopai eye'ma kon uya màlà ikasa,’ teppù ya.

Matthew 21:24

Jesus uya tok yeikuppù, “Tewin neken eyekamappo kon uya sàlà. Molopai yeichak auya'nokon yau, yekama uya màlà àpàkù'nokon yà'là yekkwa là apàikkek ke sàlà yamùk kupù uya.

Matthew 24:1

Jesus utàppù màlà molopai Katù yùwùk nàmà ya yau, ya'lon kon uyàpùppù màlà ipyak Katù yùwùk pàk yelupase.

Matthew 26:55

Màlàyau tukkan kon kappon yamùk iyàssak kon pàk, “Tùtaikepu ke molopai tùkasupalayi ke'ne ken na' uchi àuyàssak kon màlà uyachiche nai'nùk, amak yense utàn kasa là? Wei kaichalà ku chichiu pe wechippù tà Katù yùwùk tau, kappon yamùk yenupa pàk, molopai uyachi auya'nokon pùn.

Luke 19:47

Jesus uya kappon yamùk yenupappù màlà Katù yùwùk tau wei kaichalà. Tùse paatele yamùk yepulu ton, Law pàk enupannan, molopai kappon yamùk yennài nan wechippù màlà ànwàpai.

Luke 20:1

Tewin wei yattai Jesus wechi Katù yùwùk tau kappon yamùk yenupa pàk molopai Wakù Itekale yekama pàk tùse paatele yamùk yepulu ton, Law pàk enupannan, molopai tùnamasan kàyik yamùk tawonnan uyàpùppù màlà ipyak,

Yeunossak kon Wotokoyi 4:7

Tok uya Peter molopai John nepùppù temloto kon pona, molopai tok uya tok yekamappoppù, “Atta ken sàlà mùkuttantàu? Yà'là yekkwa ken meluntà apyau'nokon nai, wapùla ànùk yesek ken mapulàtantàu?” tukaik.

Yeunossak kon Wotokoyi 7:27

Tùse mùkkàlà tùulon talumattànài uya Moses chitokkappù miya. ‘Ànùk ken itepulu pe molopai ittunài pe ina yepoi àkupùi?’ tukaik yekamappoppù ya.