Matthew 21:11 - Patamuna New Testament Revised

¹¹ “Katù Maimu yenpoikanài pùsàlà Jesus, Nazareth Galilee yawon pon,” tukaik tukkan kon kappon yamùk uya yeikuppù.

Matthew 21:11 Iomraidhean Croise

Matthew 2:23

Tùpata konekappù ya màlà Nazareth po. Sàlà kupùppù ya màlà Katù Maimu yenpoikannan uya, màlà kasa iwechi màlà teppù kasa. “Nazarene pe yesatù màlà,” tawon.

Matthew 21:10

Jesus welepansak Jerusalem pona yau, tamù'nawàlà pata yawon kon utaimelunpasak wechippù molopai tok uya. “Ànùk ken mùkkàlà?” teppù.

Matthew 21:26

“Tùse, ‘Kappon winàpai iyàssak màlà,’ te'nokon yau, usenalippan man yà'là là kupù kappon yamùk uya kùwinàkà'nokon pàk, masapùla tamù'nawàlà tok uya ailon tesak màlà John wechi Katù Maimu yenpoikanài pe pàk,” teppù tok uya.

Matthew 21:46

Màlàpàk tok wechippù Jesus yachiiche. Tùse tok usenalippù tukkan kon kappon yamùk, Jesus wechi Katù Maimu yenpoikanài pe ittunnan pàk.

Mark 6:15

Tùse tùulon kon uya, “Elijah pe nen iwechi màlà,” teppù. Molopai tùulon kon uya, “Katù Maimu yenpoikanài pe nen iwechi màlà penalok kon kasa iwechi,” teppù.

Luke 13:33

Tùse utà sàlà uye'ma tawà sàlà pe, ewanawà, molopai màlà yewanawà. Ikasa pùla Katù Maimu yekamanài wànà i'nailàlà wechi màlà, tùse Jerusalem po neken,” teppù ya.

Luke 24:19

“Yà'là yamùk uchi?” tukaik, tok yekamappoppù ya. “Màlà yamùk uchi Jesus Nazareth pon pàk iwekkussak lùppù,” tukaik tok uya yeikuppù. “Pùsàlà kàyik wechippù màlà Katù Maimu yenpoikanài pe. Katù nùttu, molopai kappon yamùk nùttu, meluntà pe imaimu yau molopai iwotokoyi yau.

Luke 7:16

Tamù'nawolon kon usenalippasak wechippù màlà, molopai Katù yapulàppù tok uya. “Eke Katù Maimu yenpoikanài usenpoikasak man kùkklottakù'nokon!” molopai, “Katù uyàssak man tùponalok kon kappon yamùk pùikattàse!” tukaik.

Luke 7:39

Yensak tùuya yau Pharisee, Jesus kà'manàippù uya tùyiwalà, “Pùsàlà wechi Katù Maimu yenpoikanài pe yau, ànùk pe pùsàlà tappàppà'nài nossan wechi ittuppù ya sàlà eppaino, yà'là yekkwa là iwemattok pe iwechi!” teppù.

John 1:21

Tok uya yekamappoppù, “Ànùk ken uchi àmàlà Elijah ka' lù?” tukaik. “Kane, mùkkàlà pen Iulà,” teppù ya. “Katù Maimu yekamanài ka' lù?” te tukkappù tok uya. “Kane” tukaik tok maimu yeikuppù ya.

John 1:25

uya yekamappoppù, “Yà'là pe ken uchi iwechi pàk enpataukan auya màlà, Christ pe pùla là echii'ma, Elijah pe pùla là, molopai Katù Maimu yekamanài pe pùla là echii'ma?” tukaik.

John 4:19

Nossan uya ipàk, “ uyepulu, Katù Maimu yenpoikanài pe ewechi pe tùttuyaik,” teppù.

John 6:14

Jesus uya ittutok ipàkàlà kupù yensak tùuya'nokon yau kappon yamùk uya, “Ailon kulu pùsàlà Katù Maimu Yenpoikanài tùuyàpù woton sàlà wolù yak teppù ipàk lùppù,” teppù.

John 7:40

Iichelupa yetasak tùuya'nokon yau, tùulon kon kappon yamùk uya “Ailon pe làichi Katù Maimu yenpoikanài pe iwechi pe man,” teppù.

John 9:17

Tok uya tukka kàyik yekamappoppù, “Yà'là mùkayan ken eyenu yakkokanàippù pàk?” tukaik. “Katù Maimu yepoikanài nen mùkkàlà,” teppù ya.

Yeunossak kon Wotokoyi 7:37

Moses mùkkàlà kappon yamùk Israel pon kon pàk, ‘Katù uya màlà tùmaimu yenpoikanài yeunoko apyakù'nokon uyeunossak tùuya nai'nùk kasa, àtonpa kon kùlottapai,’ tawon nùppù.